أنا مابخفش وحفضل أقول

أنا مابخفش وحفضل أقول

أنا مابخفش وحفضل أقول
كلمة حق عليها مسؤل
إن الريس راجل طيب وبشعبه دايماًَ مشغول
مشغول إنه يلم فلوسهم
بره سويسرا يحوشهلنا
وف حسبات سريه يشلها .....نفسه يأمن مستقبلنا
شفتوا إزاي بقه قلبه رحيم
عنده إيمان وضميره سليم
بيجوعكوا لجل تخسوا
آه يا شعب محتاج لرجيم
من جهلكوا بتقولوا بطاله
وإن الأحوال مش شغاله
دا الراجل نفسه يريحكم
هي الراحه تبقي عواله ؟؟
أما حكاية المنتجعات
ليه بتسموها معتقلات ؟؟؟؟
ليه الظن...... وسوء النيه
نفسه يفسحكوا يا بهوات
أما الكرسي واللى تقال
دا كلام مش محتاج لسؤال
الغلطه دي غلطتنا يا عالم
إن مجبناش كرسي تيفال
والله إنتوا ظالمين الراجل
ضيع عمره ومين يستاهل
حتى الأكل بيكله بدالنا
طالع واكل نازل واكل
ماله الريس بعد دا كله ؟؟؟

أحمد فؤاد نجم

اختيار جميل
وطبعا احمد نجم اشعاره معروفه ناقدة وخفيفه وجميله جدا
تسلم هاري مشكور جدا

اقتباس:

---

المشاركة الأصلية كتبت بواسطة طيف عابر

اختيار جميل

وطبعا احمد نجم اشعاره معروفه ناقدة وخفيفه وجميله جدا
تسلم هاري مشكور جدا

---

هيه خفيفه جدا
بس كل سنه وانتي طيبه
أسمعها من هنا
وتجيبلي عيش وحلاوه على طول
طبعا عارفه فين
ههههههههههههههههههه
شكرا يا طيف على الرد

يجزيك الخيرعلى الشعر الجميل اخى هاري

هاري حبيب قلبي والله انت باشا
علي فكرة انا بعشق حاجة اسمها(احمد فؤاد نجم)
الراجل دة بجد مبدع

ههههههههههههههههههه صحيح بعد دا كله ماله الريس عاجباني الحته دي اوي
حتى الأكل بيكله بدالنا
طالع واكل نازل واكل
ماله الريس بعد دا كله ؟؟؟

بجد اختيار موفق
نقد مؤدب للاحوال
تسلم هارى على اختيارك

=D>=D>=D>=D>=D>=D>=D>=D>=D>=D>بجد اختيار موفق
نقد مؤدب للاحوال
تسلم هارى على اختيارك

اقتباس:

---

المشاركة الأصلية كتبت بواسطة ساندرا

يجزيك الخيرعلى الشعر الجميل اخى هاري

---

شكرا يا ساندرا على الرد
نورتي
بمرورك وردك

اقتباس:

---

المشاركة الأصلية كتبت بواسطة hota

هاري حبيب قلبي والله انت باشا

علي فكرة انا بعشق حاجة اسمها(احمد فؤاد نجم)

الراجل دة بجد مبدع

---

فعلا مبدع
شكرا يا هوتا على الرد
نورت