يا ترى انت شايف الموضوع ده ازاي ؟

السلام عليكم ورحمة الله وبركاته

لو صحيت من النوم وانت نازل شغلك عادي لقيت الناس كلها بيتكلموا على الخبر ده

مصر بقى اسمها

" جمهورية مصر الإفريقية "

أكيد هيكون شعورك بين 3 حاجات

الشعور الأول انها متفرقش معاك كله محصل بعضه وان الموضوع كله مش راجع عليه بفايدة

الشعور التاني انك تزعل وتضايق : بس هتلاقي اللي يقولك يا عم متزعلش اخدنا ايه من العرب غير الهم والنكد وبعدين العرب كلهم بيرموا بلاويهم علينا ومحدش بيقدر دور مصر. اما الافارقة ناس طيبين اتخلينا عنهم ودول غنية بالموارد الطبيعية. وكفاية بقى لما سيبناهم اتلموا علينا في موضوع نهر النيل.

والشعور الثالث انك تفرح جدا وتكون سعيد بالخبر ده : بس هتلاقي كمان اللي يقولك احنا دولة عربية وده قدرنا اننا نكون في طليعة الامة والمسئولة عن قضاياها. وبعدين لو تركنا الامة يبقى عملنا اكبر خيانة تاريخية ودينية لدول شقيقة وتربطنا بيهم روابط اصيلة. ثم ان الافارقة ممكن يخونوك في لحظة في اقرب فرصة فيها فلوس ووعود وردية من الصهاينة او الغرب المتآمر.

يا ترى انت شايف الموضوع ده ازاي ؟

اولا الموضوع مهم ولان اصلا المصريين كلهم مش همهم حاجة دلوقت الا الكورة مش هيفرق معاهم حاجة خال وانا شايفة ان اصلا احنا دوله عربية ومهما حدث من العرب
فهما برضه اخوتنا واحنا بنثق فيهم اكتر من اى احد اخر ده على اعتبار ان احنا مسلمين
اما بقى الناس اللى مش فى دماغها فمشهتفرق معاهم حاجة خالص
وربنا يرحمنا برحمته
مشكورة اختى طلة على التوبيك الرائع
دمتى بود وتقبلى مرورى
نيفين

والله انا شايف ان احنا هنفضل عرب ده صح بس نثق فى كل العرب مش صح لاكن لازم نتعلم ازاى نتعامل مع كل الناس وده مش معناه اننا نعادى حد بس لازم كل واحد يعرف تاريخه وتاثيره فى الامه العربيه و المجتمع الدولى مش كل واحد عمل موتمر ولا اجتماع عاجل بقى منافس لينا لا والله يا ريت العرب يقوموا الصبح يقولوا لمصر شكرا كده على كل السنين اللى شيلتى فيها هم القضيه الفلسطينيه ومش بقصد فيها الشعب لاكن انا بتكلم على الارض ويخدوا الوقت اللى هما يحددوه ويشوفوا هيوصلوا لحد ايه عشان الناس دى بقى كلامهم كتير واتهامهم اكتر طب هو احنا منعنا حد يخلص الموضوع ولا كل دوله ليها حسبات خاصه
موضوع جميل ونرفزنى ليه كده منا لسه مجاوب على الفزوره الحلوه بتاعك
طب انا بقى اللى خت الجنيه ومش هدهولك يلا بقى

تعرفى ممكن يعملوها مش بعيد عليهم

بس لو حتى غيروه هنفضل عرب مسلمين غصب عنهم

ومش هيجى اليوم ده طبعا علشان احنا عرب عرب عرب ولغتنا عربى

وقرأنا عربى ورسولنا عربى

موضوع جميل اشكرك