الـــــــــى بيخـــــاف يطلع بره

بصوا من الاخر الى يحبنى
يقرا وهو ساكت
ومحدش يستندل ويخرج يبلغ عنى
خلينا اسره مع بعتينا

************************************************** ************
علاء مبارك شارك فى من سيربح المليون ..........
وصل لاخر سؤال؛ السؤال: من هو اكبر حرامى فى مصر ؟؟؟؟؟
طلب مساعدة صديق واتصل باخوة جمال وقالة السؤال
رد علية اخوة وقالة : انسحب بالى كسبتوا ومتخسرش ابوك http://i42.tinypic.com/2r21w74.jpg

************************************************** *************

مبارك : عارف يا ابليس يا خويا؛ انا عاوز اعمل حركة فى الشعب المصرى تطلع من نفوخهم

ابليس طب هات ودنك وخد الفكرة دى ..........
وش وش وش وش

مبارك : لالالالالا يا ابليس الفكرة دى مش نافعة عاوز حاجة اشد

ابليس : طب خد دى : ........... وش وش وش

مبارك : لالالا , برضة مش نفعة , اية يا ابليس انت بقيت خرع كدة لية ؟
هات ودنك وانا اقولك انا نوي اعمل فيهم اية ..............
وش وش وش وش وش وش وش

ابليس : لايا ا راجل حرام عليك

(لا تعليق) http://cairomol.com/vb/images/smilies/15.gif

**************************************************

كان مرة مبارك بيخطب فى الشعب ...... فكل شوية واحد يقوم ويقول ....

عاش مبارك موحد الاديان , ويقعد ....

يروح مبارك مكمل كلامة ...... ويقوم الراجل ويقول

عاش مبارك موحد الاديان , ويقعد ....

اتمسك من امن الدولة وطااااخ....

ويقولولة اية الى انت بتقولة اية دا .....
ازاى موحد الاديان ؟؟؟؟؟
دى مصر فيها مسيحين ويهود ومسلمين .....
فرد عليهم يا باشا ...... مهو موحد الاديان عشان هو الى مكفرنا كلناhttp://cairomol.com/vb/images/smilies/12.gif

************************************************** ************
بيقولك واحد لقى الفانوس السحرى فدعكة
وطلعلة عفريت
وقالة شبيك لبيك تطلب اية ؟؟؟؟
الراجل : انا عاوز كوبرى بين القاهرة واسوان
العفريت : دى صعبة اوى نقى حاجة سهلة
الراجل : خلاص خلى مبارك يسيب الحكم
العفريت : انت عاوز الكوبرى رايح جاى ولا رايح بس http://cairomol.com/vb/images/smilies/15.gif

************************************************** **************

اخبرنى بصراحة يا نظيف ولاداعى للنفاق او المجاملة !!!!
نظيف :امرك يا ريس
الريس : انا الافضل ولا عبد الناصر ؟؟؟
نظيف : انت طبعا يا ريس عبد الناصر مين دة الى كان بيخاف من الروس
الريس :طيب انا افضل ولا السادات ؟؟؟؟
نظيف : انت طبعا يا ريس السادات مين الى كان بيخاف من الامريكان
الريس : طيب انا الافضل ولا عمرو بن الخطاب

نظيف : انت طبعا ياريس عمر بن الخطاب كان بيخاف من ربنا http://i42.tinypic.com/2r21w74.jpg

بقلكوا اية ابقوا افتكرونى بالعيش الحلاوة
ولا بالورد لو توفيت
واحب اهديلكم اغنية فى الاخر اودعك اخر وداع اخر وداع http://i42.tinypic.com/2r21w74.jpg.

اقتباس:

---

بقلكوا اية ابقوا افتكرونى بالعيش الحلاوة
ولا بالورد لو توفيت

---

لا هنفتكرك بالعيش والحلاوة والبيتزا ان شاء الله
:D:D:D:D
:-P:-P
بعد الشر عليك يامرام مش لما تتجوزي الاول
;););)
;;)
تسلمي علي النكت الجامده دي
وانتي ليها مش وضعتيهم في السياسي
متخافيش السياسي مش متراقب
:-O:-O:-O

