الجمجه دى فيها اييييييييييه......؟؟؟؟؟؟؟
[COLOR="rgb(0, 0, 0)"]أعشق الأسئلة أكثر من المكرونة بالبشاميل (بالمناسبة هما ليه سموه باشميل؟!)، لأن الأسئلة هي الدليل الوحيد على أن عقلي يعمل وعلى أني أمتلك عقلاً أصلاً.
أدخل الاسئلة إلى الجمجمة و أكاد أسمع صوتها و هى تطحن الأسئلة كالخلاط المولينيكس ، أتمنى لو أستطيع أن اتسلل إلى الداخل لأعرف الجمجمة دى فيها إيه، فأنا فخور بها و بقدرتها على هرس علامات الإستفهام حتى لو لم أحصل على إجابات، وهنا تكمن الإثارة والمتعة، مش كل الأسئلة ليها إجابات يا حبيبى...
الكهرباء لما بتتقطع بتروح فين؟!:-/
لو فيه شجرة وقعت على الارض فى الغابه، هل بقية الشجر هيضحكوا عليها؟:D
ليه في شارع مراد حاطين يافطه كبيرة مكتوب عليها "ابتسم انت في الجيزة"..، هل الجيزة حاجة تضحَّك؟! :-P
لما تطلب ساندوتش من مطعم وتحب تضيف عليه اى إضافة بيزودوا سعر الساندوتش، طيب ليه لما بتحب تشيل حاجه من محتويات الساندوتش سعره مابيقلش؟=((
ليه بيقولوا (الحب أعمى)، ومع ذلك كل أغاني الحب عن (العيون)، نور العين وسحر عينيك وعينيك واحشاني وعينيك كدابين وحبيبي وعينيه أصلاً؟!;;)
طيب لو كان الحب اعمى ..ليه واكلين دماغنا بالحب من اول نظرة؟;)
لو إسمك (ماجد) وطلعت طيّار، هتفضل مستحمل قد ايه الناس وهيا بتندهلك (كابتن ماجد)؟:-O
الأخرس بيكلم نفسه إزاى؟:)
ليه بيقولوا على الشخص اللى نايم بعمق إنه نايم زى البيبيهات؟، مع إن البيبيهات أصلا بيصحوا كل نص ساعة!#:-S
معروف إن (اللي يتلسع من الشوربة ينفخ في الزبادى)، بس.. هل لو (نفخت في الزبادى) يبقى دا معناه إني (إتلسعت من الشوربة)؟!/:)
ليه البنات بتفتح بقها وهيا بتحط (ماسكرا) ؟:))
إزاي لما اسأل عن مقر النادي الأهلي فين، الاقي الإجابة.. النادى الأهلى في الزمالك؟!X-(
ليه لو واحد قال قدامي كلمة "الأقصر" بتيجي في دماغي على طول صورة "الآثار"؟! مع إنى لو قال قدامي كلمة "الآثار" مش شرط تيجي في دماغي صورة "الأقصر"؟!:-S
ليه الناس مابتقولش (الرياضة فايز ومهزوم) غير لمّا تتغلب؟=;
ليه الشامبو بيبقى بالخوخ الطبيعى بينما عصير الخوخ بيبقى معمول بنكهة الخوخ؟:-?
ليه اللي سايق عربية ومشغل الكاسيت أو الراديو.. أول ما يدخل شارع ضلمة يروح موطى الصوت فوراً؟!:-SS
ازاى تقدر تعرف المسند بتاع كرسيك فى السينما؟:-w
ليه الناس بتقول لأي حد في الشارع "يا باشمهندس"، ما عدا المهندس فعلاً.. بيقولوا له "يا دكتور"؟! :-$
ليه بيقولوا في الأخبار، مصرع 9 في فلسطين، ومصرع 50 في بغداد، ومصرع 85 في زلزال، ومصرع 112 في سقوط طائرة؟! طيب ما يقولوا على طول مصرع 250 واحد في نشرة أخبار التاسعة!
ليه لمّا الواحد يكون واقف مستنى الأسانسير بعد ما داس على الزرار اللي بيستدعى الأسانسير وبقى منور وباين إنه منوّر، ييجي واحد تاني بعد ثواني يبص لك ويبص للزرار المنور ويروح دايس على الزرار تاني؟8-|!
لما تيجي تتصل بواحد.. ليه الأرقام اللي بترد غلط.. ما بتكونش مشغولة؟:|
لو كانت الأرض كرة – زى ما بيقولوا – طيب الماتش هيبدأ إمتى؟!
