أيه الفرق بين القطة المصرية والقطة السعودية ؟؟؟؟
http://www.alamuae.com/gallery/data/media/123/0148.gif
الأول السلام عليكم ورحمة الله وبركاته
رد السلام ياض إنت وهى ,,,,
إمممم أقؤلكوا على حاجه وبصراحة
أنا بزهق جدا من المواضيع الروتينية والكلام بتاع المنتديات والمشاهير اللى حفظته دا خلينا نكتب إحنا
ونقول على اللى جوانا هو يعنى اللى قبلنا اللى كتبوا دول أحسن مننا فى حاجة
..
فكك وخليك معايا سيبك من وجع الدماغ اللى فوق دا وتعالا أصل بصراحة عايز أفضفض كدا
المهم يا سيدى وإن كان ليك حاجة عند الغزال قوله يا سيدى إوعى تفهمنى غلط
إمبارح باليل كنت قاعد على الكرسى بتاعى قدام السكن وقولت أتأمل شويه وأفكر فى الجو الهاددى دا
http://img225.imageshack.us/img225/7...d2353e4mr2.jpg
متضحكش لو سمحت على الكرسى بتاعى
وبعدين يا سيدى فجأة فجأة كدا أيه بقى لقيت قطة تخينة ومقلبظه كدا ومعديه على السور بتاع السكن
إمممممم على فكرة أنا فى السعودية مش فى مصر
إنتوا مش شايفين القطة مقلبظه إزاى
http://www.spana-syria.org/Atlas/Cat...2/image010.jpg
بصراحة لما شوفت القطة ضحكت جدا أصلى إفتكرت القطط المصرية ههههه
http://dc07.arabsh.com/i/01869/p5hko2t1tk37.gif
يعينى مش لاقية تاكل
قولت زمان القطط المصرية بتحقد على القطط السعودية وبصراحة معاهم حق القطة تلاقيها هنا تخينة من كتر الأكل
ههههه ولو جعانه لو يعنى
تنزل على أفقر سلة زباله تاكل هى وعيلتها كلها لما تقول بس
مش زى القطط بتاعتنا تفضل تنونو قدام باب الشقه ساعه علشان واحد طيب يحطلها رأس سمكة ههههه
المهم مش دى القضية بتاعتنا سبيكوا بقى من التهريج اللى فوق دا وخليكوا معايا
بصراحة أنا لما شوفت القطة إستغربت جدا على حالنا كبشر وببنى آدمين عاقلين ربنا كرمنا على سائر المخلوقات
القطة بتخرج الصبح أو الضهر وقت ما تجوع وتاكل والحمد لله بتشكر ربنا ومبتفكرش فى بكرة وبتعيش الحياة
رغم إنها بتتعامل أسوء معاملة علشان تاخد الأكل وبتطرد وبترجع تانى بردو وبتلف على البيت دا ودا
ورغم كدا لو شوفتها وهى بتلعب مع بنتها بتحس إنها أسعد مخلوقات الله
أما إحنا يعينى علينا تبقى التلاجه مليانة أكل يكفى أسبوع وبردو بنفكر
يبقى الشاب عند ربنا موجود وحاطط إيده على خده ويقول هتجوز إزاى
تبقى البنت عارفة إن ربنا هو الكريم وتلاقيها حزينة يعينى مفيش عريس
بالله عليكوا
عمرك شفت قطة بتعيط وبتقول أنا مش لاقية آكل ؟؟؟
عمرك شوفت قطة خايفة أصل ممكن متتجوزش ههههه إلا صحيح هم القطط بيتجوزو زينا ؟؟؟
خلاصة القول يا جمـــاعة ....
بصراحة انا شايف إن الدنيا كلها بتفكر فى بكرة وبينسوا يعيشوا النهاردا
مفيش حد يقلق من بكرة دا ربنـــــــــــــــا موجود
الشاب اللى عايز يتجوز إعمل اللى تقدر عليه ومتفكرش وربنا هيوفقك
البنت اللى عايزة عريس محترم إتقى الله وربنا هيوفقك دا حبيبك الرحمن موجود إوعى تحزنى
الأب اللى شايل الهم ليه كدا بس يا والدى ؟ سيبها لله ومتفكرش
عيشوا الحياة بسعادة ومتفكرووووووووش فى بكرة
وإعلموا جيدا
يجب أن نعيش كما نفكر ... والا اضطررنا عاجلا أو آجلا أن نفكر كما نعيش.