بارك الله فيكي وحفظك ورعاكي

بصوا من الاخر الى يحبنى
يقرا وهو ساكت
ومحدش يستندل ويخرج يبلغ عنى
خلينا اسره مع بعتينا
دى الحكمه بنفسها جتيلك ياحك
بتتريقى ع الدوله اللى بتكلى وتشربى منها اوك
تعالى بقه ياماما فى المحكمه مرفوع عليكى قضيه ف المحكمه ياحك
ال الى بيخاف يطلع بره ال
تعالى ياماما المحكمه من هنا تعالى

هههههههههههه
يابت انت مالك ومال السياسه يابت ده انتى الحيطه اشتكت منك من كتر ما بتمشى جنبها عامله فيها عنتر ليه ههههههههههه
بالتاكيد الصيام هو السبب
بس حلوه حتى ابليس خرج منه يستغيث
تسلمى يالومى على النكت الجامده دى

هههههههههههه
جميل جدا يا مرمر
ولو جت على العيش والحلاوه انا معاكى:-P
هههههههههههههههههههههههه

انتي يا بنتي ممكن يجوااا يمسكوكي دلوقتي وانتي مالك في السياسه




الجوكر.............

شوفى يا مرام ....
أنا عمات حسابى من دلوقتى ..

http://latimesblogs.latimes.com/phot.../bread_2_2.jpg

عيش لسه طازة
من الفرن عليكى على طول

http://www.album.v90v.com/data/media/34/images_8.jpg

حلاوة و كمان بالسمسم

*******
ملحوظة هامة ...!!;;)
هتوحشينا يا مرام :)
أودعك ...أخر وداع :(

اقتباس:

---

المشاركة الأصلية كتبت بواسطة هشام اللول1

لا هنفتكرك بالعيش والحلاوة والبيتزا ان شاء الله
:D:D:D:D
X-(X-(X-(X-(X-(X-(X-(


:-P:-P
بعد الشر عليك يامرام مش لما تتجوزي الاول
;););)
;;)
جـــواز جــــواز جــــــــــــــــــــــــ واز حرام عليك بقى X-( ياعم انا وحشه ومحدش عايز يتجوزنى لازم تكسفنى بقى ;;)

تسلمي علي النكت الجامده دي
وانتي ليها مش وضعتيهم في السياسي
متخافيش السياسي مش متراقب
:-O:-O:-O


منا قولت اخلينى هنا اصلى حالفه مش ادخل السياسى من الى بشوفه هههههههههههههههههه

بارك الله فيكي وحفظك ورعاكي

---

تسلم هشام لمرورك الجميل نورتنى

اقتباس:

---

المشاركة الأصلية كتبت بواسطة hero

بصوا من الاخر الى يحبنى
يقرا وهو ساكت
ومحدش يستندل ويخرج يبلغ عنى
خلينا اسره مع بعتينا
دى الحكمه بنفسها جتيلك ياحك
بتتريقى ع الدوله اللى بتكلى وتشربى منها اوك
تعالى بقه ياماما فى المحكمه مرفوع عليكى قضيه ف المحكمه ياحك
ال الى بيخاف يطلع بره ال
تعالى ياماما المحكمه من هنا تعالى

---

ههههههههههههههههههه ده الريس ده حبيبـــــــــــى وبعدين منا جتلك يخويا المحكمه ورينى هتعمـــل ايه X-(X-(
نورت وربنا ياهيروٍوٍوٍ والحمد لله انك رجعت ورجعت معاك الابتسامه للمنتدى نورتنى

اقتباس:

---

المشاركة الأصلية كتبت بواسطة ايسل

هههههههههههه
يابت انت مالك ومال السياسه يابت ده انتى الحيطه اشتكت منك من كتر ما بتمشى جنبها عامله فيها عنتر ليه ههههههههههه
بالتاكيد الصيام هو السبب
بس حلوه حتى ابليس خرج منه يستغيث
تسلمى يالومى على النكت الجامده دى

---

حيطـــــــــــه مالك يختى شده حيلك عليا ليــــه الله يرحم نايل اسبورت الى مكنتيش بتحولى من عليها ولما حد يجيب الجزيره تقولى بلا سياسه بلا قرف حفظتلى كلمتين بقى فى السياسه هتقولى حيطه X-(X-(X-(
انا حاسه انى بردحلك مش برد عليكى ههههههههههههههههههه
نورتى ياروح قلبى الموضوع