تعرفوا اكتر حاجة بحبها فى مصر

تعرفوا اكتر حاجة بحبها فى مصر
مش هتصدقوا
اكتر حاجة بحبها فى مصر
حركة كفاية وجماعة 6 ابريل
والشباب اللى على الفيس بوك
اللى شغالين نهار وليل
وعندهم هدف وكل املهم
ميشفوش الوطن مكسور وذليل
أنتم مصر انتم عندى احلى من الف هرم والف نيل
انتم بكرة رغم كل الكدب والنفاق والتضليل
انتم شباب مصر انتم الحلم الجميل
مين اللى قال ان مفيش فى مصر معارضة
مصر كلها معارضين
واذا مكنتوش مصدقين
أسألوا الفلاحين
هيقولقكم الحقيقة بالظبط
واسألوا الناس اللى مبتعرفش تفك الخط
هيقولولكم البلد سفينة بتغرق ومش لاقية الشط
بس صوت النفاق عالى
اعلى من صوت الادان
وفية مليون حرامى
والف مليون جبان
انتم خلاصة الرجولة
انتم اللى تستحقوا البطولة
ومتسمعوش الكلام
يقولوا مهما يقولوا
يقولوا شوية عيال
طب لية بيعملوكم حساب
لية لما تبقوا 100 ولا 200
الدولة تحوط عليكم بألف وساعات الفين
دا غير انها تدس وسطكم ناس مدسوسين
ربنا يحميكم ويقوى قلوبكم
رغم كل اللى بيتقال انتم الامل فى بكرة
وبكرة هيجى على ايديكم
أعتبرونى واحد منكم

الشاعر
عبد الحميد بدوى

عارف عبد الحميد انا معاك ان حاليا الناس بدأت تتحرك وتعترض بس انا دخلت وسط الناس دى حسيت ان بردوا مصلحة الفرد اهم عنده من اى مصلحه تانى زمان لما كانو بيقوموا بمظاهرات كانوا كلهم بيحبو مصر اكتر من روحهم علشان كده كانوا بيعرفو يخدوا حقهم دلوقتى بقينا متفرقين وكل واحد بيدور على مصلحته بس انا مش بجمع لأن فيهم فعلا ناس كتير بتحب مصر اكتر من نفسها
المهم اننا نبقى ايد واحده ضد الظلم والذل والأرهاب ده
كلمات جميله عبد الحميد بالفعل رائعه سلمت يداك

اشكرك ايتها المشرفة الجميلة وكل سة وانتى طيبة وربنا يقرب البعيد تعرفى النظام المصرى
من كتر من اسنمر وتوغل قدر يخلق اجيال من المنافقين ومفيش مظاهرة او وقفة احتجاجية
اللى ما بيقدر يدس ناس مرشيدين ودة اكبر سبب فى فشل المعارضة دا غير ان كل الاحزاب
بتعارض بالاجرة علشان تبقى اداة تجميل لا اكتر ولا اقل وربنا كبير

كلنا بنتمني انه يكون فيه تغيير في بلدنا
بس لازم يكون للاحسن
احنا خلاص بدانا نتكلم ونحتج
يبقي مش باقي غير اننا نثور علي كل شئ خطا في البلد دي
علشان كل حاجه تتغير وللاحسن ان شاء الله
دمت بود وتقدير اخي الفاضل