يومياتي انا وحماتي
قد ايه الحماة ممكن تكون سبب تعاسة زوجة
وقد ايه الحماة ممكن تكون سبب لخراب بيوت العمرانة
وقد ايه الحماة ممكن تكون ام واكتر...ممممممممم اشك...يعني مش ديماً...
المهم من غير كتر كلام......اليوميات دي حتعيشكم في جو حماة خلت حياة مراة ابنها زي الحالة الاولى...يعني سبب تعاسة زوجة...http://files.fatakat.com/funnysmilies/214.gif
انا حبيت اعرض اليوميات دي بطريقة مضحكة من كتر الهم الي في الدينا وعشان مما ذدهاش علي حماتهم كانت زي الست هانم الي في القصة...http://files.fatakat.com/newsmilies/sFi_dualpistols.gif
ممكن تقولو اليوميات دي دعوة للضحك .....http://files.fatakat.com/funnysmilies/220.gif
يلا بينا مع بعض نستعد للدخول....للست ام احمد..
حاسبو لحسن تاكلو علقة اصلها ما بتعتقش حد...
حبيته واصريت اني اتجوزه غصب عن الكل انا سلمى وهو أحمد اما هي فتكون (أم أحمد) حماتي المصون..
رغم كل الصعاب التي واجهتنا انا واحمد ولكن تغلبنا عليها وتحديت اهلي واتجوزته وعشت مع اهله وكنت من البداية اخذت عهد على نفسي ان اعاملهم كأهل و اكتر مع ان البيت صغيروالحال على قده لكن كانت لي غرفتي الخاصة طبعاً.........
واحكيلكم ايه على غرفتي الخاصة دي غرفة جميلة وهاديةخالص لدرجة اني مكنتش بحس ابداً انها غرفتي الخاصة بل هي عامة بالأحرى (زي الميدان العام) الكل يدخل والكل ياخد الي عاوزه من غير ما يسألني واذافي يوم قفلت علي اوضتي وقعدت فيها تقول حماتي
-( ايه في ايه بتقفلي على نفسك ليه اطمني مش حنحسدك اذا كنتي جايبة حاجة مش عاوزانا نشوفها ربنا يهنيكي كانت عيشة كلها نكد والي قرفني فيها حماتي طبعا دي كلمة قنبلة ذرية قليلة عليهاوالله مش بكرهها و احياناً بيوجعني قلبي عليها بقول يا بنت دي مهما كان زي امك استحمليها بس اوقات بتعصب وبحس اني حفرقع وهي ولا على بالها طول النهار قاعدة وببتأمر علي مع ان بنتها موجودة معانا ومش صغيرة بس كأني الشغالةبتاعتهم....ولما اشتكي لجوزي يرجع تعبان من الشغل اخاف اقولو وازعجو بس والله ياناس مطلعة عيني خالص...
ده فيوم حبيت اعزم اهلي البيت على الغدا وده من النوادر اصلا يتعزمو ده يوم مش حنساه كنت بطلب من جوزي شوية طلبات قامت قالتلو..
- ايه كل ده الي رايح تجيبو احنا لسه في اول الشهر انت فلوسك بكده حتخلص..
- احمد: معلش يا ماما اهي عزومة خفيفة عشان اهل سلمى
- حماتي: دي خفيفة ده لو كان الوزير كنت جبت اقل من كده أكل هو انا ناقصة وجع دماغ ..اسمع يا احمد يا بني تقول لاهل مراتك يجو ويرووحو بسرعة انا دماغي اليومين دول بتوجعني مش قادرة على الدوشة...
- احمد: حاضر ان شاء الله....
وانا كنت بسمع جوه الي بيتقال قمت ذودت الطلبات وعليت صوتي وقولت..
-اسمع يا احمد انا عاوزة لأهلي عزومة ما حصلتش جيب فراخ وبط ولحمة اه دول اهلي مش كل يوم بيجو ...
هنا ممكن تقولو ان حماتي فرقعت فدخلت في الحديث وقالت...
- والله يا احمد اغضب عليك اذا جبت ذيادة عن الي قولتلك عليه انت حتصرف مرتبك على العزايم
قلت بصوت عالي: ايه يا حماتي مالك متحططة على اهلي ليه...
وبدأت تزعق وقرفتني في عيشتي ما عرفتش اليوم ده خلص ازاي خفت انها تعملي مصيبة لما يجواهلي انما انا ما حطيتش في بالي عشان كانت معاهم خالتي وخالتي ست رغاية بتمسك حكايات الجيران من اول الحارة لأخرها وحماتي تموت موت في الرغي والكلام قامت قعدت معاها واتفقو وبدأو يتكلمو على الناس ونسيت اهلي انهم موجودين...كسبت بكده جول
ياه احكيلكم ايه ولا ايه..........................
شاطرة هي بس تعمل عزايم لأولادها واخواتهاوقرايبها وكلو يطلع على حسابي انا..
واطبخي يا سلمى وجيبي الحاجة دي ياسلمى
تقولو اني السفرجي بتاعها..ده لو كان سفرجي كان ادلل اكتر من كده على الأقل عنده يوم اجازة مش زيي واخدةحكم مؤبد..يا رب ارحمني...
مش عارفة ليه كل الحموات بيحطو نقرهم من نقرمرات ابنهم وخصوصاً اذا كان الكبير..
مستحيل انسى يوم صباحيتي عملت في ايه..
دي على اساس رايحة تقعد اسبوع عند قرايبها جات من الصبح وجابت معاها ناس كتير كتير قال ايه يباركولي...ويا ريت روحو لا لا لا لا معقولة ده ديوان الست حماتي لازم يكمل بقعدتوالملكيه بالحشم والناس والخدم الي منهم انا طبعاً... والاحلى من كده عزمتهم يقعدوعندها كام يوم يعني معانا.. قال ايه(اصلهم جيين من البلد.)
..وتاني يوم قعدت اخدم فيهم وهي تقعد ابنها جنبها بدل ما انا الي هي مراتو تقعد جنبو وانابشتغل....
ياه انا كل ما افتكر ببقي حطق..
كفايةانها اقنعت جوزي يمنعني من الشغل قال ايه الست للازم تكون ست بيت تخدم جوزها قصدهاتخدم حماتها واولاد حماتها وقرايب حماتها...دي عاوزة شغالة مش مرات ابن....بس لو ماكانتش ست كبيرة انا كنت مسكت في زمارة رقبتها او عقدت لسانها عقدة طول العمر اهوارتاح من رغيها وكلامها الي زي السم ...
