بجد
من غير نفاق
من غير ماتكدب علينا
او على نفسك
بتحب مين اكتر
ماما-ولا-بابا؟؟؟؟
وليه
او ايه المواقف اللي خلتك تحب ده اكتر من التاني؟؟؟
بصراحه
افتكروا ان اللي بيكذب بيروح النار
انا عن نفسي بحب بابا اكتر من ماما
لان بابا هو اللي بيوقف جنبي هو اللي بيشجعني وقبل مابينام لازم ياخدني فحضنه ويقولي تصبحي على خير يابشمهندسه
حتى لما بغلط بيتكلم معايا عمره ماقالي حاجه جرحت مشاعري
دايماً بيظهرلي حبه واحترامه ليا لوحدنا او مع الناس
وبجد هو كل حاجه حلوه في حياتي
اما ماما انا بحبها وكل حاجه بس يمكن عشان انا بعيده عنها وعايشه مع بابا هي مش قادره توصلي حبها
بس بردوا مش بحس بحبها زي بابا
حتى التشجيع مفيش خالص هي عيزاني انجح اه
بس دايماً تحسسني اني مهما عملت اخري البيت والجواز مش هاتعدى الخط ده
مش عارفه والله بابا بيقولي انها مش عايزه تحسسني بحنانها كله عشان ماتدلعش
وقالي ان المفروض واحد يشد وواحد يرخي مش عارفه بقى بس هو ده احساسي ومشاعري بكل صراحه
