بحبك موووت
حبيبي وأعز من عيني
اليك اشواقي كتيره كتيره
مالهاش عد
ومهما اوصف أو احكيلك
في قلبي حاجات كتير حلوه ومالهاش حد
كتير بابكي لاحساسي انت الماضي والحاضر
وكون اوصف مانيش قادر
ومش عارف اقول ازاي
ومش لاقي معاك تعبير
كلام بيطير
ومش لاقي لهوايا حدود
وبيك موجود
وليك موجود
كتير باقعد معاك خلسه
بدون ما تحس بوجودي
وباشرحلك هوايا ازاي
ولما اعجز عن التعبير
اقولك بص في عنيا
ح تعرف اني انا العاشق
وانا الولهان
انا اللي قالوا عني كتير في اشعارهم
وأغانيهم
وقالوا كتير ولا وصفوا اللي جوايا
أنا ما انكرش قالوا كتير
ولكن زي نقطه في بحر من شوقي
وشوفي الاختلاف ازاي
دي ابسط حاجه اقولهالك ما هيش بالسهل
وحتى الاختلاف في الوقت مش هين
وانا وياك يمر العمر في ثواني
ومش حاسه
تمر سنين وتيجي سنين
واقول من ايمتى وانت معايا
بقالي معاك يا دوب ثانيه
واخاف لتعدي بعديها سنين تانيه
واحس العمر بيك عدا ومش حاسه
ولما بتبعد بالاقي الاختلاف الصعب
يبان في عنيا شوق البعد
ثواني تمر زي سنين ومش فايته
يمر عليا في الليله سنين وسنين
كأن الثانيه في مرورها جبال محتاجه تتزحزح
ومن شوقي
باقدم عقرب الساعه
عشان الوقت يجري بسرعه
واسمع صوت حبيب القلب
واسمع صوت ملان رقه
وكله حنان
وكله امان
واحس ملايكة الجنه
بتاخدني لقصور من نور
اكون ملك القلوب فيها
بقلب حبيبي وحنانه
ودلوقتي باقولهالك
حبيبي وأعز من عيني
بحبك موووت
