يا جرح قلبي !!
حبيبت احكي الحقيقة و سامر الشـعار
و أكتب بدنيا الوطن كلمـات من روحي
و نبدا بحوار و نقاش نعالـــــج الأفكار
و قــللا يا روحي بأسرار القلب بـوحي
ما كان قصدي يا حبي "نقير يما نقار"
يما بيزنـطي جـدل ما يعــــادل شروحي
بأفكار شاعـــر عشق برعــــم ورد آذار
حبيت شيل الوجـــع من نزفـة جروحي
يا جــــرح قلبي على قلبي أنت جــــبار
ما كنت تهدا ويا وجعات الجرح روحي
اتركـــــــــني بحبي عــــيش لنو نهـــار
مع الحبيبه لحتى حقــــق طمـــــــوحي
شو نفع عمري و مهما تبرم الأقـــدار
باقي هـواها بقلبي و للهوى جنوحي
بحرمان عشت العمر بجنينة الأزهــار
تلاتين عام و أنا عـــــم كابد جــموحي
و ما قطفت زهرة لأني ما كنت غـــدار
وما نسيت اصلي مهما كبرت شلوحي
الزهرة النديي عشقتا بفوحة الأعـطار
يا زهرة العمر بوحي و بالعطر فوحي
بحبـــك .. بحبـــك مهما كانت الأخطار
عشقت فـيكي الطهارة تنـور صروحي
يا قلب اطهر من الوردات في أيــــــار
ع البعد عني اصبري لا تبلشي تنوحي
كرمال ما في وفا بمرجوحة الأعـمار
تأملت لو يلتقو سطوحك مع سطوحي
كرمال لون الكــــرز ع تمك المحـتار
لا تتركـــــيني بهموم العمر و تروحي
خيالك تركني على مينا بلا اســتقـرار
وطيفك كواني و رمالي نار ع شوحي
وعمزة عيونك متل البرق عالاعصار
تغلغل بدمي و عشت ع وجعة قروحي
إنسان الله خلقني مش صخر و حجـار
ع الصخر اسمك نقشتو وللقلب أوحي
و إن مت قبري مهما يغمقـــو الحفــار
من القبر برجــع إذا بايدك تلـــــــوحي
