تخاريـــف massanger .. الحليقة الأولى .. (( فرق اللغه ))

الحلقه الاول .. (( فرق اللغة ))
http://www.al-wed.com/pic-vb/75.gif


ملحوظه : .. الموضوع مش طويل زى ما انتو متصورين .. هو خفيف جدا .. ماحدش يتخض من طوله يعنى :D

http://www.masrawycafe.net/upload/up...4728e72b05.jpg



السلام عليكم
و عليكمـ السلام
ازيك يا ورقة .. و ازاي الكرمشة النهاردة ؟
ها ها ها ها كويسه الحمدلله
ل متكرمشه ال ورقه هانم يا ابنى انت مش متكرمشه
ايه الضحكة المتقطعة دي .. ضحكة عايزة تتخيط صحيح
ها ها ها ها اصل انا غيرت ضحكتى
هههههههههه
ايه رأيك مش استايل بردو
طيب ابعدي ضحكك عني .. مش ناقصة يعني انتي و ضحكك
استايل ايه .. دا انتي شاكلك طالع من فيلم ابيض و اسود
ابيض و اسود
عارفة دور الشرير في الافلام القديمة دي .. بيضحكوا كدا
مخططه يعنى ها ها ها
انا بحب الابيض فى الاسود اوى
دا زمن الفن الجميل يا ابنى
مخططة .. دا انتي بتهزري بقي
احنا ورانا ايه ادينا بنخرف
زمن الفن الجميل .. يا سيدي يجي انور وجدي و هو ملزق شعره
بين الاطلال طم طم طم
كدا و يبص ليلي مراد و يسبلها و تحسي انك حتموتي من الضحك
طم طم طم
يا ابنى دى الرومانسيه
طم طم طم دي رومانسية
اسكت انت ماعندكش منها اى حاجه
لا
دى موسيقى تصوريه
انا معنديش ليه يعني .. صغير مثلا
عموما مش هوا دا موضوعنا
تعالى نخرف شويه بقى
هوا مش حيبقي تخريف بصي انا حأقولك حكاية هي دي اللي حنبدأ تخريفنا منه
اوكش
لما بأكلم اي حد اعرفه من القاهرة بلاقي فيه اختلافات في اللغة
هي اي نعم عربي .. و اي نعم مصري
بس برضه احنا بنتكلم اسكندراني
ااه فعلا بيبقى فى فرق
و لغتنا مش زي اي لغة
و احنا بنضحك عليهم و هما بيعدو يضحكو علينا
طبعا نحن نختلف عن الاخرون
هههههههههه طبعا علي اساس اننا بالضمان و هما لأ
ههههههههههه
انتي عارفة ايه أول فرق في اللغة ما بين الاسكندرانية و القواهرية
الجنيـــــــــه .. هما بيقولوا جنيه و احنا بنقول (جني) بس مش كله يعني بس الغالبية
ههههههههههههه اه
مش عارفه انا ايه جنى دى .
مش عارفه ايه جني دي .. أومال اسكندرانية ازاي بقي
محسيسنى ان جانبك مصابح علاء الدني شبيييييك لبييييك ..
انا اسكندرانيه فى حاجات حاجات
شبيك لبيك .. انتي مش عارفة القصة التاريخية للموضوع دا ؟
قصه تاريخيه
احكى يا عم
طبعا كل حاجة ليها قصة تاريخية
بصي يا ورقة .. بس حاسبي لتتكرمشي مش كل شوية نفرد فيكي
ها ها ها ها
ورقه هانم لو سمحت
ماشي يا ورقة متكرمشة هانم .. بيقولك زمان في زمن المماليك
المماليك
ايوه المماليك مش المكانيك
ايه دا انت كنت هناك من غير ما تقول
استني بس
كان فيه واحد اسمه بورق الجن .. ساعتها بقي كان فيه الدينار
سرة من الدنانير
فعم بورق دا كان ساكن علي البحر مع الصيادين في قرية اسمها زمان (مخشور) و دي اللي هيأبوقير حاليا
هههههههههههه
