عرض للطباعة
السلام عليكم
كيف لى أعيش مع زوجى فى حالة حب متوهج دائم ؟:-?
نحن مغتربين فى سلطنة عمان ,هو مطحون فى الشغل , و انا مبشوفش الشارع غير علشان السوبر ماركت
بتنتابنى حالات اكتآب و عصبيَة و طبعا يليها مشاكل..:((.
ايه الَ ممكن تعمله الست حتى تجتاز هذه المنغصات
مع العلم ان زوجى : صبور و حنون و جميل الطباع و الحمد الله
أولا الحمدلله انكم مغتربين سوا ..
الغربة عمرها ماكانت غربة المكان وبس .. الغربة الحقيقة غربة الأهل والأحباب ،، ومعاكي جوزك الحمدلله وربنا يديم الود والمحبة بينكم يارب دائما
وبالتالي المشكلة مش الغربة بشكل أساسي
الفكرة بس انكم محتاجين تجديد في روتين الحياة .. ومش شرط يكون بخروجات ..
مشاكل الحياة دلوقتي ان رتمها سريع ومتطلباتها بقت تاخد وقت طويل .. عشان كدا هوا مطحون في شغله واكيد انتي مشغولة ببيتك
نصيحة مني ،، دوري على طريقة سعادتك بنفسك ، دلعي نفسك في بيتك ، لما تصحي الصبح افتحي الشبابيك واتنفسي هوا الصبح وحاولي تستشعري السعادة انك معاكي شريك حياتك ربنا يخليهولك ..
جددي الحب بينكم ، اكتبيله ورقة عليها بحبك او حتوحشني وحطيهاله في جيب قميصه اللي حيلبسه ، او على المراية الصبح
اعملي آكشن جديد في حياتكم .. وأهم حاجة أهم حاجة .. تخليه يحس انك مقدرة جدا تعبه ووقته اللي مستهلك في الشغل
وان شاء الله كل حياتكم تكون سعيدة دائما :)
انا مع امير ف كلامه
حاولى تقربى من ربنا اكتر
مارسى هوايه معينه
كمان ممكن يكون ليكى اصحاب ترغى تضحكى تبكى تلعبى معاهم
ربنا يوفقك ويسعدك
انا أميرة مش أمير :)اقتباس:
المشاركة الأصلية كتبت بواسطة ابو تريكه
انا بشكرك على النصيحة الغالية ده
ربنا يجازيكى خير
انت سكر :)
انا رئى انك تصبرى وتحتسبى الى الله وربنا مش هيخذلك ابدا
تقلبى مرورى