هام لكل مصري يوم 6 ابريل يوم اضراب عام في مصر

إتفقت كافه القوي الوطنية في مصر علي أن يكون
يوم الأحد القادم 6 إبريل يوم إضراب عام في مصر
يوم 6 إبريل خليك قاعد في البيت
أو شاركنا فى الميادين العامة
أوعي تنـــــــــزل لكن شاركنا
ماتروحشي الشغل
ماتروحشي الجامعه
ماتروحشي المدرسة
ماتفتحشي المحل
ماتفتحشي الصيدليه
ماتروحشي القسم
ماتروحشي المعسكر
عايزين مرتبات تعيشنا
عايزين نشتغل
عايزين تعليم لأولدنا
عايزين مواصلات أدمية عايزين مستشفيات تعالجنا
عايزين دواء لأطفالنا عايزين قضاء منصف
عايزين أمن وأمان عايزين حرية وكرامه
عايزين شقق للعرسان
مش عايزين رفع أسعار
مش عايزين محسوبيه مش عايزين ظباط بلطجية
مش عايزين تعذيب في الإقسام
مش عايزين أتاوات
مش عايزين فساد مش عايزين رشاوي
مش عايزين إعتقالات مش عايزين تلفيق قضايا
قول لأصاحبك مايروحوش الشغل همه كمان وخليهم يدخلوا الإضراب
( حزب العمل المصري- حركة كفاية - الإخوان المسلمين - حزب الكرامه - حزب الوسط - حركة موظفيالضرائب العقاريه - عمال غزل المحلة - حركة إداريي وعمال القطاع التعليمي - نقابةالمحامين - حركة أستاذه الجامعات)





يوم 6أبريـــــــــــــــــل أضراب عام في مصر سلمي
أبعت رسايل لخمسة من أصحابك
ولو كل واحد بعت لخمسة في ظرف يومين البلد
كلها حتعرف بالموبايل بالأرضي بالأيميلات أو حتي رسايل عالشات في قنوات التليفزيون
أنسخوا رسالتنا وأبعتوها تعليق على كل المقالات
ألي بتقروها بيكوا وبينا البلد دي حتتغير أنشاء الله





المسيحين مع المسلمين لصالح مصر






يالا يامحمد يالا يامينا مصر مش هتتغير إلا بإيــــدينـــــــا



منقول

مشكورة جدا سارة على دعوتك و انتى سبقتينى و احب اكمل معك ان احزاب الغد (جبهة ايمن نور) و التجمع و الناصرى و جميع القوى السياسية الشريفة ستشارك بقوة فى التظاهر و الاضراب يوم 6 ابريل

ا كيد لازم هيكون الشعب المصرى كله فى اليوم ده اضراب وكل الاحزاب لازم يكون فيه موقف لكن تفتكر ان الشعب هيبطل خوف ويعمل اضراب ولا هيقول وانا مالى ياعم انا عايز امشى جنب الحيط وميرسى لمرورك

يعني انا مروحش المدرسة ؟!!

دة كانت مدرستي تقطع رقبتي ....

بس ميرسي للحماس

ربنا يوفقكوا

اه صحيح دانا عندي مدرسه لا ياحتي انا هروح المدرسه مع اني مبروحش اساسا بس اليوم دا بالذات هروح بقي هههههههههههههههه تسلم ايدك يا ساره

اقتباس:

---

المشاركة الأصلية كتبت بواسطة SARA AHMAD MM

ا كيد لازم هيكون الشعب المصرى كله فى اليوم ده اضراب وكل الاحزاب لازم يكون فيه موقف لكن تفتكر ان الشعب هيبطل خوف ويعمل اضراب ولا هيقول وانا مالى ياعم انا عايز امشى جنب الحيط وميرسى لمرورك

---

حاقولك حاجة كنت فى مظاهرة من اسبوعين تقريبا المهم كنا بنهتف لغزة واحد راجل كبير يعنى جه جنبنا و قال اتكلموا عن الغلاء قلنا له موافقين بس تعالى معانا و احنا نتكلم تعرفى عمل ايه مشى و سابنا خاف على نفسه بس واحد مشى انضم لنا ناس كتير و غير اللى وقفوا يتفرجوا و الفرجة البداية و بعدين على الاقل اللى بنعمله دا علشان لما نتحاسب قدام ربنا يوم القيامة و يقولنا عملتوا ايه علشان تغيروا نقول له اتكلمنا اعترضنا عملنا حتى اضعف الايمان بس مازال فيه امل العمال بالرغم ان مستوى التعليم بتاعهم ممكن ما يكونش كبير لكن بالرغم من كده عملوا اللى ما عرفش يعمله المؤهلات العليا و اللى خايفين يعملوه و دى البداية و اتمنى ان الشعب يستجيب للدعوة لانها لو نجحت حاتأثر جدا و الشعب حايكسر حاجز الخوف و حاتتغير حاجات كتير

يارب بقى يتغيرو ويبطلو خوف انا بدعلهم من كل قلبى

تمام

عندك حق ..

انا مش رايحه الكليه

و احلى حاجه ان اليوم يوم من التلت تيام اللى عليا كليه فيه


يا رب يعملوا حاجه بقى


يا رب فعلا حاجه تتغير


يا رب لما يكدبوا علينا يكدبو علينا صح و بضمير ..