مخشور
ايوه انتي ايه فهمك انتي .. المهم بورق دا حب يعظم نفسه و سمي العملة الجن
و بد الناس يستخدموا الجن في مخشور دي علي اساس انها العملة
يا رااااااجل
بعد كدا مع التغيرات الزمنية و الاوراق المالية .. و مع ثقافة الشعوب و الناس لسانها اتلوي
بقى جنى
يا صلاه النبى
بدأ بقي يقولوا جني .. و من هنا بدأ الاسكندرانية يقولوا كدا
عليه افضل الصلاة و السلامة
انتي كنت من ايام المماليك ؟
لا لا لا
انت اللى من اياهم باين عليك
لأ انا محضر عفريت بورق دا و هو اللي علي الحكاية دي
هههههههههههه
طيب عارفة بقي احنا بنقول طماطم .. القواهرية بيقولوا أوطة
ايه أوطة دي يعني لو بنت أسمها فاطمة
و جينا ندلعها و هي سكنها في القاهرة .. بدل ما نقول طماطم نقولها أوطة بقي
ههههههههههه
يا ابنى الاوطه دى ليها قصه تاريحيه بردو
ولا انتي رأيك ايه في الموضوع دا و لا انتي جايه تضحكي و بس
انت مش واخد بالك اصلا
يا سلااااااااااااااااااام .. لأ قوليلي
بيقولك ايه بقى كان فى زماااان من ايام عصر الكفار
كان فى واحد اسمه أولمبحة ابن عصعص
ههههههههههههههه عصعص و دا ساكن فين دا بقي .. في حقل قصب
و يخلف ايه دا بقي .. زعزوعة
هههههههههههههههههه
زعزوعه لا
اللى هتعرفه ان سمه بنته بعد كدا اوطه اسمع بس
المهم اولمبجه دا سافر القاهره
هااااا اما نشوف
عشان يزور ابن خالته
اه كان ابن خالته دا بلعب فى نادى الاهلى
ماكنش فى زمان برتقان بقى و يشيله اتنين كيلو برتقان
يا سلام .. طيب الكفار كان عندهم اهلي و زمالك
لا لا لا ماكنش فى الكلام دا
اه انت ماتعرفش ولا ايه ؟
أومال كان فيه ايه .. لأ معرفش
كان فى النادى الاهلى و الزمالك و الارجنتين كمان
المهم
ياااااااااااااااااااااااا ااه طيب كملي
ماكنوش بيجيب برتقان و كدا كانوا بيجبو طماطم
فحب عمنا دا يعمل فيها خواجه
قام داخلك على بتاع الخضار قاله ادينى بتلاته دنار اوطه
اه حب يعمل فيها فورنر يعني اجنبي
الراجل بتاع الخضار قاله اوطه
اه طبعا جديدة دي .. و قاله ايه بقي
قاله اه
قاله ايه اوطه دى
قالوا حمرا و مدوره كدا
قالوا يا عم للى بتتاكل فى السطله
قالوا ااااه تقصد طماطم
ههههههههههههههههههه طيب ما التفاح يمشي علي الوصف دا
قاله الا هو انت ماتعرفش ان اسمها اتغير
عاديها بقى
ااااااااااااااااااااااااا ااااااااااااااااااااااه يا سلااااااااااااااااااااااا اااااااااااام
ههههههههههههههههههههههههه هههه طيب
اااه
انت مش مصدق ولا ايه
بس يا سيدى
بقى اى حد بقى يجى يشترى طماطم يقوله اووووطه
عشان كدا بيقولو على الاوطه مجنونه
طيب كان فين السوق دا ؟
اصلا الراجل بتاع الخضار اتجن
اااه سوق عكاظ
الا هو انت ماتعرفش
يمكن طيب انتي عرفتي منين .. فين الدليل
ميدان التحيرير دا
دا كان اصلا سوق
امال هما سموه تحرير ليه
عشان اتحرر
يا سلام .. طيب فين الاثبات علي كلامك دا
