هل الزواج من طبيب صعب ارجو الرد

السلام عليكم بصوا ياجماعة انا محتاجة رايكم جدا هو الموضوع كله ان هو دكتور ابن خالتى امور بجد بيحبنى جدا جداجدا بيعمل اى حاجة عشان يرضينى بس المشكلة كلها ان انا حلم حياتى ان انا لما ارتبط بشخص اكون انا كل حاجة فى حياته زى ما هيكون هو كل حاجة فى حياتى وطبعا لظروف وظيفته ورسالة الدكتوراة بتاعته هاكون انا حاجة على الهامش ده لو شوفته ساعة فى اليوم يبقى كرم من ربنا بذمتكم ده عيشة او دنيا شخص يتمنى انه يعيشها حتى ولو بيحبنى الحب ده لا هحس بيه ولا هعيشه بعد الجواز ارجو الرد لانى هتورط فى خطوبة بعد العيد

اية يابنتى انتى غريبة جداااااااا هو لازم يقعد جمبك ياعنى عشان تحسي بحبة اى واحد دكتور او اى حد لازم هيشتغل طول اليل والنهار ياعنى عادى حبة بيبان ولو لحظة بتشوفية انتى لو بتحبية هيبقي عادى ومش هيفرق معاكى انما مافيش حد هيعدلك وكفاية انة دكتور وبيحبك في حد في الزمن دة بيحب حد لو هو فعلا بيحبك ياريت تتقبلي مرورى

السلام عليكم

شوفى يافندم

اولا : مش كده الموضوع انتى فاهمة غلط لان بحكم انه دكتور مش معنى كده انه هيفضل طول اليوم يذاكر او طول العمر فى شغله لانه بردو انسان وعايز يحب ويتحب ولو كل بنت فكرت زيك كده محدش هيتجوز دكاترة نهائى

ثانيا : لما تلاقى حد يحبك الحب ده كله بزمتك تسبيه عشان هو مش بيبقى فاضى شوية

واخيرا : لو بيحبك زى ما بتقولى كده خليكى معاه واوعى تسبيه لان ممكن متلاقيش حد يحبك الحب ده كله

وسيبك بقى من الاسباب اللى لاتودى ولا تجيب بالعكس دى ممكن تخليكى تندمى انه ضاع منك لا قدر الله

ربنا يهنيكى يارب

وراى الشخصى المتواضع جدا

وافقى لانك هتحبيه اوى وبعد ما تتخطبى لو فيه نصيب ههتعرفى قيمة كلامى

تقبلى مرورى وردى على حضرتك واسف للازعاج شكرا

محمد

انا من رأيي انك انك تتوكلي علي الله وترتبطي بالشخص اللي بحبك لأننا في زمن أختفي في الحب أو قد يكون تلاشي من الوجود والانسان دا بيحبك يعني هيحافظك عليكي وهيحترمك واكيد هيخاف عليكي وعمرة ما هيزعلك يبقي انتي ليه تضيعيه من أيدك ولو علي انه هيكون مشغول فدا عمرة ما هيكون مشغول علي طول
وايه قيمه انك ترتبطي بشخص يفضل جنبك اكبر قدر ممكن ويحول حياتك الي جحيم ويعاملك معامله سيئه ساعتها بس هتتمني انك مش عايزة تشوفيه قدامك لانه حول حياتك الي جحيم
نحن البشر لا نملك كل حاجه ومفيش حد بيأخد كل حاجه بيكسب حاجه ويخسر قبالها حاجه تانيه
فأنتي أختاري الانسان اللي بيحبك حتي لو مشغول عنك شويه وأكيد معاة هتكوني عايشه سعيدة معاة بحبه ليكي
افضل بكتير من ان ترتبطي بشخص يفضل جنبك ويحول حياتك لجحيم
واسف للاطاله
وأخير أتمني لكي حياة سعيدة مع من يختارة قلبك او مع من تختارة لكي الاقدار
وسلام

انا رأي من رأي الاخ عمار
وقديما قالوا خد اللي يحبك ولا تأخد اللي بتحبه
وما دام هو بيحبك وأمور ذي ما انتي قولتي أمور يبقي ليه تضيعيه
صلي صلاة استخارة وربنا هيقدملك اللي فيه الخير

ميرسيه جدا يا جماعة على الردود

انا من راى ربنا يوفقك معاة

وربنا يعوضك عن كل الى مريتى بى من مشاكل

وربنا يوفقك

DREAM

ميرسيه جدا على الرد والاهتمام يا حبيبة قلبى