عرض للطباعة
مساء الخير
وانا قاعدة كدة افتكرت حاجة غريبة
افتكرت المظاهرات الي بيعملوها علشان غزه
وان الي بيحصل دة حرام
ويلموا تبرعات لهم
طب واحنا؟؟؟؟؟؟؟؟؟؟؟؟؟؟؟؟؟!!!!
مش لاقيين ناكل وبيقولوا عن غزة
بيجمعوا تبرعات والناس معهاش فلوس
ويا ترى الفلوس دي بتروحلهم بجد
قولولي ايه رايكم في الموضوع دة
والله ياروزي عندك حق
عمالين يلمو تبرعات ومش عارف ايه
والله اعلم ان كان الفلوس دي بتوصلهم اصلا
يالا ربنا يرحمه برحمته بقي
ثانكس يا قمر علي الموضوع وليا رجعه ورد اخر
تسلمي حبيبتي للمرور
ومستنية رجعتك
فعلا احنا مش عارفين التبرعات ديه بتوصلهم ولا لاء
ربنا يرحمنا
الله اعلم ياروزي بتوصلهم التبرعات ولا لا بس هما وضميرهم بقي الواحد بس في الاول والاخر بياخد حسنات علي انه بيفك كرب شخص اخر
ومشكوره ياروزي علي الموضوع
سؤال حلو يا روزى بس عموما مادام انتى نيتك ان الفلوس اللى انتى اتبرعتى بيها تكون تبرع لغزة حاتاخدى الثواب و لا اظن ان كل التبرعات بتوصل بس على الاقل ممكن 80 % او اكتر بيروح لانها منظمات اغاثة بتكون فى الغالب تابعة للامم المتحدة او لاتحاد الاطباء العرب و دى منظمات محترمة
ميرسي يا جماعة للمرور
وانا مقصدش شئ على ان الفلوس بتروح او لا
بس هما مش اولى يفكروا بنفسهم اول
بدل مظاهرات غزة يخليهم في غلاء الأسعار الأول
أو طوابير العيش حتى
ولا ايه !!!
يعنى انا عايز افهم حاجه ..
هى الدوله ما معهاش فلوس علشان تودلهم اعانات من عندهم مثلا ..
جيين يلموا مننا تبرعات .. على اساس ان كل موظف بيقفل الالفين جنيه فى الشهر ..
والله فعلا حاجه غريبه بجد ..
دا انا سامع من قيمة كام يوم .. ان الدكتور نظيف كان بيتعشى فى مطعم ..
بيقولوا ان ثمن الاكله كانت تلات الاااف دولار .. عشوه واحده ..
اللى الشعب المصرى بيكلها نوم ..
حسبيا الله ونعم الوكيل
اهو دة من الحاجات الي كنت اقصدها برده
ياخدوا تبرعات والناس ممعهاش فلوس
وبعدين يا اخي خليه ياكل
بالهنا والشفا ، هتيجي عليه يعني
المشكلة يا روزي
ان مش الشعب الفلسطيني النهارده بس اللي بأى محتاج تبرعات
ده فيه شعوب عربية واسلامية كتيرة جدا محتاجة تبرعات
مش لا سمح الله لأن الدول فقيرة
لأ
لأن الشعوب بأت هي اللي فقيرة
زمااااااااااااااان كنا نسمع ونقول مشكلة أفغانستان ومشكلة فلسطين
النهارده موضوع المشاكل وسع وكبر وورم
وبأينا كلنا بنقول عشانا عليك يارب
يالا معدش حد أحسن من حد
كلنا بأينا في الهوا سوا