شعارنا الأبدي لولاك يالسانى ماتسكيت ياقفايا
1_لا تتظاهر:::::::
لا تتظاهر بانك فاهم كل حاجة،لانك مش فاهم اي حاجة،لا تتظاهر بانك راض عن كل حاجة،لانك في الحقيقة مش
راضي عن اي حاجة،
لانك في الواقع ما فيش حيلتك اي حاجة ترضي بيها،ولا تتظاهر مع المتظاهرين في ميدان التحرير،ولا في اي ميدان تاني
ولا حتي ميدان بيكاديلي،بغض النظر عن موضوع التظاهر،صحفيين..قضاة..فلسطي ن..لبنان..او حتي البنزين اللي غلي
بسبب زيادة استهلاك الحكومة له،في انهم يولعوا بيه فيك انته واهلك واللي يتشددلك....لا تتظاهر.
http://us.i1.yimg.com/us.yimg.com/i/...mileys2/16.gif
2_لا تأ كل:::::::
ما تاكلش حق غيرك في انه ياكل خيرك،فانت في مصر،وهي نفسها واكلة الخير في بطنها،مش بيقولك النيل رواها والخير
جواها!!وبعدين انت لا حتاكل حقوق غيرك،لان غيرك ده مش موجود اصلا،وربنا يباركلك في سندوتشين الفول
والطعميةوطبق الكشري،ويحليهم في بقك،خليها بمزاجكواعملها بجميلة،وخلاف كده........لا تأ كل.
3_لاتتردد:::::::
في انك تقول نعم،مش بيقولك كلمة حاضر بتريح،خليك سلس،وحلو،وطوع،ولا تتردد في اِنك تروح لجنة الانتخابات او
الاستفتاء،و اخترناه اخترناه،واصحابك بتوع المجلس الموقر ممكن يعكموك بمياية و ببطانية واهو كله ينفع،لانك بعد كده
مش حتشوفهم اصلا ولا في جنازة ولا في جوازة.......لذلك لا تتردد في انك تشارك..لا تتردد.
4_لاتضحك:::::::
:طب علي ايه ؟ بخلاف نفسك ما فيش حاجة تضحك عليها،النكت بقت كلها قديمة وبايخة،والضحك
من غير سبب دلوقتي هو قمة الادب،وبمناسبة قمة الادب،هل تعلم ما هي؟هي انك تخبط علي دولابك قبل ما تفتحه،وقمة
الادب زيها زى اي قمة،صعب الوصول اليها،انسي الضحك بجملة كل اللي نسيته،ولو سمعت اي نكتة قول بايخة،بيقولك
فار نط في كاس ويسكي،طلع يقول ينعل ابو القطط،،،،با يخهههههههه,,,,
زي ما قلنا خليك غم........لا تضحك.
5_لاتندهش::::::
لا يوجد ما يثير الدهشة،لان كل المقدمات والمعطيات تؤدي الي النتائج الحالية،وهي رغم انها قمة
الدهشة الا انها لا تثير اي دهشة،عادي جدا،وبالمناسبة..انت عارف ما هي قمة الدهشة؟فاكر في الوصية اللي فاتت لما
خبطت علي دولابك في قمة الادب،اهو بقي قمة الدهشة ان الجاكتة اللي متعلقة في الدولاب ببتفتحلك،وعندها تذكر ذلك
جيدا......ولا تندهش.
6_لا تلعب::::::::
انت مالكش في اللعب الكبيير،يبقي ما تلعبش احسن،حتلعب في ايه؟؟؟؟في الحديد،ما تقدرش،،،،،،،في
السياسة!!!!!هوانت في لجنة السياسات؟؟؟؟؟؟؟يبقي ما لكش فيها برضه...طب في مجلس
الشعب؟؟؟؟؟؟؟؟ لأبرضه,,,,,,,....يبقي تقعد لك في جنب احسن,,,,,اخرك ايه..تلعب كورة،،مش حتسد مع الاهلي علي بال
ما ربنا يشفي الزمالك ويعافيه من بلاويه..بيقي انت مش حتلعب،وبخلاف اللعب في مناخيرك... ..لا تلعب
7_لا تحلم
ورغم انه طبقا لمحمد منير" لو بطلنا نحلم نموت"...الا اننا فعلا ميتين طبيعي يا ريس،والحلم مالوش لازمة في
نومتنا،ولا موتنا،وبعدين بيقولك "مرةواحد نام متأخر،لقي الحلم بدأ"،والتاني" نام في سرير ابنه الصغير،شاف حلم
كرتون"،الكارثة انك ممكن تحلم حلم اكشن او رعب ويكون كبيرعليك......ولو حاولت تحقيقه حتلاقي نفسك لسه
بتحلم،وتقلب بكابوس يا باشا......لا تحلم
9_لا تتألم::::::::
ما بقاش فيه احساس،والناس عموما اتعلمت تنفض وتكبروتحلق،مهما كانت المعاناة ومهما كانت
المصايب،،،،،،،،،لذلك مهما قاسيت او عانيت..لا تتألم علي اعتبار إنك مش حاسس،لأن أ لمك ده مش حيفرق اي حاجة
مع اي حد..ابعد عن كل ما قد يؤلمك وبالذات قناة الجزيرة،وخليك مع كليبات نانسي وهيفاوشاكيرا،لأن أ لمك وحده مش
