تقبلى تتجوز مطلق أو أرمــــــل ؟؟؟

السلام عليكم ورحمه الله وبركاته
..........

بصراحه ومن غير ما نضحك على بعض ..

ليه بنات كتير لو راجل "مطلق أو أرمل" اتقدملها بتعتبرها إهانه وتقليل من قدرها؟؟؟

وحتى أمهات وأهالى تقولك لأ، مديش بنتى لواحد هى "مش أول بخته"!!!

هو المطلق او الأرمل عار لا سمح الله؟؟

عادى جداً، محصلش نصيب فى إللى فات وبس...نبتدى من جديد

وتعرفوا...ممكن بنات تقبل وتفضل طول عمرها محسساه انها "تفضلت"عليه يوم ما وافقت

قولوا الحق....عندك مانع تتجوزى واحد أرمل أو مطلق؟؟ طب افرضى عنده طفل؟؟

طيب وإنت كمان عندك مانع تتجوز واحده مطلقه ؟؟

أرجو الصدق والصراحه

الفكره قابله للمناقشه ولا مرفوضه تماماً؟؟

وعلى فكره مش شرط المطلق أو الارمل يكون سنه كبير

أنا أقصد فكره مطلق أو أرمل حتى مع صغر سنه ومكانته

أشوف الردود وتفكيرنا شكله أيه ؟

انا هرد عالموضوع بس كمان ساعتين اكون بقيت مش مشغوله

اقتباس:

---

المشاركة الأصلية كتبت بواسطة اسلامى حياتى

انا هرد عالموضوع بس كمان ساعتين اكون بقيت مش مشغوله

---

حــاضر يا ست الكل مستنى الرد

الحقيقة موضوعك جديد بس حلو...لكن عموما وبصراحة ماافتكرش انى ممكن اوافق على واحد مطلق او ارمل..لانى احب فى اللى هتجوزه انى اكون اول زوجة فى حياته .على الاقل علشان مايضطرش فى يوم من الايام انه يقارن بينى وبينها وكمان مش حابة انى احس ان كان فى ست فى حياته قبلى....اتمنى انى اكون عرفت اعبر عن رأيى صح:):)

السلام عليكم
انا بصراحه مااحبش اتجوز واحد مطلفق او ارمل لكن ممكن الظروف تسهل الموضوع ده عند اى حد مثلا لو حصل اعجاب بين الطرفين ساعتها بتتغاضى عن فكره انه كان كذا او كذا وبتتجاهل كل العيوب لان زى مابيقولوا كده مرايه الحب عميه
لكن انا بصراحه مش حابه الكلام ده
وافضل زى ماهى اول مره ليا تكون كده برضو بالنسباله
ولو معاه طفل كمان بتبقى صعبه اوى وخصوصا على بنت لسه تعتبر صغيره على الكلام ده او بدرى عليها
وبصراحه لو انا هفكر مليوووووووووووووووون مره قبل مااقبل وبعد كده تحصل مشاكل مع عيالى ومع ابنه ده ويقولوا ةبتعامله وحش او اى حاجه مهما كنت انا كويسه
مش عارفه
بس انا رافضه الفكره دى
تقبل مرورى

مع احترام اراء الجميع انا اقبل اتجوز ارمل او مطلق بس طبعا يبقى عنده دين وبيتقى الله وحكايه انى ابقى اول واحده فى حياته برفضها لان مش مهم انا رقم كام المهم ابقى الاخيره ويحس انه عمره مكان مرتاح قبلى حتى لو كان ماضيه وحش المهم انه تاب واتهدى

