حملة التهييس (تهييس عاطفى) الحلقه 4
الانسان ممكن يحب لمجرد احتياجه للحب ؟؟؟؟و لا بيحب لأنه عايز يحب ؟؟؟؟ و لا الحب بيفرض نفسه عليه؟؟؟؟
المفروض ندور عليه؟؟؟ و لا نستناه يجى لوحده ؟؟؟؟؟ لو استنناه و مجاش ,العمر حيجرى بينا و ممكن نندم
لو حبيت لأنك حاسس باحتياج بعد شويه حيحصل اشباع للاحتياج ده و اللى بتحبه حيبقى زيه زى اى حد و كده ظلمت نفسك و ظلمته
و لو الحب فرض نفسه عليك بس العقل رافضه حتقدر تكمل و تحب تانى ؟؟؟؟؟ و لا هى مرة واحده,
اصلا لو العقل رافض ليه التمادى فيه لو مش حايكمل
الحب مش كل حاجه ربنا مخلقش الحب بس , زيه زى اى شعور تانى التمادى فيه مش مطلوب و العقل مطلوب
العقل هو اللى بيتحكم و يوجه
مش هو الاحساس الوحيد اللى الانسان بعيش بيه فيه غيرة
ربنا قال ما معناه و جعلنا بينكم الموده و الرحمه و السكن , هما دول الحب؟؟؟؟؟؟
محدش بيعيش بحد اسمع كتير يقول مقدرش اعيش من غيرة او من غيرها
بس ما هو برضه مش معنى انى باتنفس و افتح عينى و اتكلم و اتحرك انى عايش
ياما ناس عايشه بس حياتها واقفه و جامده
!!!!!!!!!عايش بس ميت , يمكن
عشان الحب يجى لازم اكون مؤمن بيه؟؟؟
الكلام عن الحب حلو اوى
لكن انك تحب سهل انه يحصل؟؟؟؟؟؟؟
اذا حبيت تعرف ازاى انك حبيت؟؟ و اذا قلت انك بتحب ايه الدليل؟؟؟ مش ممكن يكون احساس مش حقيقى ؟؟؟؟ مش يمكن فاهم غلط؟؟؟و لو حد قال انه بيحبك تصدقه ازاى ؟؟؟؟؟؟ ما يمكن هو كمان غلط؟؟؟؟؟
اغنيه عاطفيه عبيطه كفيله انها تعكنن عليك يومك وتفكرك انك لوحدك؟؟؟؟؟؟
و لا مجرد انك قاعده فى فرح لوحدك مش لاقيه حد ترقصي معاه سلو ممكن يفكرك برضه انك وحيده؟؟؟؟؟
ليه بيتقال ان اول تجربه مش حقيقيه؟؟؟؟اكيد فيه احتمالات تكون حقيقيه
فشلك فى اول تجربه ليك ممكن يبقى طوق متعرفش تخلص منه ؟؟؟؟؟؟ و اصلا فشل قصه حب يعنى ايه؟؟؟؟؟ ما هو فشل يبقى اكيد فيه حاجه غلط و مكانش حب
متجوزوش مثلا؟؟؟؟ ما فيه بيتجوزا و الحب بيروح , استفادوا ايه؟؟؟؟
فيه حاجه اسمها بحبك بس مينفعش نكمل؟؟؟؟؟
!!!!!!!!!!طيب لو كده قلتها ليه
فيه حاجه اسمها استهلكت مشاعرى و مش قادر احب تانى ؟؟؟؟؟؟
طيب فيه حاجه تانيه اسمها عايز احب بس مش قادر؟؟؟؟؟؟ او عايز احب بس خايف؟؟؟؟؟
خايف اترفض او خايف اتجرح
خوفك انك تتجرح ممكن يكون سبب فى فشلك؟؟؟؟
فيه ناس احاسيسهم غاليه عليهم اوى و الفشل بالنسبه لهم ماساه مش مجرد تجربه و عدت
لما سكينه بتجرحك بترميها كرد فعل و تركز فى الجرح ازاى تداويه
سهل الجرح انه يلتئم بس اى جرح بيسيب اثر , مش مهم مدام الالم راح
كلمه بحبك سهله اوي لناس زيها زي اي كلمه تانيه زي عايز اشرب
محدش شايف انها مسئوليه و انها ممكن تغير كيان بحاله
ممكن تعمل بني ادم تانى زى مالفشل برضه ممكن يعمل بنى ادم تانى