ليه هيفاء وهبى بتقول "أنا بردانة أح"، مع إن "أح" تقال للحاجه السخنة، يعني المفروض تقول "أنا بردانه "بررررررر".#:-S
إذا كان – زى ما بيقولوا – الدنيا مسرح كبير، طيب أنا بامثّل ولاّ باتفرج؟! وإذا كنت من المتفرجين، طيب هم المتفرجين بيقعدوا فين؟!:->
ليه بيكلبشوا العربية اللي واقفة صف تاني وقافله الشارع.. مع إن الشارع بعد الكلبشة بيفضل مقفول برضه؟!:-P
لو الصاعقة نزلت على حد بيموت متكهرب فورا، طيب لمّا الصاعقة بتضرب البحر، ليه السمك اللى فى البحر مابيموتش متكهرب؟:-B
لمّا الواحد بيعلّى صوت الكاسيت، هل ده بيسحب كهرباء أكتر؟/:)
لو البوليس وهو رايح يقبض على حد شاف فى السكة جريمة بتحصل ، بيمنعها ولاّ بيركز فى المهمة اللى طالع علشانها؟L-)
هل الحيوانات بتعطس؟:))
طيب العصافير بتتخلص من الميه اللى بتشربها إزاى؟، انا عمرى ما شفت عصفور بيعمل بى بى!=))
طيب هل حصل فعلا فى يوم من الايام أن فيه واحد (ضرب عصفورين بحجر)؟:|
ليه لما يكون الواحد جوه عربية والعربية داخلة هتعدى من نفق؟؟ تلاقى الواحد يوطى رأسه كإنه هو شخصياً اللي هيعدى من النفق مش العربية؟!<):)
ليه لما باكون في البيت واتصل بالسوبر ماركت (اسمه سوبرماركت ريشه) وأقول (آلو.. سوبرماركت ريشه؟!) يرد على يقول لي (إن شاء الله)؟! يعني (إن شاء الله سوبرماركت ريشه؟!) ولاّ (إن شاء الله مش سوبرماركت ريشه؟!).[-(
ليه لما تسأل واحد على العنوان وتقول له "شارع كذا فين؟!" يرد عليك بسؤال "هما قالوالك فين؟!". طيب ما هما لو كانوا قالوا لي ماكنتش سألتك، ثم هما مين اللي قالوا لي؟!:D
ليه الناس في الشارع بتستخدم أدوات نداء لتوقيف أي شخص، أدوات نداء مالهاش أصل في اللغة و ينفع تنادي بيها على أحد في المطلق زى. بسست، والنبى يا، ويا كابتن، وباقولك وخُد يا، وأيوه يا، وليه أدوات النداء دي بتوقف الشخص المقصود بالذات؟!:-P
بيقولوا (لكل قاعدة استثناء)..طيب ايه الأستثناء بتاع القاعدة دى؟:-/
ليه لما حد يحب يدي يدى معلومة بيبدأ الجملة بكلمة (بيقولك)، (بيقولك العربيات رخصت)!>:D<
ليه فيه ناس لما تعدى عليها وتقول (سلامو عليكوا) ما تسمعش منهم غير صوت بيقول "وع.. س س.. هه"؟!
طيب ليه المذيعة بتقول أعزائي أفراد الأسرة.. وهى ما تعرفش حد فينا؟!:)
ليه الشخص اللي يسألك "الساعة كام" لازم يرفع لك دراعه الشمال ويشاور على مكان الساعة بصباعه "لو سمحت الساعة كام"....طيب اللى بيسأل على مكان الحمام المفروض يشاور على ايه؟:">
اللى مايقدرش يتكلم اخرس، واللى مايقدرش يشوف اعمى، طيب اللى مايقدرش يشم أيه؟:-/
طيب ليه اللي يسألني عن الساعة لازم يحلفني "الساعة كام والنبي؟!".X-(
ليه لما تقول لواحد حاجة ومايسمعهاش كويس تلاقيه هو اللي علاّ صوته فجأة (بتقول ايه؟!
ليه الكتابة على التي شيرت لازم تكون بالإنجليزي، ليه ماحدش بيكتب على التي شيرت بتاعته بالعربي.. مثلاً "اللي ذاكر ذاكر خلاص".
ليه الواحد ما يشربش إزازتين "مزيل دهون" علشان يخس؟
اذا كان زيت الذرة معمول من الذرة ، و زيت عباد الشمس معمول من زهرة عباد الشمس، طيب الbaby oil معمول من ايه؟::-?
لو " رُكب" الإنسان كانوا ورا مش قدام، كانت الكراسى هيبقى شكلها ايه؟8-|
ليه الواحد بيدوس على الريموت كنترول بقوة وعنف لما الحجارة بتشطّب؟:-<
التوأم الملتصق لما بيدخل السينما ، بيقطعوا تذكرة واحده ولا تذكرتين؟
لمّا البوليس بيهجم على شقة ويكسّر الباب، مين المسئول إنه يصلّح الباب ده؟
لو واحد مات و رجله متجبسه ،هل بيدفنوه بيها متجبسة ولاّ بيشيلوا الجبس؟:-/
افرض إنك شفت منظر مؤثر و انت تحت الميه..ينفع تعيّط؟:((
الأعمى بيشوف ايه فى الاحلام؟
مين فيهم الأول..البرتقال ولاّ اللون البرتقالى؟/:)
هل كان فيه آثار أيام الفراعنة؟:
هل ممكن يتعمل جبنة من لبن الأمهات؟
ليه سوبر مان بيلبس الاندروير بتاعه على هدومه من بره؟:-/
ليه شعر الايدين مابيقعش؟>:D<
ليه المكرونة الاشكال(زى القواقع و االحلزونيه) بيبقى طعمها احلى من المكرونه العاديه مع أنهم مصنوعين من نفس الخامات؟:D
ليه بيقولوا ( هدية مجانية) ..هو فيه هدية بفلوس؟
ليه الوجبة المفرحة ال(happy meal) بتبقى قليلة؟، المفروض الوجبة المفرحة تبقى مليانة بشكل يفرّح!:)
ليه بنقول (باى باى) و مابنقولش (هاى هاى)؟
ليه يا قلبي كل يوم بتحب واحدة؟!... (عمرو دياب).[/COLOR]
(كابتن مصر ...... عمر طاهر )[/B]
