وبعدين اخرتهها ايه عشان انا زهقت
كله عمال يقولي بلاش تشوف الدنيا سوده بلاش تظلم الحكومه يعني تعليم بايظ وقولنا ماشي حوادث عالطريق وقولنا قضاء وقدر ميه زي الزفت وبنشربها انما تيجي لحد الكهربا وكفايه الواحد داخل عليه رمضان والدنيا حر
هيا الناس دي ايه يعني خلاص مبقاش حد هاممها ولا مش عايزين يفهمو ان الدعم اتشال يعني انا بقيت عميل يعني بعملهم استثمار يعني من حقي لو الكهربا قطعت عني ساعه اخد بدالها سنه مدفعش وتيجي تسال يقولك ترشيد استهلاك وانا مالي انا والناس الي اجهزتها اتحرقت بسبب الكهربا مين هيعوضها وشغلي انا الي كله معتمد عالكهربا وكل يوم يقف مين هيعوضني ولا هما خلاص يعني عشان الواحد ساكت
وتسال علي الوزير يقولك بيصيف ف مارينا ربنا ياخد مارينا دي عشان نستريح
ومسؤؤل خفه دمه متتوصفش يقولك وايه يعني مصر منوره باهلها X-(
انا اول مره اكتب موضوع بسرعه كده بس انا خلاص زهقت وشكل الكهربا هتقطع تاني
كفايه لحد كده انا ماليش زنب ف ترشيد الاستهلاك ولا هفضل مستني جنابك لحد ماترجعلي من مارينا كفايه