كفاية،مالوش لازمةولا داعي....لا تتألم
10_لاتقرأ::::::::
بقالنا كام سنة بنقرا،عملنا ايه بيها،اتعملنا ايه،،،،،،،وفي هذه الحقيقة الزمنيةالمنسية..لن تزيدك
القراءة المحترمة للكتابات المحترمة، الا هما و غما ومهما كانت محاولات تصديرالسعادة لنفس القارئ،الا ان الظروف
الراهنة لا تصدر إلا الألم،،،،،فتتألم....رغم التوصية السابقةبتاعة لا تتألم،السعادةيااستاذ بقت أغلي من حديد أحمد عز
،علشان كده ريح دماغك ولا تقرأ،لا تقرأ حاجة غير
الفاتحة علي أرواح حبايبك
منقوووووووووووووووول نقل مسطره
رد: شعارنا الأبدي لولاك يالسانى ماتسكيت ياقفايا
وااااااااااااو .. يا مواضيعك يا ست البنات ... تسلم لنا مجايبك وتسلم لنا إديكي ....;;)
الف الف شكر علي المواضيع المتميزه دي والي الامام دائما
رد: شعارنا الأبدي لولاك يالسانى ماتسكيت ياقفايا
اقتباس:
المشاركة الأصلية كتبت بواسطة Hooba
وااااااااااااو .. يا مواضيعك يا ست البنات ... تسلم لنا مجايبك وتسلم لنا إديكي ....;;)
الف الف شكر علي المواضيع المتميزه دي والي الامام دائما
ميرسى لمرورك ياهوبا وميرسى على الكلام الجميل ده
رد: شعارنا الأبدي لولاك يالسانى ماتسكيت ياقفايا
رد: شعارنا الأبدي لولاك يالسانى ماتسكيت ياقفايا
اقتباس:
المشاركة الأصلية كتبت بواسطة sadawy
ميرسى لمرورك بس ياريت نفكر ازاى نغير الفكرة ديه لو فضلانا كل واحد فينا يقول لا ارى لا اسمع لا اتكلم يبقى من الافضل للانسان انه يموت بس مش يعيش جبان
وميرسى لمرورك مرة تانية
رد: شعارنا الأبدي لولاك يالسانى ماتسكيت ياقفايا
بسم الله مشاء الله موضوع جميل جدا ممكن سؤال .
انتي متاكد انك صحبة الشيطانه؟
اصل بيقول المرء على دين خليله
وانتي بسم الله مشاء الله موضيعك جميله وهديه كده
انا مش قصدي حاجه عشان مضربش
رد: شعارنا الأبدي لولاك يالسانى ماتسكيت ياقفايا
اقتباس:
المشاركة الأصلية كتبت بواسطة ملك الشطرنج
بسم الله مشاء الله موضوع جميل جدا ممكن سؤال .
انتي متاكد انك صحبة الشيطانه؟
اصل بيقول المرء على دين خليله
وانتي بسم الله مشاء الله موضيعك جميله وهديه كده
انا مش قصدي حاجه عشان مضربش
ميرسى بجد ده من ذوقك بس انت عارف شيطانة ليسة صغيرة ويعتبر انا اختها الكبيرة لان من يوم متولدت وهى معايا فى نفس البيت ادعيلى بقى لحسن انا اتهريت مقالب منها ميرسى لمرورك نورت الموضوع
رد: شعارنا الأبدي لولاك يالسانى ماتسكيت ياقفايا
اقتباس:
،فانت في مصر،وهي نفسها واكلة الخير في بطنها
لو على مصر
مصر عمرها شايله
وعمرها مابخلت على حد من ولادها
لكن في ولادها اللي طمع في حق أخوه
مش ذنب الأرض
ده ذنب اللي خدوا خيرها ونكروه
اقتباس:
واصحابك بتوع المجلس الموقر ممكن يعكموك بمياية و ببطانية واهو كله ينفع،لانك بعد كده
بطانية من اللي ب35 جنيه ممكن
أما موضوع الميياية دي واسعة شوية
هموا أول عن آخر 30 جنيه
اقتباس:
اخرك ايه..تلعب كورة،،مش حتسد مع الاهلي علي بال
على بال ايه
ليه تحطيم النفسويات ده
طيب ماهو الحضري أهه قدوة
مش بيقولوا عيش ندل تموت مستور
شكرا يا سارة
موضوع جميل
رد: شعارنا الأبدي لولاك يالسانى ماتسكيت ياقفايا
اقتباس:
المشاركة الأصلية كتبت بواسطة شمس الأصيل
لو على مصر
مصر عمرها شايله
وعمرها مابخلت على حد من ولادها
لكن في ولادها اللي طمع في حق أخوه
مش ذنب الأرض
ده ذنب اللي خدوا خيرها ونكروه
بطانية من اللي ب35 جنيه ممكن
أما موضوع الميياية دي واسعة شوية
هموا أول عن آخر 30 جنيه
على بال ايه
ليه تحطيم النفسويات ده
طيب ماهو الحضري أهه قدوة
مش بيقولوا عيش ندل تموت مستور
شكرا يا سارة
موضوع جميل
ميرسى لمرورك بجد افدنا ردك الجميل
