مرات الاب : بت يا سندريلا انت يا زفته اصحى يا بت جاتك خابط فى نفوخك@-)
سندريلا : ايوه يا مرات ابويا خمسه اخطف حلم سريع بس وحقوم :-&
مرات الاب: قومى يا بت قامت قيامتـك
وصحيت سندريلا وهى بتأفأف وتفتــف
مرات الاب : يـاله قومى اكنسـى وامسحى على ما نيجى
سندريلا : وانتو رايحين فين ومتزوقين كده وكل واحده عامله نيو لوك روش[-(
مرات الاب : رايحين حفله الامييير اللى حيختار واحده عشان يتجوزهـا
سندريلا : خدونى معاكو انا عاوزه اروح بليز بليييييييز
مرات الاب : ايه بليز دى جتك القرف وتروحى فين يا بلبسك المهرول ده انا عايزه ارجع الاقى البيت بيبرق من نضافته:-*
ومشيت مرات الاب وبناتها الخمسة وقعدت سندريلا تعيـط وتوأوأ=((=((
وفجــأه طلعتلها الســاحره من البوتاجاز
الساحره : مالك يا سندريلا
سندريلا : كان نفسى اروح معـاهم الحفله بتاعة عمرو دياب بس لبسى مقطع و موبايلى مفهوش كريدت ولابسه شبشب بصباع :-$
الساحره : ولا يهمك
وطلعت الساحرة من جيبها الموبايل وطلبت الاتلييه بتاع مدام لولو يبعتو فستان وجزمه اخر موديـل
فرحت سندريلا ولبست وحطت الآي شادو و الجليتور ورشت البرفان بس الساحره قالتلها : قدامك يا روح ماما لغايه الساعه 12 لازم ترجعى والوقت كالحبل ان لم تقطعة ربطك وكعبلك وقعد يخنق فيكى انا صعيديه ودمى حامى ومعندش بنات تتأخر لبعد 12 :))
و لو اتأخرتى حرجعك زى ما كنتى بلبسك القديم المعفن وسط الناس يا بيئه يا معفنه
سندريلا : حاضر حاضر اما ساحره زبالة صحيح
نزلت سندريلا من البيت لقت الساحره مجهزة عربية هوندا ركبت سندريلا وراحت ع القصـر:-$
وجننت بجمــالها كل اللى موجودين و اول ما عين الامير وقعت عليها راح وطلب يرقص معاها و وافقــت
نظرات ... همسات .... صمــت ........ حــــب
ترررررررررن ترررررررررررن:^O:^O
الساحره : ألو ..انت يا هبابه الساعه 12 يا بنت عاوزين الهدوم والجزمه الاتيلييه عاوز يقفل هتخربي بيتي يا بيئه
سندريلا : ده الساحره بتدينى ميسد كول .. يا خبر الساعه :))12
وقامت طالعه تجرى وقال ايه ... وهى بتجرى فرده الجزمه اتخلعت.. و خدها الامير المعجب و نده للوزير
الامير : يا وزير
الوزير : امر مولاى
الامير : خد الجزمه دى اسحبلى صورتها علي الاسكانر
و نزل صورتها فى كل الجرايد و ع الويب سايت بتاع المملكه وعلى قناة ميلودى افلام
واكتب الى صاحبه الجزمه دي شورت ماسيدج علي روتانا تييجي للقصـر الملكــى فوراااااااااا
بنات كتير جدا راحو علي القصر(مع ان الجزمه مش بتاعتهم)و يا سبحان الله الجزمه مجتش على مقاس حد فيهم آل يعنى سندريلا مقاس رجليها رجل معزه
وبعد كده شاهدت سندريلا الاعلان عن فرده الجزمه على MBC
مع انه معملش اعلان خالص على القناة دى
وقامت بالتوجهه الى القصر وتزوجت هى والامير
وعاشو فى تبات ونبات و خلفو تؤام ملتصق وشويه بنات بيئه والحياة بقت بمبى بمبى.........
