قافلة الحريه
مركب معونات إنسانيــــــــــــه
لإغاثة الناس في الحصــــــــار
قابلتها قوات مفتريَّــــــــــــــــه
في البحر وف عز النهــــــــار
مع كل واحد بندقيَّــــــــــــــــه
وكأنهم جُم ياخدوا تــــــــــــار
وبكل حقد الصهيونيــــــــــــه
فتحوا على المجموعه نـــــار
قال ليه وليه جايه بجُــــــــــرأه
علشان تساعد أهل غــــــــــزه
واعتبروا إن سلوكها سِرْقـــــه
وف شرعُهُم دي حاجه شــــاذه
ليه يبقى ناس عايشين في خنـْقه
وعنيها قـُرْبت تبقى بــــــــارزه
ويجيلها ناس واخداها حَمْــقــه
أنـِّب ضميرها الاحتِضـــــــــار
ماليين مراكِب بالبضايـــــــــع
ودَوَّا عشان كـُتـْر الجـِـــــراح
فاكرين بأن مفيش موانِـــــــع
والإنسانيه شيء مُبـــــــــــاح
نسيّوا بأن الحق ضايـــــــــع
والظـُلـْم أصبح أمْر شايـــــع
في عصر فيه الكـُل جـــــار
غرســوها وبدون إنسانيـــــــه
وسابوها تكـْبر بالمُصيبـــــــه
خلونا عايشين كل ثانيــــــــه
وهيّـه في وسطينا عِيبَـــــــــه
لاكن مسيرها تِبقــَى فانيـــــه
وساعتها ينزاح عنا عــــــار
معرفش ليه سايبينها تـُفـْجُــــر
وتحاصر الناس والبشـَـــــــــر
مع إننا بأعدادنا نِقـْـــــــــــــدَر
نـُبْرُك فوقيها وننتـَصَــــــــــر
واسأل شِعار أللهُ أكبَـــــــــــر
يوم ما الشباب قالـُه وعَبَــــر
دااحنا يا ناس تِعدادنا أكتـَــر
وبديننا مضمون لانتصــــار
ناقص تكون إرادتنا واحـــده
وإيماننا يملا قلبنــــــــــــــــا
منهابش حاجه ف حربنـــــــا
مش محتاجين نعقِد معاهـــده
واحنا معانا ربـِنــــــــــــــــــا
دا الدين جعل في الأمه وِحْـده
لكن عزلناها بْجـِـــــــــــــدار
لو إسرائيل شايفانا أمَّــــــــــه
كلمتها واحده ف كل حيـــــن
تلقانا دايمًا نِبقى لمَّـــــــــــــه
لو حد بص بنـُص عيــــــــن
ما كانتش بقيت غزه لـُقـْمــه
في بُق حبَّة ملعونيــــــــــــن
ولا كان هتشـْتِم أي شِتـْمـــه
ولا قرَّبت جنب الديـــــــــار
منقووووووول