من السوق اللى و من التجار اللى كانوا محتلينه
اسمع منى بس
هات جرنان ماتزوقينى يا ماما صفحه مليون و سبعتاشر هتلاقى الكلام دا
و دا الجرنان الاقيه عن اي كوافير دا
ههههههههههههههه
لا لا دا عند الحلاق
روح احلق يوم الجمعه و انت تلاقيه
لحلاق واقف يقولك ماتزقينى يا ماما
بتلاته ساغ بس
النهاردة كان الجمعة و رحت أحلق و ملقتش الجرنان دا
طيب ما علينا
ما علينا
عارفة بقي اكتر كلمة ممكن تعملك أزمة بجد في القاهرة و انتي مثلا في لجنة امتحان ؟
ايه هى ؟
جــــــــــــــــــومة .. في القاهرة بيقولوا عليها استيكة
ايه استيكة دي .. شوفي جمال الكلمة جــــــــــومة
اه استيكه
جايه من استك
ليه بقى
ليه ايه ؟
عشان لو شادتها كدا كانك هتاكلها هتلاقيها زى الاستك
شعبه المضغ
صعبه
مضغ و استك ايه بس
طيب بصي انا حأقولك علي الاصل التاريخي لكلمة جومة .. انتي عارفة اني استاذ في التاريخ
ايوا يا ابنى فى جرنان ماتزوقينى يا ماما صفحه مليون و ستاشر كانوا كاتبين كدا
احكى
الله برضه هوا الجرنان دا فيه كل حاجة .. طيب ما علينا
ايون
ايام الاحتلال الفرنسي علي مصر و نابليون بقي و الهيصة دي كلها
دخل شوية عساكر عند يفتح الله في التنازته و دي حاليا اللي هي فتح الله في المنتزة
هههههههههههههههه
بس دخلوا جوا و اعدوا يدورا علي الجومة دي .. راحوا سألوا الكاشير و طبعا بيتكلموا فرنساوي
" أويـــه لا داجوميه " .. فطبعا بتاع الكاشير اتخض و هوا اساسا من العواصفير اللي هي العصافرة حاليا
فقاله ايه يا خواجة عايز ايه ؟
فعاد الجملة لغاية كذا مرة لغاية لما اخيرا الفرنسي دا شاف الجومة و شاور عليها
فالكاشير رد عليه و قاله اسمها (ممحاه) فالتاني فهم و شاور عليها و قال داجوميه
يا راااااااااجل
و سمعها عيل صغير و قال جومه .. و من ساعتها كل واحد دخل يفتح الله عرف الجومة دي
اه عيب يا حجة ورقة و انا حأغشك برضه .. دا انا مش حأكسيب فيها غير 5 جنيه بس
هههههههههه
ايه اللي انا بأقوله دا
ورقه هانم لو سمحت
ماتشلش الالقاب
يعني سيبتي ال 5 جنيه و اتصدرتي في ورقة
ألقاب .. الاهلي هوا بطل الالقاب
اه
ههههههههههههه
بقولك ايه تاكل سندوتش جبنه رومى
رومي .. حتدبحي ديك رومي عشان تعمليلي ساندويتش و جيتي علي نفسك ليه كدا بقي
لا لا
بقولك جبببببنه رومى
ديك رومى ايه
جبتوا رومي .. مبروك
و حتسموه ايه بقي ؟
انت ماتعرفش انه جاله انفلوزنا الطيور
ايه دا انتي بتتكلمي عن ديك رومي اللي بيطير و لا ايه عايزه ايه بالضبط
يا ابنى الديك الرومى دا اتلغى خلاص
فى جرنان ماتزوقينى يا ماما لغوه
انا زهقت من الجرنان دا
بقى الاكله الرسميه هى سندوتش بتنجان
اسمع بس
فى اسكندريه بيسموها جبنه تركى
انا تهت منك خااااااااالص عايزه ايه
اه
انا باكل ساندويتش حالا جبنة تركي بالطماطم و ايييييييه حكاية
لا اسمها جبنه رومى يا ابنى
استنى هقولك اللى قريته فى جرنان ماتزقوينى يا ماما
