احذر ،،، لا تكن عبدا رمضانيا ؛ و لكن .... كن عبدا ربانيا
الحمد لله رب العالمين و اصلى و اسلم على المبعوث رحمة للعالمين
معنى عبدا رمضانيا ان انت تكون بتعبد رمضان !!! ازاى ؟!
يعنى تكون مش بتلتزم الا فى رمضان و بس
صايم النهار و قايم الليل ، عايش فى ذكر و طاعة و سادد على نفسك جميع ابواب المعاصى و الشهوات
تقرأ قرآن تسبح و تستغفر . . الهمة كانت عالية اوووووى
و فجأة ؛؛؛؛
رمضان خلص
هعمل ايه ؟؟؟؟؟؟؟
خلاص بقى رمضان خلص نسينا الطاعة اللى كنا فيها
و الله لو اعدت مع نفسك شوية و افتكرت ايام رمضان و التراويح و التهجد
هتحس بفرق كبيييييييييير اووووووووى
هتحس انك كنت فى جنة
هو فى احسن من كدا ايه . . . ان انت تكون عايش بطاعة ربنا
عايش لربنا و بس
مش عاوزين ايام الماضى ترجع
ايام ما كنا قبل رمضان عايشين براحتنا اوى و سايبين نفسنا كدة
و لو قدرت اصلى اصلى و لو مش قدرت خلاص
يا جماعة ،،، متخلوش الشيطان يغويكم و يبعدكم عن ربنا بعد رمضان
لو كان رمضان خلص فإن الله حى قيوم لا يغفل عما يعمل العباد
خليييك شايف ربنا بقلبك ،،، عيش بحب ربنا و بطاعته و هتلاقى الحياة بقى ليها طعم غير
صدقونى . . لو عاوز تعيش مرتاح من هموم الدنيا شيل هم الاخرة
سلمها لله
اصحى م النوم كدة . . اول ما تصحى احمد ربنا انو احياك بعد ما اماتك الموتة الصغرى
و اسأل نفسك سؤال بس :
يا ترى ربنا راضى عنى ؟؟؟
و اقوم بقى اعمل كل ما يرضى الله
من صلاة و طاعة و ذكر و قراءة قرآن
انزل شغلك . . ذاكر دروسك
و متنساش !!!!!
اتقن عملك
خلى بالك من دى
" ان الله يحب اذا عمل احدكم عملا ان يتقنه "
حد يطول يكون ربنا بيحبو
عيش زى ما كنت فى رمضان
طيب
ازاى نحيا حياة جميلة بعد رمضان
عشان زى ما كلنا عارفين احلى ايام ايام رمضان
اول حاجة
تصلى كل الفروض بالنوافل
ركعتين قبل الفجر
اربع ركعات قبل الظهر و ركعتين بعده
و ركعتين بعد المغرب و ركعتين بعد العشاء
لو عملت كدة
ابشر يا عم ابشرى يا ستى
اتبنالك بيت فى الجنة
تانى حاجة
لو كنت فى رمضان بتقرا بالجزء و الاتنين و التلاتة
خليها زى ما تقدر
بس زى ما بقولك كل يووووووووم
مش تقطعها
زى ما كل يوم بتفطر و تتغدى و تتعشا
مش تنسى قراءة القرآن كلام ربنا
تالت حاجة
لو كنت فى رمضان بتتهجد بالساعة و الاتنين و التلاتة
خليها كل يوم و لو ركعتين فى الثلث الاخير من الليل
و عيش بقى مع نفسك
مفيش اجمل من الخلوة مع الله فى نصف الليل الاخر
اطلب من ربنا اللى انت عايزه و هديهولك
الساعة دى مستجاب فيها الدعوة
توسل الى الله و ارجو رحمته
رابع حاجة
زى ما كنت بتصلى كل يوووووم الشفع و الوتر
صليهم بردو بعد صلا العشا
مهتخسرش من وقتك كتير
لعل ربنا يباركلك فى وقتك
اما تفرغ كام دقيقة كدة لله
خامس حاجة
متنساش صيام النوافل
الاتنين و الخميس ،، الست البيض ،، 3 ايام من كل شهر عربى
حاول تكون بعد رمضان اتغيرت للافضل عشان تحس بمعنى الطاعة فى جميع الاحوال
و الا تكون مش عايش !!
يارب اكون قدرت افيدكم
استودعكم الله
و السلام عليكم و رحمة الله و بركاته
