عالم رايحة وعالم جاية وعالم تايهة فى وسط السوق
ترقص والله ضايعة وضالة ناس حريفة اكل حقوق
اللى يحبك علشان علة واللى كانه ماسكلك زلة
واللى بيغدر وياساتراستر لو كان رزقك على مخلوق
ولا الصاحب اللى ملوش لزمة اللى يسيبك وقت الازمة
مهما اتهرب بكره يجرب ما هو من نفس الكاس هيدوق
بيع وجرح وغدر يادنيا دا اللى فى الاسواق
ناس بتخونك وتزيد جرحك وبتفتحلك جرح قديم
وتخون عيشك وتخون ملحك وانت معاهم كنت كريم
كنت فاكرهم والله ملايكة لكن دول طلعم على الرايجة
يخطفواحبك وتلاقى قلبك مبقاش فيه ولا جزء سليم
تدى حنان يترد قساوة تعمل خير يترد عداوة
ناس مشهما زى الغمة منهم يارحمن يارحيم
بيع وجرح وظلم يادنيا دا اللى فى الاسواق
ناس مخنوقة وناس مضايقة وناس مش طايقة لبعض كلام
ناس مرتاحة وفايقة ورايحة ناس تتحايل على الايام
ناس جواها الشر بيرعى خلوا الحب مجرد سلعة
عايزحب وشوق ومودة ممكن بس هتدفع كام
حتى الحب خلاص راح زمنه
بقى ليه سعر وكله بتمنه
تدفع اكتر تتحب اكتر والمسالة مش عايزة علام
بيع وجرح وظلم يادنيا دا اللى فى الاسواق
خلق بتسرق عمرك سرقة وعلى القسوة ميتوصوش
خيرا تعمل شرا تلقى ناس بصراحة ميستهلوش
ياخدوا حنانك ويزيدوا همك
عايزين بس يمصوا فى دمك
تفضل تدى وتدى وتدى يفضلوا ياخدوا ومبيدوش
يدخلوا بيتك يكشفوا سترك
يطلعوا بره يجيبوا فى سيرتك
طهرك طهرك وشك وشك دول على السر ما يتامنوش
بيع وجرح وظلم يادنيا دا اللى فى الاسواق
احنا يادنيا تعبنا يادنيا واتعذبنا شهور وسنين
ياما عاشرنا وعشنا وشوفنا بنى ادمين مش بنى ادمين
شوفنا اللى بيتباهى بجهله واللى ملوش خير حتى فى اهله
واللى بيحرم نفسه يادنيا علشان يسعد ناس تانين
واللى محدشابدا همه واللى بينكر لحمه ودمه
واللى مزعل فى ابوه وامه وعليه غضبوا ليوم الدين
تحياتى
معالى المستشار