دا انت متاخر اوى يا ابنى فى التعليم
ابقى اشتريه يا احمد
و بعدين بقي ايه التخريف دا .. و الجرنان دا حتغابي عليه حالا
بص بيقولك زمان ايام الاحتلال الرومانى للقاهره
روماني ؟
اه
مالك مستغرب كدا ليه
المهم
كان فى جنسيات كتير بقى فى القاهره
منهم الاتراك
معلش ما افتكرتش الموضوع من بعيد أوي كدا
اه تمام
طبعا ايام الحتلال الرومانى دا الجبنه كانت باسمهم
كانوا يدخلو عن كاروفور
و يا سلام .. علي اساس ان كان عندهم كارفور
و يقولوا و حياه ابوك ايدى نص كيلو جبنه رومى
اه كان عندهم يا ابنى
امال ايه بقى
ابنك ايه بس .. انتي بتسرحي بيا كدا
لحد ما كان فى واحد تركى الجنسيه واقف
بيقول ليه يعنى اسمها جبنه رومى
عندنا فى اسطنبول اسمها جبنه تركى
يا سلاااااااااااااام
راح الراجل قاله احنا عندنا اسمها كدا
و ها كلمه من هنا كلمه من هنا
هما حيفاصلوا في الاسم
بقوا ناس بيقولو جبنه تركى و ناس بتقول جبنه رومى
اللى كانوا مع الاحتلال الرومانى
سموها جبنه رومى
و اللى عجبهم اسم تركى
بقيت شغاله معاهم جبنه تركى
يا سلام و انتي بتقولي جبنه ايه
بتوقلي طبعا جبنا تلاجة
تلاجه
هههههههههه
ماشى يا عم
المهم ابقى اشترى الجنران دا عشان تتثقف
بدل التاريخ بتاعك دا
تاريخ مين يا حجة انت .. و الجرنان بتاعك الغريب دا
ماتزوقينى يا ماما
عموما طبعا فيه اختلافات كتيرة جدا في اللغة
ماله بس
قااااموس يا ابنى
فاموس في الشعر مش في التاريخ
اه
تعالى نعمل قاموس
يلا بس مش أوي كدا .. انا مش عارف كل الاختلافات
اه طبعا مش كله
عموما من برضه الاختلاف في الكلام .. ( مشروع ) و (ميكروباص )
و فى كمان ( لبانه ) و ( مستيكه )
اه فعلا دي
فيه برضه (كوباية شاي ) و ( كوباية شي )
اه هههههههههه
و فى كمان ( خناقه ) و ( عركه )
و برضه فيه ( بتمطر ) و ( بتشتي ) طبعا اللغة الاسكندراني باينة أوي
و فى برضه ( ناصيه الشارع ) و ( إيمه الشارع )
كله موجود فى جرنان ماتزوقينى يا ماما
ورقة روحي نامي انتي و الجرنان اللي محدش سمع و لا حيسمع عنه دا
مش احسن من التاريخ بتاعك
التاريخ .. ياللمهزلة الأبدية .. ورقة كشكول كتاب بتهزء التاريخ
هههههههههههه
ما انت حته منه .. مش ورقة انتي و لا ايه
ورقه هانم لو سمحت
انا شاكك فيكي تكوني ورقة مناديل في الاخر
ههههههههههههههههههه
ههههههههه
ماشى ماشى
يلا كفاية تخارف كدا
لينا حلقات تانيه
تخارييييييييفنا كتيييير
أكيد طبعا ان شاء الله و التخاريف في الجيل دا ايه
كتيييير
مشاء الله
علي ودنه .. زي المثل (علي قفا مين يشيل)
ربنا يزيد و يبارك
هههههههههههههه
لو عايزيه تعرفي قفا مين دا في التاريخ
المرة اللي جايه بقي و عليكي خير
ان شاء الله
ان شاء الله
يلا شالوم يا زعيم ..
شالوم اخص عليكي .. مش عشان عبري بقي تقولي كدا
يلا أوريفواااار جايه من كوت دي فوار
السلام عليكم
و عليكم السلام

