انا بجد تايه وحد يدلنى

انا وخطيبتى كنا بنعشق بعض المهم خلاص اتفسخت خوطبتنا من اسبوع والسبب انها مخنوقة ومش مرتاحة طيب ايه السبب معرفش هى كده مخنوقة ومش مرتاحة

طيب تفكرى شوية
لا انا خلاص فكرت وقررت

طيب ازاى وانتى كنتى هتموتى عليا واجى اخطبك وفعلا اتخطبنا ومروحتش بعد الخطوبة الا مرة واحدة بس

وفجاة واقسم بالله العظيم اتغيرت لدرجة انى لما كنت بكلمها انا كنت حاسس انى معرفهاش ولا تعرفنى وبتكلمنى ولا فى دماغها اى حاجة كانها مكانتش خطيبتى وحسستنى انها مش فارقة معاها اى حاجة مع انها قبل كده كانت بتعيط لما ابقى قافل تليفونى بس شوفوا لدرجة ايه

كلمت اهلها وهما كمان كلمونى وبردو انا مش مقتنع باى كلمة هى بتقولها

بتقولى مش مرتاحة من يوم الخطوبة
سبحان الله اهلها يقولولى يوم الخطوبة هى منامتش لتانى يوم من الفرحة
طيب وازى لما جيت عندكم كنتى مقالبلانى مقابلة حلوة جدا جدا واهلك كمان وقعدنا مع بعض وقالتلى احلى كلام وقضينا احلى يوم مع بعض

بعدها بيومين سافرت واتقلبت الف مليون درجة

وخلاص سبنا بعهض

تفتكروا ايه السبب

وبتعمل ليه كده

وانا ليا ذنب فى ده

ونفسى اسمع صوتها مش عشان حاجة والله العظيم ابدا

هل ممكن دلوقت اكلمها واقولها ايه السبب الحقيقى

بما انى عملت اللى يريحها وبعدنا عن بعض

هل ممكن اكلمها انا مسافر الخارج كمان اسبوع

ممكن اكلمها يوم ما اجى مسافر هل لو فيه سبب حقيقى ممكن تقولهولى

ولا اكلم خالتها ممكن تقولى حاجة بس كل الناس هناك قالتلى وانا بفسخ الموضوع هى مخنوقة وتعبانة وكده

بس انا حاسس غير كده خالص

ايه اللى يغيرها فجاة كده

اتصل بيها ولا لا عشان انا ارتاح حتى ومفكرش

وهل تعقتدوا انها ممكن تقولى السبب الحقيقى لو حتى لو يزعلنى او يزعلها هى

ما هو خلاص بقى معدش حاجة نبكى عليها

كل واحد راح لحاله

يعنى لو قالت حتى السبب الحقيقى عادى مش غلط يعنى

افيدونى بالله عليكم