ياشوق قلبي عليك اتعب معاليقه
ياشوق قلبي عليـك اتعـب معاليقـه***لولا صليب الضلـوع اقفـى وخلاهـا
والصبر عن شوفتك ياشوق ماطيقـه***وعيوني القشر دمع افراقـك اعماهـا
والصدر عقب الوناسه صار في ضيقه***والحـال هجـرك يعذبهـا ويبـراهـا
والشعر مليت حتـى مـن طواريقـه***واقفت على الروح ورقى الغصن بغناها
انا اشهد ان الهوى ياشوق توهيقـه***استدرج الروح لين اقفى على اقصاها
مسكين يالي ضـروف ايامـه اتعيقـه***عن شوفت الي سلب عقلـه محياهـا
يدور وقته وهـو تـوه علـى ريقـه***ماتقبل الـزاد نفسـه مـن بلاياهـا
يومي بـه الهـم تغريبـه وتشريقـه***وخـدوده الدمـع جرحهـا وحنـاهـا
ويمسي بـه الهـم والغربـال ويفيقـه***دمع كما الدم من عيـنٍ نضب ماهـا
هذا الهوى و مايسوي فـي معاشيقـه***نفس تعلـق بهـا السجـات تنساهـا
