قالوا ايه اللى رماك على المر وخلى دموعك نار تكويه
قولت مشيت ورا قلبى
قالوا ايه خلى العمر يمر فى اه وجراح ساكنين لياليه
قولت اعز حبايبى
قالوا ايه خلى الجرح يزيد والنار كل ما تهدى تايد
ايهى خلاك فى الحزن قريب ايه خلاك فى الفرح بعيد
اتكلم اتكلم
اتكلم على اللى باعونى فى وقت الشدة ياناس وسابونى
ولا اللى زمان ادتهم وبقسوتهم جم جرحونى
اتكلم على اللى راح وعذاب وسنين جراح
والنبى تسيبونى فى حالى
كفاية ان انا عايش بتالم
اتكلم اتكلم
اتكلم على احلامى ولا المر اللى فى ايامى
ولا اللى بنيته لوحدى وفجاة اتهد ياناس قدامى
جايين دلوقتى ليه عايزنى احكيلكم ايه
انا فيا اللى مكفينى يادنيا اسكتى وبلاش نتكلم
اتكلم اتكلم
اتكلم على لياليا اللى انا عشتها حرمان واسيه
ولا على قلب صاحبته ظلمنى وظلمه معلم فيا
مبقاش فى عنيا غالى من بعد اللى جرالى
حتى انتى يادنيا خلاص مبقتش على اتندم
اتكلم اتكلم
اتكلم على دنيتنا ولا التوهه اللى فى سكتنا
ولا على العيشة الصعبة النار اللى خدتنا وخنقتنا
بنجرى عشان نعيش والليل مبينتهيش
عايشين خايفين من بكره ياناس راضيين واحنا بنتالم
اتكلم اتكلم
اتكلم على حرقتنا ولا الاه اللى فى ضحكتنا ولا على الخير الميت ولا جراحنا ولا سكاتنا
خلاص مات الكلام
كفاية ياناس حرام
ليه كده جايين تدوسوا على الجرح
ليه كده سبتونى اتالم
