أنا قبلك بلا معنى أنا قبلك بقايا إنسان
أنا قبلك بلا معنى أنا قبلك بقايا إنسان
مسافر مالقى ديره تعوض عن شقا بيته ..
.
غريبه صرت في قلبك أنا قصه بلا عنوان
كتبت الشعر من قلبي بدم الجرح خطيته ..
.
شكيت الحب على قلبي علامه حطم الوجدان
سألت القلب متى ياقلب أشوفك صرت حبيته ..
.
كثير قلوب من حولك وأخبرك تعشق النسيان
لقيت الحب في نبضك وشعور صادق أبديته ..
.
لقيت الحب في قلبك زهور تنبعث ريحان
سكنت في روحك وباقي الناس خليته ..
.
أنا جيتك أدور فيك ما يروي ظما العطشان
لقيتك ظامي قبلي وظما قلبي أرويته ..
.
حفظت الشوق في قلبي ووصيته على الكتمان
لقيت الشوق في قلبك على قلبي وضميته ..
.
كتبت الشعر في وصفك قصايد كلها ألحان
لجل أوصل حشا قلبك كم مرة تمنيته ..
.
أحبك كلمة معناها شعورً ممتلي أشجان
أبي أكون ذاك اللي باسم قلبك تبنيته ..
.
أبي عهد ووعد منك توفي بلا نكران
ووعد مني تكون اللي من أقصى القلب حبيته ..
.
أنا أسعد بشر عادي تولع في غرام إنسان
كتبت حبه على صدري وسط القلب ضميته ..
.
بسافر في بحر حبك وأبيك تكون لي ربان
أموت ولايخون قلبي ولو خانك توطيته ..
.
أبي أسكن وطن حبك ترا مليت هالأوطان
أبيك تكون ذاك اللي قصيدة عشق سميته ..
