بص كده معايا وشوف !!!!!!

مساء الخير عالجميع:)
النهارده وانا قاعده فى امان الله سمعت خبر هو مش جديد علينا بس يمكن امتداد الخبر كل الوقت ده مع عدم امكانيه محوه هى دى الحاجه اللى خلتنى افكر اعرض عليكم الامر ده
وهو"ارتفاع الاسعار" كلنا عارفين الموضوع ده من زماااان
وان الحاجه دايما فى السوق تغلى وترخص
لكن ان الحاجه تبقى فى السوق غاليه لا وايه بين يوم ويوم
لالالا بين ساعه وساعه الحاجه تغلى الضعف والضعفين ده اللى ميعجبناش

طيب انا هقولكم اسعار التموين الرئيسى لكل بيت
الزيت زجاجه كيلو 13 جنيه
السكر 3 جنيه والسمنه العلبه المتوسطه مش الكبيره نقول ب10 جنيه
طيب لو حبيت حضرتك تتغدى هتعمل ايه الطبيعى انك تنزل تشترى اكل ...ده الطبيعى ...
هتنزل وتعمل ايه هتلاقى الامور كالتالى
اللحمه ب 30 جنيه
الفراخ الكيلو ب 14 جنيه
طيب يا سيدى هتقول لنفسك بلاش اللحوم ممكن نقضيها اى حاجه
الطماطم ب 2 جنيه ونص
البصل 2 جنيه
البسله 3 جنيه الكوسه 3 جنيه البدنجان ب3 جنيه
الفاصوليا 5 جنيه الارز ب 4 جنيه
المكرونه ب 4 جنيه
طيب بلالالالالالاش كل الحاجات دى
خليك راجل اقتصادى وبتجيب من الاخر المفيد والكويس مثلا
"العدس "ههههههههههههههههه
اللى متعرفهوش يا سيدى ان العدس بقى ب8 جنيه
يعنى لو اسره حبيت تفطر كده فول وطعميه وهى مكونه من 5 افراد
او تتغدى لا سمح الله
او تتعشى لا قدر الله
هتعمل ايه
طيب انا نسيت كمان اقولكم على ازمه العيش والزحمه والقتال اللى بيكون على العيش
يعنى انا مش عارفه احصر المشكله فى ايه ولا ايه
المشكله كبيره جدا وظهرت فجأه
يعنى انا بقعد مع نفسى كده وافكر
طيب المشكله دى حصلت ليه
هل لما يدعى اتفاقيه الجات وفتح الاسواق العالميه
ولا عشان الشعب يتلهى فى اى حاجه يتكلم فيها وهما ينفذوا اى مخطط رسمينه
ولا عشان الاكذوبه اللى بتقول ان المرتبات زادت 10% كده ولا حاجه
وهما عايزين فى المقابل 50 % من المرتبات
طيب انا هقولكم على حاجه قطعت قلبى والله
بيقولك ان فى واحد نزل يجيب اكل لعياله ومعاه الفلوس
يعنى راجل مش عاطل
عنده عيال
وبيشتغل ومعاه فلوس
نزل وفوجىء بالاسعار
راج جاب مكرونه وبعد ما زوجته عملتها دس فيها السم واكل منها هو وعياله
يعنى ده عمل كده ليه
من قله الحيله
انا عن نفسى مش عارفه الاقى سبب واحد للى احنا فيه ده
غير اننا مستسلمين للوضع تماما
ومفيش منا اى مبالاه
نشتكى ونتكلم ومبنعملش حاجه
واحنا اللى فى امكنا نغير اللى احنا فيه ده
حبيت الفت نظركم بس
وانا من رأى ان الموضوع ده مش هينتهى الا بثوره
ثوره بقى بالسخط والغضب ؟؟
ثوره بعزل الحكومات والقيادات؟؟؟
ثوره بأستردادنا نحن حق الادميه ؟؟؟
المهم يحصل اى رد فعل من الجمل النائم وهو شعب مصر
بصراحه الكلام فى الموضوع ده مش هيخلص
مستنيه مروركم وارائكم