صرخة طفل فلسطينى ..للعالم

ابنى الصغير صِحى من نومه

كان مفزوع..:-O

جريت عليه بلهفتى

فكرته مات م الجوع

قربت منه عشان أضُمه

قال بصوت موجوع

صحانى ياأمه

صوت الرصاص

مش م الألم والجوع

*********

ياأمه خدينى ف حضنك

أنا مالينى الخوف

وغير لى هدومى

ده أنا فى الجراح ملفوف

يمكن يزول الألم

والمرار م الجوف

ياأمة ونادى إخواتى

على مِداد الشوف

************

ياأمه هاتى القلم

ومعايا كراستى

وشوفى أخويا الكبير

يودينى مدرستى

بكت أمى وقالت:

ماالمدرسة هدوها

نزل عليها صاروخ

والأنقاض شالوها

شالوا مع التختة

أحلامك ..وخنقوها

*************

إبنى الصغير كبر

وقال لى ياأمه خلاص

من النهاردة ياأمى

مش عاوز الكراس

هاأسيب قلمى...

وأسيب حلمى...

كبرت ياناس...

مادام شايفنّى بأتعذب....

وجوه بلادى بأتغرب..

وكل الدنيا راح تشجب.

وبتندد..وهاتندد

لآخر طفل فينا ياناس
*************

خلاص اخت نور ما نملك غير التنديد والشجب
وربنا يصلح حال المسلمين
كلمات معبرة وصورة مؤثرة للواقع الذي تعيشه
جزء غالي من الاراضي العربية
لك التحية أختى المبجلة
شكرا وبارك الله فيك

جميله اوى اوى
تسلم ايدك يا ماما نور

السلام عليكم
ما شاء الله على الكلمات
فعلا معبره وجد مؤثره
جعلتنى اسرح فى هم يحمله جيل كامل
وكيف السبيل للخلاص منه والامه مشغوله عنه
ندعوا الله ان يعيننا ويوقظنا من غفلتنا
اللهم آمين
تقبلى مرورى
والسلام عليكم

مادام شايفنّى بأتعذب....

وجوه بلادى بأتغرب..

وكل الدنيا راح تشجب.

وبتندد..وهاتندد

لآخر طفل فينا ياناس

ما هو ده اللى احنا مشهورين بيه تنديد

وشجب وضبط النفس يا مسلمين


ماما نور بارك الله فيكى دمتى بخير

سلمت حروفك المنبثقة بين ثنايا شاعرة تحمل هموم الوطن ليس في وسعنا شيئ سو ى القول حسبنا الله ونعم الوكيل
تقبلي تحياتي ولك خالص ودي وتقديري واحترامي (مرفق ملف قصيدة بغداد للأبنودي)