كيف اتعامل مع خطيبى

انا خطيبى غيور جدا وكمان عصبى وحساس زيادة عن الزوم وبيزعل بسرعة وضبعا انا اللى لازم اصالح علشان ماكبرش الموضوع بجد انا خلاص مش عارفة اعمل معاه ايه ياريت لو حد يقدر يفدنى مايبخلش عليا

حاولي متعمليش حاجه تعصبه وتقولي ليه بلاش الغيرة الزيادة عن اللازم شويه وحاولي تتفاهمي معاة بهدءو
وياريت ما تخليش يحس انك ضعيفه لانك كل مرة تيجي علي نفسك لازم يكون ليكي شخصيه معاة لانك كدة ممكن تخليه يوصله أحساس انك متقريش تستغني عنه وكدة يتمادي في الغلط في حقك وعارف ومتأكد انك انتي هتصالحيه
لازم تأخدي موقف من عصبيته دي وغيرته وخصوصا الغيرة حتي تتحول حياتك الجايه الي جحيم بسب الغيرة القاتله
خليكي قويه وخدي موقف
ولو مافيش أمل في اصلاحه
يبقي لا مفر من أنهاء الخطوبه
لان نهايه مؤلمه أفضل من الم بلا نهايه

عمار عنده حق انا معاه فى كلامه كله

غيور مش مشكلة بالعكس دة شيء لذيذ وممتع

أنه تلاقي خطيبك يحبك أوي ويغير عليكي بجد حاجة واو


بس العصبية دي اللي مشكلــة بجد لانه بيتعصب اوي في الخطوبة طب وبعدين

في الجواز ايه ممكن يحصل وبعدين تصالحيه اذاي اذا هو الغلطان

متبدئيش بالصلح ولو زعل مية سنه سيبه لغاية ما يجي يصالحك ويعتذر

ولو العصبية انتي حساها بزيادة أعتقد تسيبيه أفضل عشان بعدين متضمنيش تكون اذاي

دي وجهة نظري

انا غير كل الناس اللى اتكلمت دى اوعى ستبيه لو بتحبوا بعض واستمحليه بس عرفيه اللى بيزعلك واللى بيخنقك منه انا حبيت وانجرحت اوى ومنجرحتش الا لما بينت حبى اوى بس مش عار انا غلطت ولا ايه خليكى معاه وعرفيه انتى ايه عنده وهو كمان عندك ايه المهم اوعى تفرطى فيه بسهولة كده ومش تسمعى لحد يقولك سبيه الا لما يفيض الكيل بس اصبرى فى حاجة تعدى لما تتجوزوا ان شاء الله هتبقوا زى الفل وكله هيتغير للاحسن ان شاء الله

لو إنتى حاسة فعلآ ,متأكدة من إنة بيحبك فعلآ يبقى ماتسيبيهوش لإن أكيد عصيبيتة دى مش على طول وأكيد العصبية دى مش هتيجى من فراغ أكيد الواحد لما بيتعصب بتبقى حاجة هى اللى معصباة ممكن يكون شاف موقف منك محبش يشوفك فية ممكن يكون مضايق من طريقة معينة للبسك ممكن يكون مضايق من حاجة فى الشغل لو إنتى بتحبية هتشلية جوة عنيكى وما تشتكيش منة وأكيد زى ما بيتعصب أكيد إنة بيعمل حاجات حلوة كتير وأظن ان انتى بس اللى عرفاها وفكراها وعلى فكرة فى إيدك إنك تحافظى علية وفى إيدك إنك تسيبية فكرى بعقلك مش بقلبك وفى إيدك إنك تغيرية أقعدى معاة وإتكلمى معاة وحاولى تشوفية مضايق من إية يمكن يتكلم مع كلمتين حلويين منك وشوفية مضايق من إية ولو طلع انة مضايق منك فى حاجة ناقشية وإتكلمى معاة وتشوفوا حلول ماتبعدكوش من بعض وخلى بالك لو إديتيلة وعود ما تخلفيهاش وحاولى تسمعية وتقربى منة لو مضايق من لبسك شوفى مضايق من إية وحاولى تغيري الحاجة اللى بتضايقة يمكن هو مش عايز يتكلم معاكى فى حاجة عشان ما تزعليش منة (أتمنالك حياة سعيدة وربنا يوفقك) ما تسمعيش كلام حد وربنا يحمينا من عيون الناس وياريت ما تدخليش حد بينكوا لا من أصحابك ولا من أهلك ولا من أهلة إلا فى الشديد القوى:-Oوربنا يستر

ربنا معاكى يا حبيبتى على فكرة هى فترة الخطوبة الاولى دايما بتبقى كده على ما كل واحد يا خد على التانى
وحاولى تحتويه صدقينى الراجل بجد شخصيته زى الطفل بالظبط بيحتاج للدلع والسياسة كده لحد ما يطمنلك ويحكيلك كل حاجة مضايقاه ومفرحاه وما يخبيش عليكى حاجة
وحاولى تحسسيه بحبك عشان يبطل الغيرة ده اما العصبية فزى ما انا قولتلك خديه بالراحة وكلمتين حلوين هيخلوه يرتاحلك وتفهميه وبالتالى تبعدى عن اى حاجة بتضايقه
وربنا يحميكى وان شاء الله بعد ما تعملى الكلام ده تبقى تعزمينا على الفرح ان شاء الله