►█◄♥ღϠ بيقولوا الحب بعد الجواز مش موجود ღϠ♥►█◄
http://sphotos.ak.fbcdn.net/hphotos-..._7829188_n.jpg
بيقولوا الحب بعد الجواز مش موجود
وإن الخطوبة أجمل فتره فى الحياة
وإن..وإن...وإن
لا..طبعا
هو الحب وردة وقلب وغنوة ونيل و هوا و مية ؟
الحب بيتترجم لأفعال إيجابية يمكن مش بتشوفوها ..
إلبسوا معاية نضارة أخوكم محمد بالأشعة الفوق المعنوية
واتفرجوا معاية
و قولوا انتم بلاش أنا
بابا و ماما طول النهار قدامكم صح فاكرين يوم ما بابا اتأخرلما كان مسافر ماما وقفت إزاى تستناه رايحة جاية بصيتوا لوشها؟
شفتوا الخوف والقلق والفزع ؟
سمعتوا دقات قلبها و هي خايفة
ما هو ده الحب إنك تخاف على حبيبك من الخطر
شفتوا بابا و هو شايل شنطة سفر ومعاد الطيارة بعد ساعةوقلبه بيتقطع و هويقبل راس ماما وبيمشى و دموعه بتجرى على خده ..أول مره تشوف بابا يبكي
ما هو ده الحب إنك تكره فراق حبيبك
فاكر لما ماما كانت عيانة وحرارتها عالية وبابا واقف فى المطبخ بيطبخ بدالها وهو راسم على وشه إبتسامة حنان و عطف عليكم بس ابتسامة مخنوقه..مخنوقه بألم
ما هو ده الحب برده إنك تتألم لألم الحبيب
شفتوا بابا لما مر بظروف صعبة أد إيه كانت ماما واقفه معاه واستحملت حاجات كتير
ما هو ده الحب برده على الحلوه و المره
فاكر لما ماما فضلت واقفه تصحى بابا علشان صلاة الفجر وراسها كانت بتقع وفضلت لحد ما قام و صلى
ما هو ده برده الحب انك تخاف على حبيبك من نار جهنم
مش تكون سبب فى دخوله نار جهنم
يبقى الحب حنان وموده ورحمة وموجود جوانا فعلا
هيطلع هيطلع بس كل شيء بأوان
{ وَمِنْ آيَاتِهِ أَنْ خَلَقَ لَكُم مِّنْ أَنفُسِكُمْ أَزْوَاجًا لِّتَسْكُنُوا إِلَيْهَا وَجَعَلَ بَيْنَكُم مَّوَدَّةً وَرَحْمَةً إِنَّ فِي ذَلِكَ لَآيَاتٍ لِّقَوْمٍ يَتَفَكَّرُونَ}
جزاكم ربي الجنة أخوتي
