قصيدة إهداء إلى أميرة بلا وطن
أميره
يا ضي نن عيوني من جوه
ويا اختي اللي حبيتها
يا قلب صافي للحنان وماله زي
يا نور ساطع على الدنيا ما زيه ضي
كتاب الله نبراسك
وتاج راسك
وبيه قلبك تملي حي
وعمرك لسه برضه جاي
تملي بيرسمك ورده لكل الناس
ومسك يفوح على البستان ماليه إحساس
نديم الحب يسقينا ويملا الكاس
وصبح يملالنا الوجود حنه
نسيمه عليل يدور بينّا
يخلي الفؤاد مرتاح
كإننا عشنا في الجنه
أميرة يا طيبه يا عفه
جبينك طفل في اللفه
لو الأيام بينا جليد
نشوفك إنتي نتدفى
وجودك يعدل الدفه
ولو فكرنا مرة واحدة تتقارني
أكيد الكل في ناحية
وانتي وحيدة في كفة
أميرة يا عاقله يا كبيرة
أميرة بفعلها أميرة
فؤاد طيب وقلب اخضر
لكل الناس حنان صافي
وحبها للجميع دافي
وهي الشط والمرسى
ووسط البحر مجدافي
جميل شايله على اكتافي
ولو فكرت ابيع عمري لجمايلها
ابيعه وبرضه مش كافي
جعل ربي أميره جوا كل الناس
حنان أخضر وفوق كل القلوب طافي
فمش عايزك هنا تخافي
دا ربك للعباد شافي
وكلنا ندعي تتشافي
وتبقى أعز أخواتنا
واصحابنا وبدنك كله متعافي
يا رب الكون ورب الناس
ورب الشفا والشافي
تخلي أميرة حبيبتنا وصديقتنا
وجسمها كله متعافي
