نادرا لما تلاقي في حد بيحب حد اووووي ... نادرا لما تلاقي انسان كويس ومحترم وبيحب بجد
نادرا لما تلاقي صدق وامانه وصراحه بين اتنين ... من السهل ان تجد انسان يحبك ... ولكن الصعب ان تلاقي هذا الحب يكون حب حقيقي ...
دلوقتي في اليومين دول الشاب يكون بيتكلم بنت وكده يعني ويفضلوا يحبوا في بعض ويخرجوا مع بعض والبنت طبعا
لما بتخرج بتكدب على والدتها ووالدها كل ده علشان تشوف الشاب ويخرجوا وهمسه ولمسه .... الخ
وبحبك وبحبك وبموت فيكي وانا بموت فيك الخ والبنت طبعا فاكره انه ميعرفش غيرها خالص وهي مجرد ما تمشي يقابل غيرها اصل هو واخددها دوريه ... وهكذا البنت ممكن تعرف شاب وشابين و3 و4 و5 وممكن بالعشره ونفس الكلام بتقوله لكل واحد اصل هي واخدها دوريه هي كمان ... طب هما بيكسبوا ايه معرفش حاجه تحرق الدم وممكن البنت تكون ماشيه مع الشاب بلبس طبعا صعب جدااااا وهو ماشي عادي جردل معاها وكل اللي ماشي يعكسها وهو عادي عامل عبده العبيط
والمشكله بقى في حاجه وهي مقوله انا مش بعترف بيها نهايئا خالص وهي ( الحب اعمى )
ولو هو اعمى يبقى انتي عمياء والنهايه هتكوني انتي الضحيه
هتكوني ضحيه الوهم ياريت تكوني حتى ضحيه الحب للاسف
حاليا ومعظم الفتيات اللي بعيده عن ربنا عقولهم ميته عقولهم مش موجوده خالص
وطبعا حاجه مؤسفه للغايه انها تكون مسلمه ويكون عقلها ميت واعمى للاسف
حكايه بنسمعها كل يوم وحكايات غريبه والاهل لما بيسموعها بيخافوا جداااا على ابنائهم
وبيحاولو يقربوا من اولادهم ... ليه اللي بيحبوا ميكونش حبهم قدام الناس كلها وقدام الاهل علشان يكون حب صح حب حقيقي حب صادق حب من غير كدب حب من غير خوف لان لو هيكون حب في السر بيكون حب فاشل ولازم ينتهي فورا لانه ساعتها مش هيكون حب هيكون ده وهم الحب ...
على فكره انا مش اقصد طبعا في الموضوع ده كل البنات كده ولا كل الشباب كده بس انا بشوف كتير جدا بالنماذج ديه
وده فعلا اللي بيحصل ... وانا مش بقول ان الحب حرام بس المفروض لو حد بيحب بجد يكون الحب في الاعلان والاظهار قدام الناس كلها ...
