أنا مسامحه .. و مش سامحه
لنفسى يوم تشيل من حد
أنا البادئه .. و أنا موافقه
أصالح الجارح .. بجـد
و لو عارفه انى مغلطش ..
انا الآسفــه انى مغلطش
و جربت اختبر قلبك !! ..
و يبقى قلبى انا الجـارح ..
و اشوف اذا كنت هتسامح
زى ما قلبى انا سامحك
انا مسامحه عشان يمكن
سماحى يختم أعمالى !!
انا مسامحه و مش ممكن
أضايف عِندى لو جالى
عشان انا رايحه مش جيه
عشان انا جرحى بإديه
داويته ف أوله
ف ثانيه
انا مسامحاك على جرحك
عشان عِشره كانت بينا
عشان منستش انا حبك
عشان تجمعنا يوم جنه
انا مسامحاكى يا صاحبه
باعت بالرخيص صُحبه
انا مسامحاكى يا غاليه
انا مسامحاكى يا دنيا
يا بريئه يوم ..
و اتنين جارحه
انا مسامحه بطيب خاطر
و قبل الروح ما هتسافر
هقول برضو انا مسامحه
انا مسامحه على خيانه
مسامحه ف غدر و ف كدبه
مسامحه بصدق .. بأمانه
و مش حاسه انى خسرانه
لأنى خرجت من غُربه
كانت جوايا من حِملى
انا مسامحاك لأنك يوم
حسستنى بطعم الفرحه
انا مسامحاك على يأسى
لأنى رجعت من نفسى
سامحت فـ سامحنى أملى
انا مسامحاك على كلمه
كانت قاسيه و كانت جارحه
انا مسامحاك على ظلمك
لأنى اكيد ظلمت ف يوم
انا مسامحاك على جرحك
لأنك ياما شلت هموم
انا مسامحه من غير عتاب
و ياريت تكون صدقتنى
و ياريتنى لو اسمع جواب
و تقولى فيه : سامحتنى
انا مسامحه عشان تبقى
فى بسمة بصدق ..
و انا رايحه
انا مسامحه
انا مسامحه
