اقتباس:
المشاركة الأصلية كتبت بواسطة thesniper_12007
أمي الحبيبة
آسف لأني ع السفر مجبر
الحال هنا لا يسر عدو ولا حبيب
كل الحنان اتخلق وانا قلبي لسه اخضر
جواكي انتي يا اعز حبيب
أسف لأن الغربه مش سهله
بس الظروف محتاجه نتغرب
وحالتنا يا امي عارفه مستاهله
فبلاش يا امي لحالنا نستغرب
ارجوكي يا امي مانيش عايز
دمع عنيكي يدبحني
دي نظرة عينك الغاليه في عز ألامي تجرحني
ونظرة حسرة في عنيكي
أبوس ايدك يا امي بلاش
لاني بحسها جهنم بتنزل فيا تمسحني
انا اسف
يا حنين العمر ويا طيبته
انا عايزك تقولي دا ابني وخطيبته
ومش عايز يا أمي اكمل الستين وانا عازب
عايزك يوم تشيلي ابني وتربيه
زي ما كنتي معايا زمان
في جوا الجفن بتغطيه
ورموشك سهام تحميه
وكل الحزن جوانا قوام تمحيه
فيا امي
يا قلب القلب يا غاليه
أنا آسف لأني ع السفر مجبر
ياسلام يااكرام
ايه الجمال ده
بجد تسلم ايدك والله
شرح مفصل لاسباب السفر مع اعتذار جميل
يطيب النفوس ويهدى من لوعة الحزن
بجد ماشاء الله عليك
عجبتنى القصيده جداااااااااااا
