بمنتهي التواضع ..انتي أصلا تبقي مين ..
الأعضاء الكرام وعلي الرغم من اني لم أضع لنفسي في اي منتدي اشتركت فيه موضوع لي في قسم الترحيب ..لكن علي الرغم من ذلك أشكر المنتدي الذي جعلني أفتح لنفسي موضوع لأعرفكم عن نفسي ..لا أعرف لماذا نوضع في مأزق حينما نريد ان نتحدث عن انفسنا ؟...ونتذكر فجأة كلمة بدون غرور ..وبمنتهي التواضع ..واعوذ بالله من كلمة أنا ..رغم إن مفيش يوم مقلتش فيه كلمة أصل انا ..أو حتي انا اسمي كذا ..مش عارفة ازاي الواحد يتكلم عن نفسه الصراحة ..لو حد عنده امكانية يعرفني ازاي الواحد يعرف نفسه ..لكن حتي الآن كل اللي أقدر أقوله ..ان احنا كلنا في أسعد أيام حياتنا واصعب أيام حياتنا ..لأن احنا في آخر رمضان ..شئ صعب جداً لما تكون احلي أيام القرب من الله بالتروايح والتهجد والقرآن هي ذات الايام اللي بتقولك خلاص رمضان بينتهي ..بصراحة الواحد خايف من يوم 30 رمضان ..لانه لما هييجي هنعرف ساعاتها احنا بعد رمضان هنظل علي نفس درجة القرب من ربنا والا هنبعد ..ده اختبار حقيقي ..يمكن في رمضان بتلاقي حالة ايمانية تشجعك ..بتروح مع جارك ..صاحب..بس بعد رمضان الجهاد للوصول لدرجة القرب الدائمة دي بتبقي بينك إنت وربنا ..بس ..
ربنا يثبتا بعد رمضان ..إن شاء الله ..وصلي الله علي سيدنا محمد وعلي آله وصحبه وسلم ..
