آآه لو العمر يرجع بيا

اسأل نفسك
لو العمر رجع بيك هتصلح ايه ؟
ايه اللى عملته وندمان عليه وتتمنى العمر يرجع عشان ماتعملوش؟
وتتمنى ترجع كام سنه لورا؟
يلا الكل يرجع معانا لسنين فاتت ويقولنا هيعمل ايه

لو العمر يرجع بيا تاني كنت هاذاكر لاني ما عرفتش المذاكرة الا في تانية كليه يعني لو ذاكرت كنت حققت كل ما احلم به لإن فيه ناس كان مستواهم أقل مني بكتير وماشاء الله عليهم معيدين فغي الجامعات وكمان ما كنتش دخلت كلية تجارة كنت دخلت كلية دار علوم اللي بحبه لاني أعشق الغة العربية

بصراحه مكنتش هعمل حاجه
لان اللى ربنا مقدره احسن حاجه وفيه فوائد كتير يمكن متتحسش دلوقتى بس هتتفهم بعدين ودا عن تجربه

وانا كمان رئيى من رأى اسماء

تسلم ايديكى اميره موضوع لذيذ

وانا كمان رأيى من رأى اسماء

لو العمر يرجع بيا
كنت قضيت اوقات كتيره ضيعتها في حفظ القرآن الكريم

قدر الله وماشاء فعل
أنت تريد وأنا أريد
والله يفعل ما يريد
بارك الله فيك أميره
تقبلى مرورى

اقتباس:

---

المشاركة الأصلية كتبت بواسطة ekrammegawer

لو العمر يرجع بيا تاني كنت هاذاكر لاني ما عرفتش المذاكرة الا في تانية كليه يعني لو ذاكرت كنت حققت كل ما احلم به لإن فيه ناس كان مستواهم أقل مني بكتير وماشاء الله عليهم معيدين فغي الجامعات وكمان ما كنتش دخلت كلية تجارة كنت دخلت كلية دار علوم اللي بحبه لاني أعشق الغة العربية

---

هو فعلا كل مانعدى مرحله بنقول لو ترجع كنا طلعنا الاوائل لكن الحمد لله على اللى احنا وصلناله وكده كويس اوى المهم نحاول ننجح فى اللى جاى
وانت مادام بتحب اللغه العربيه قوى نفسك فيها اكتر كمان
وربنا يوفقك

اقتباس:

---

المشاركة الأصلية كتبت بواسطة اميره بلا وطن

هو فعلا كل مانعدى مرحله بنقول لو ترجع كنا طلعنا الاوائل لكن الحمد لله على اللى احنا وصلناله وكده كويس اوى المهم نحاول ننجح فى اللى جاى
وانت مادام بتحب اللغه العربيه قوى نفسك فيها اكتر كمان
وربنا يوفقك

---

نورتي المنتدى يا اميرة
ايه الفلاش ده والنور ده
بقالي ساعة أقرأ في الضلمه لحد ما نورك وصل
تقبلي تحياتي

اقتباس:

---

المشاركة الأصلية كتبت بواسطة ekrammegawer

نورتي المنتدى يا اميرة
ايه الفلاش ده والنور ده
بقالي ساعة أقرأ في الضلمه لحد ما نورك وصل
تقبلي تحياتي

---

هههههههه المنتدى منور باصحابه
تسلم