خد العقلة بنت المجنونة ولا المجنونة بنت العقلة
ابراهيم ابراهيم قوم اصحى يا هيمه
نعم عايزه ايه يا اخرت صبرى
قوم اصحى يا حبيبى
ليه الساعه كام
اربعه ونص
يعنى انا اتخمد الساعه 4 وتصحينى اربعه ونص يا ظلمه م انا قايلك صحينى الساعه 8 ع الماتش
طب م انا بصحيك من دلوقتى عشان تلحق الماتش ياحبيبى
يارب وض عليه عوض الصابرين يابنت الحلال الماتش هشوفه ف الصاله مش ف الاستاد
عارفه بس عشان تلحق تروح مشوارك وتيجى بسرعه
مشوار ايه
تروح لماما
ليه
تروح تجيبها وتيجى بسرعه قبل الماتش
اجيبها منين واوديها فين
ابراهيم بطل دلع ياحبيبى واوم بسرعه انا كويتلك الهدوم خلاص
والله م ابتدلع انا عايز اعرف اجيبها منين واوديها لفين
هاتجيبها من بيتها طبعا علشان هتيجى تعد عندنا شويه
تعد ليه بقى
انت نسيت انى حامل يا حبيبى
لا منسيتش بس هو انتى تعبانه ولا ايه
لا الحمد لله انا زى الفل
امال هنتعب طنط ليه
يا هيما هتعد معانا لحد الولاده
ولادة مين ده انتى ف السادس يا حنان
اه م انا عارفه بس انت شوفت مها بنت عمتى ولدت ف السابع
طب وانتى مالك
ياسلام يا اخويه افرض ولدت زيها ف السابع يبقى ايه العمل بقه
طب هفترض انك ممكن تولدى ف السابع رغم ان الدكتور قال ا ن الحمل طبيعى وانك زى الفل انتى والبيبى طنط تيجى تعد معانا ليه
علشان لما يجى الطلق تبقى جنبى ونجرى بسرعه ع الدكتور
طب هو الطلق ده بيجى فجاه مش ليه علامات
يا ابراهيم م انت شفت مها كانت هتموت هى والنونو بتاعها عشان محدش لحقها بسرعه
بس ده عشان مها عايشه لوحدها وجوزها مسافر لكن احنا بينا وبين بيت مامتك نص ساعه زحف يعنى برنه ممكن تجيلك
ابراهيم متخنقنيش انا حامل وانت عمال تعصبنى ع فكره وانا ماسكه اعصابى عنك بالعافيه
طب اهدى يا حبيبتى بس استفسار اخير هو مش كان اتفقنا انك هتروحى تعدى عند مامتك واننا مش هنشحططها
ماما قالت مش هينفع طبعا
ليه بس
انت عارف ان خالد اخويا ف ثانويه عامه وبصراحه ابنك مبيبطلش شقاوةومش هيخلى خالد يعرف يذاكر
هو خالد يعنى فالح اوى ده الى ف سنه مخلص جيش
اخص عليك يا ابراهيم انت بتتريق ع خالد طب ايه رايك بقى احنا املنا فيه كبير اوى السنه دى
بامارة ايه يا حنان دى تالت مره ثانويه عامه
مهو عشان كده دى تالت مره بيذاكر نفس المنهج يعنى بقى خبره خلاص
ماشى يا حبيبتى ربنا معاه بس باباكى هيرضى طنط تسيبه هو وخالد 4 شهور بحالهم
متقلقش بابا موافق وبيقول كله يهون عشان خطرى
ماشى هروح اجيبها وامرى لله
الله يرحمك يا امه طول عمرك تقولى لى خد المجنونه بنت العاقله وم تخدش العاقله بنت المجنونه ادينى اخدتها مجنونه بنت مجانين
وصل ابراهيم بيت حماته
ازيك ياعمى
اهلا يا هيمه ازيك
كويس امال فين طنط
بتحضر شنطتها وجايه ع طول
طب وخالد
ف اوضته بيذاكر
طب هدخل اسلم عليه عبال متستعجل لى طنط
ودخل يسلم ع خالد الى قاعد ع الفيس بوك ومنفض للدنيا وطلع لقه حماته محضره شنطه ممكن تهاجر بيها
هاتنورينا يا طنط
منور باهله يا حبيبى
معلش بقى يا عمو انت عارف دلع حنان انا لو عليه عايزها تفضل معاك انت وخالد هنا
لا يا حبيبى ده كله يهون عشان خاطر حنان
وبيبص وراه لقه حماه بيرقص من الفرحه
اه يا امه ع حظى
بعد وصول حماته باسبوع
هيما
نعم يا حنان
فيه موضوع عايزه اقولك عليه
خير يا حبيبتى
ماما بتعيط بره
ليه كفى الله الشر حد زعلها
اه ابنك
احمد زعلها ف ايه
بيقولها هنسمى النونه حبيبه راحت معيطه
هى مش عاجبها اسم حبيبه يعنى
ايوه خدت ع خاطرها علشان مش هنسمى البنت ع اسمها