السلام عليكم ورحمت الله وبركاته
اولا بشكرك على موضوعك الجميل ده والى عيز نقاش جامد جدا وكرارات جامده بردو
ثانيا نخش فى الموضوع على طول بص يا احمد لو عن نفسى انا هوافق لو فى اعجاب
بينى وبينو ده لو هو ارمل اما لو مطلق فلزم اعرف كل حاجه عنه وسبب انفصله عند
زوجته الاوله وايه الاختلفات الى كانت بنهم دايما هى طبعا هتختلف من شحصيه
لسخصيه بس لزم اعرف كل حاجه عنه بردو وتكون هى انتهت من حياته تمام حتى
لو مثلا فى طفل وهو عيزه معاها هيكون ابنه دى ابنى عشان انا بحبه هو هحب اى
حاجه من رحته زاى ما بيقوله بس زاى ما قولتلك يكون الزوجه الاوله دى تكون صفحه فى
حياته وتقطعت مش اتمسحت سعات المسح بيسيب علامه او خيل انا مش عيزه كده
هتكون انفصلت تماما بس بنسه ليه يعنى تقوله لاء لراجل مطلق او ارمل او ست نفس
النظام انا من وجه نظرى هوافق لو حصل قبول للموضوع ممكن الانسان ده اختياره الاول
كان غلط مش صح مش هنعقبه عليه عشان اختار غلط ولا هنعقبها عليه عشان
اختارت غلط هى دى الحياه ولزم نتعرض لتجارب انت عارف يا احمد انا فى ناس قريبى
يعنى واحد قال انا لما افكراحب وحده لزم متكونش حبت قبلى يعنى انا اولا حب فى
حياتها عيزه اقولك انو لما حب وخطب وتجوز كانت متجوزه قبله ليه عشان عرف قيمتها
وعرف هى اد ايه انسان كويسه ومحترمه جدا بس هو النصيب مش اكتر يا احمد
والله الكلام كتير بس مش عيزه اطول عليك اكتر من كده تحياتى ليك ولو فى اى
سؤال انا ممكن اجوبك عليه عادى تحياتى ليك ويارب دايما فى تقدم وتميز كده

انا مبسوط جداااااااااا بيكم يا بنات وبعقليتكم المتفتحه وربنا يهديكم ويرزكم بأزواج صالحين يتقوا الله فيكم

اقتباس:

---

المشاركة الأصلية كتبت بواسطة sohair

الحقيقة موضوعك جديد بس حلو...لكن عموما وبصراحة ماافتكرش انى ممكن اوافق على واحد مطلق او ارمل..لانى احب فى اللى هتجوزه انى اكون اول زوجة فى حياته .على الاقل علشان مايضطرش فى يوم من الايام انه يقارن بينى وبينها وكمان مش حابة انى احس ان كان فى ست فى حياته قبلى....اتمنى انى اكون عرفت اعبر عن رأيى صح:):)

---

عبرتى طبعا يا سهير ووجهه نظرك ورأيك لازم نحترمها
وإنتى ليكى حق انك تختارى شريك حياتك والمواصفات اللى انتى عايزاها
ربنا يبارك فيكى ويحفظك

اقتباس:

---

المشاركة الأصلية كتبت بواسطة اميره بلا وطن

السلام عليكم
انا بصراحه مااحبش اتجوز واحد مطلفق او ارمل لكن ممكن الظروف تسهل الموضوع ده عند اى حد مثلا لو حصل اعجاب بين الطرفين ساعتها بتتغاضى عن فكره انه كان كذا او كذا وبتتجاهل كل العيوب لان زى مابيقولوا كده مرايه الحب عميه
لكن انا بصراحه مش حابه الكلام ده
وافضل زى ماهى اول مره ليا تكون كده برضو بالنسباله
ولو معاه طفل كمان بتبقى صعبه اوى وخصوصا على بنت لسه تعتبر صغيره على الكلام ده او بدرى عليها
وبصراحه لو انا هفكر مليوووووووووووووووون مره قبل مااقبل وبعد كده تحصل مشاكل مع عيالى ومع ابنه ده ويقولوا ةبتعامله وحش او اى حاجه مهما كنت انا كويسه
مش عارفه
بس انا رافضه الفكره دى
تقبل مرورى

---

كلامك معقــــــول جدا
وبالنسبه للاطفال بتحصل مشاكل كتير ساعات بسبب الحكايه دى
وبردو دى وجهه نظرك ولازم نحترمها كلنا يا ست الكل
ربنا يوفقك يارب ويرزقك بالزوج الصالح