http://www.masrawycafe.net/upload/up...e6dd97893f.jpg

http://www.al-wed.com/pic-vb/75.gif

هههههههههههههههه ياه في حد ميعرفش جرنال متزوقيني يا ماما دانت طلعت مش مثقف خالص يا زعيم ههههههههههههههههههه

بجد موضوع تحفه تسلم ايدك يا ورقه انتي وزعيم

لا كبيره بجد:-SS

بس نكت بصراحه وحوار خفيف جداااا


انا كنت عامل كده ف الشويه اللى قرأتهم :D
وبعدين ع فكره اختلاف اللهجه دا حتا ساعات بين افراد الاسره الوحده تبعا للبيئه والمحيط اللى حوليك يعنى مدرستك سكنك اصحابك واشياء كتير حلولينا بنأثر فيها واتاثر فينا ..
بتمنى ارجع تانى بس اخاف ع نظرى دا انا مش حلتى غيره :-B
وادى النكسافيه بتعكم علشان تعملنا الخط عريض مراعاه للناس اللى مش بتحب النظارات

ع كلا ربنا يوفقك وبدايه موفقه:)
شكر ليك احمد وشكرا ليك ورقه
ونسكافيه علشانكم:)::cafe::

تسلمو يا رب

كالعادة كلامكم جميل وافكاركم تجمع بين الفائدة والخفة

مشكورين جدااااااا

بس قلي يا احمد هو التفاح بياكلوه مع السلطة هههههههههه

اقتباس:

---

بيقولك ايه بقى كان فى زماااان من ايام عصر الكفار
كان فى واحد اسمه أولمبحة ابن عصعص
ههههههههههههههه عصعص و دا ساكن فين دا بقي .. في حقل قصب
و يخلف ايه دا بقي .. زعزوعة

---

موضوع جميل

بس مش طويل حبتين ؟!!!!

عموما أنا راجعة أكمله بعد شوية

ربنا يعينكو وتكملوا بقيتا التخاريف

حقيقــي بجـــد تخــــاريف جميــــله جــــدا ..
واول مـره اشـــوـوفها فعـــلا فى عـــــالم المنتديــات المــــوـوجودهـ ..

تســـلم يا احمــــد .. تسلمى يا ورقــــه .. ورقـــه هانـــ ـم سورى ..:)

وعلى فكـــره يا احمــــد الجرنــــال دهـ فيهـ العـــجبـ العجـــابـ بجـــــــد ..
لا وبيخلـــى الثقافــــه ايه .. بيخلي الثقافـــــه واسعهـ اوى ما تتلمــــش ..
انتــــوـوا نسيتوا أهـــم واحلى فــــرق ..
الفــــوـول والطعميــــه .. قــــوـول وفــــلافـل

يلا اقول سلام .. واشكركــــم بجـــد على الموضوع الجامــــد ده ..=D>

ميرسي ليكم يا أحلي أعضاء علي تشجيعنا دايما
و ديفل معلش اصل أنا ثقافتي هندي .. حأحاول اتعلم و اقري الجرنان دا
و أحمد عمر ان شاء الله حنقلل الكلام الكتير دا
طيف .. الكلام كان بيجي بيوصل متأخر .. بلاش غلاسة:-P:-P
و عصام فعلا احنا نسينا النقطة دي .. تسلم يا جميل
:)
شكر ليكم كلكم

مرسيـــــــــــــــــــــ ــــه يا جماعه ليكو كلكو


و ان شاء الله هنصغرها المره اللى جايه

عشان ماتزعلوش ولا تملو


اى خدمه


و استنو الحلقه اللى جايه هتبقى جامده ان شاء الله

:)

تسلم الايادي يا جميل مشكور علي الموضوع