مجنون ( اتصالات بشكل مختلف)
انا النهرده بتفرج على اعلان اتصالات بتاع يسرا واحمد عز لقيت انهم صرفوا عليه ملايين من غير ادنى فايده فانا فكرت لو الفلوس دى لو نصها راح للغلابه
عمر البلد ما تبقى محتاجه معونه فانا قررت اتريق عليهم واكتب حاجه على نفسى الرتم ويارب تعجبكوا
مجنون الى يتصور خزنة البلد دى لسه فيها مليم
ومجنون الى يقدر يخلص مشاكله ويمشى فيها بالسليم
ومجنون الى يعرف قيمته جوه بلده وميطلعش فيها بهيم
ومجنون الى يبقى فاكر الحق سايد والبلد عشه جوه عشش مظاليم
ومجنون الى عايش لسه فيكى نعجه مبقاش ديب لئيم
مجنون الى فاكر انك جمهوريه مبقتيش سلطنيه للملوك والسلاطين
مجنون الى صابر على اى حد حكمه مش سنه لا سنين
مجنون الى يحلم يبقى فيكى حاجه ما احنا جو منك اصلا مش موجودين
مجنون الى نفسه يلبس بدله وحرير
مجنون الى حلمه اوضه وكام سرير
مجنون الى يشقى عشان يبقى حاجه لا هتيجى ربع يسرا ولا محمد منير
مجنون الى قال للرجال عدو القنال الرجاله ماتوا مبقاش غير الحريم
مجنون الى عاشقها هى وترابها مصدق وعودها معدش حد ياكل بكلامهم الجديد ولا القديم
مجنون البلد كلها مصحات للعيينين وعبارات للغرقنين وسم هارى للعطشنين
وطابور طويل ولقمة عيش للطفحنين
فمجنون الى يعيش ف بلد مريضه فى مصحه للمجانيين