نعم انتى عايزانى اسمى بنتى سكينه
ومالها سكينه يعنى
حنان بطلى يا حنان احسلك سكينه ايه الى هنسميه للبنت هى كانت عملتلك ايه
يا حبيبى مش لازم ننده لها سكينه نبقى نقولها سكسكه زى ماما
م نقولها سوكه احسن
اشمعنه انت سميت الولد ع اسم ابوك
سميته ع اسم ابويا عشان ابويا ميت لو امك ماتت اوعدك ابقى اسمى البنت ع اسمها
بعد الشر عليها طبعا
حنان اغزى الشيطان وقولى لامك تبطل عياط عشان العياط بيجيب الفقر
وطبعا ابراهيم قضى 4 شهور ف عذاب بسبب حماته
المهم جه اليوم الموعود وحانت لحظة وصول المولوده واول حاجه عملها ابرهيم راح كتب البنت حبيبه قبل م حنان تفوق وتضغط عليه باسم سكينه
وقعدت حماته طبعا للسبوع
وبعد السبوع وحماه ماشى كان ابراهيم مستنى انها تروح معاه
لقاها بتقول لجوزها
معلش بقى يا ابو حنان هعد مع البنت لحد متربعن
وماله خليكى اوعى تسبيها غير لما تبقى زى الفل اربعين خمسين الى يعجبك ع اقل من مهلك وبعدين خالد خلاص خلص امتحانات يبقى متستعجليش
يا لهووووووووووووووووووووووو وووووووووى يا امه
قعد ابراهيم يعد الايام وينام بدرى ويصحى متاخر عشان الايام تجرى بسرعه
وبعد الاربعين يبقى الوضع كما هو عليه وحماته مبتمشيش
حنان
ايوه يا هيمه
هو مش انتى ربعنتى اول انبارح
اه
امال ماما مانسانه ليه لحد دلوقتى
قاعده منورانا وماليه علينا البيت يا حبيبى
ماشى معترضناش بس مش تروح بيتها بقه تنوره شويه
تقصد ايه يا هيما
اقصد ان امك بتسحب نور كتير اوى وفاتورة الكهربه جت غاليه الشهر الى فات
انت عايزنى اطرد امى يا ابراهيم
لا طبعا بس انتى مش شايفه ان كده كتير
لا مش كتير امى وقاعده معايا تعرفنى اربى البنت ازاى
ع اساس انها اول خلفه م فى واد بره مش عارف اتكعبلتى فيه قبل كده ولا لا
عموما ارتاح هى كده كده كانت بتقول عايزه تروح عشان بيتها واصحبها وحشوها
اه اصحابها الى كانو كل يوم عندنا
بتبرطم بتقول ايه يا محمود
م بقولش بقول تروج بالسلامه انشاء الله
وبعد اسبوع رجع من الشغل لاقى مراته وحماته بيعيطو والواد احمد بيطنطط من الفرحه ولو يقدر كان كسر وراها زير
خير يا جماعه
ماما ماشيه خلاص
ليه بس كده يا طنط والله هتوحشينا بس متبقيش تتاخرى علينا بقه بس احنا مش عايزين نتعبكوعشان المشوار انا هبقى اجيبلك حنان والولاد يومين ف الاسبوع
لا ياحبيبى متتعبهاش انا هبقى يومين هنا ويومين هناك
لا ازاى والله م هنتاخر عليكى اقولك هجيبهملك كل يوم
ربنا يخليك يا هيما
وبيفتح الباب عشان ينزل الشنطه لقى شنطه بره البا وخالد واقف جنبها بيعيط
ايه ده فى ايه
انا سقط يا ماما
حماته راحت راقعه بالصوت الحيانى يا لهوووووووووووووووووووى
طب ايه الشنطه دى هما بيدو الملف ف شنطه
لا يا ابو نسب حماك عمل معايا الدنيئه وطردنى
طردك ليه انشاء الله طب ودينى م انا رجعاله البيت بيت اختك مفتوح لك ادخل يا واد زحط شنطتك وغير هدومك
يا لهووووووووووووووووووووتىى
ابراهيم طلب حماه وبعلو صوته وقف يكلمه ف الشقه عشان يسمع حماته وابنها الساقط
بقولك ايه يا راجل انت انت تيجى تاخد مراتك وابنك لاحسن ودينى ابعتلك الخمسه حالا
خمسه مين يا ابراهيم
مراتك وابنك وبنتك وعيالها الاتنين فوق البيعه
با مارة ايه انشاء الله
بامارة ان بنتك طاااااااااااااااااااااااا الق
وراح مسك حنان ورماها وهما وراها
بره بره يا مجنونه يا خلفة المجانين انتى وامك واخوكى وخدى عيالك معاكى
وقعد يتنطط ف الشقه ويهتف بعلو صوته
طلقتها طلقتها ريحت الناس من شرها
