هنتكلم المرة دي عن أهم الحاجات اللي لازم تتعمل أول لما الدكتور يبشرنا إن فيه بيبي جاي في السكة.
فأول حاجة لازم الأم تعملها إنها تشتري كتاب عن الأطفال والكتب دي موجودة في السوق، وبتعلمنا ازاي نتعامل مع الجنين يوم بيوم وخطوة بخطوة.. هاقول لكم على شوية معلومات قريتها في بعض الكتب عن الموضوع ده ..
الأكل مهم جداً بالنسبة للسيدة الحامل ولازم تاخد بالها من نوعية الأكلات اللي جسمها وجسم الجنين محتاج لها علشان تمده بكل العناصر والمواد اللازمة لنموه بشكل صحيح، وكمان يمدها بالقوة اللي تخليها تتحمل مشاق الحمل والولادة.
بالنسبة للأكل اللي المفروض السيدات الحوامل يبعدوا عنه:
1. تناول الشاي والقهوة.
2. الحوادق بمشتملاتها.
3. الأكلات المسببة للإمساك.
أما الأكل اللي المفروض يكتروا منه:
1. الخضروات وخصوصاً البروكلي والكرنب والخس.
2. الفاكهة الطازجة وخصوصاً التفاح.
3. شرب الماء بكثرة.
4. منتجات الألبان.
5. الفول.
6. عسل النحل.
الثلاث شهور دول اللي هم من السادس للتاسع يعتبروا مهمين جداً، طبعاً كل فترة الحمل مهمة إن الأم تاخد بالها من صحتها لكن في الثلاث شهور دول فيه حاجات مهمة جدا مطلوب من الأم الحامل إنها تعملها لأن الجنين بتكون حركته ابتدت، والأم بتحس بيه فهو كمان لازم يحس بيها.
فمهم جداً تبعد عن أي ضغوط نفسية في العمل أو في البيت، وتبتدي دايماً تكلم الجنين اللي في بطنها حتى لو كان عندها مشكلة ممكن تكلمه وتحكي له عنها، كمان تسمع موسيقى هادية دايماً... ولازم الزوج يشارك الزوجة في كل الحاجات اللي قلناها.
من ضمن الممنوعات في فترة الحمل استعمال صبغة الشعر، وكمان تحاول إنها تقلل من الماكياج، وكمان تحاول تبعد عن الألوان الغامقة وتركز على الألوان الفاتحة.
إيه أهم احتياجات المولود الجديد...؟
وياريت نحاول نجيب سرير مصنوع من الخشب، ويكون سرير مش للبيبي فقط يعني سرير كبير يكفيه حتى 5 سنوات، ويكون لونه فاتح ويفضل لون الخشب الطبيعي، ويكون له جنب متحرك لأنه ده بيساعد الأم في المرحلة الأولى إن الطفل يكون جنب أمه هو على سريره وهي على سريرها، وحتى لو كان بعيد عن الأم بنرفع الجنب ده فبيكون السرير أكثر أماناً، ويفضل أن يكون السرير مزوداً بأدراج من أسفل لتخزين حاجات الطفل.. كما أن المرتبة والجناب من أهم الحاجات اللي لازم نشتريها مع السرير.
ياريت نحاول ندهن الأوضة اللي هينام فيها الطفل باللون السماوي خصوصاً السقف ونبعد تماماً عن الألوان الغامقة والمنقوشة.
ضروري تكون الإضاءة في غرفة الطفل جانبية ويفضل أن يكون فيها زر خاص للتحكم في شدة الضوء.
لو الأب عنده سيارة خاصة يبقى لازم نشتري كرسي للطفل مخصص للجلوس في السيارة من أول يوم، أما لو مفيش سيارة فممكن نشتري carrycot أو سرير محمول للطفل عشان التنقلات بره البيت.
لازم نشتري شنطة خاصة عشان نحط فيها كل مستلزمات الطفل من حفاضات وغيارات وببرونات فلازم تكون كبيرة وعملية ومريحة في حملها بحيث متسببش أي ارتباك أثناء التنقل...الخ.
لازم تكون كل ملابس البيبي قطنية حتى البطانية لو كانت صوف لازم نبطنها قطن، ونبتعد تماماً عن أي أقمشة تحتوى على البوليستر أو الألياف الصناعية؛ لأن جلد الأطفال بيكون حساس جداً وبيتأثر بسرعة.
دي أكتر حاجة بندفع فيها فلوس؛ لأننا بنستخدمها كتيررررر جداً فلازم يكون نوعها جيد وبيستحمل.
لو فيه إمكانية لإحضار ألعاب للطفل فأنسب الألعاب له في الوقت ده الـBaby Jumper أو نطاطة وبتتركب في حلق الباب وبتكون محكمة وممكن مع الوقت تساعد الطفل على الوقوف.
توجد أنواع كتيررر من البانيوهات بس أفضلها على الإطلاق الموجودة على الإستاند، وفيه نوع تاني بيتحط جوه البانيو.
الببرونات– ميزان الحرارة- تيتينه (بزازة)– شفاط للبن الأم– حفاضات– شامبو للبيبي- مقص للأظافر– فرشة شعر– سفنجة للاستحمام.
من الأخطاء الشائعة جداً في مصر استخدام بودرة التلك أو الكريمات أو الزيوت عند التغيير للطفل، ولكن الصحيح هو استخدامها عند وجود تسلخات لدى الطفل فقط مش عمال على بطال.
ودايماً قبل ما نقفل الحفاض الجديد على الطفل لازم ندى له فرصة يتهوى وبعدين نقفل الحفاض النضيف وده بيدى له فرصه إن جلده يتنفس.
