الســـلام عليكـــم ورحمـــه الله وبركاتـــه
اهلا بالجميع واتمنى تقبلونى صديق خفيف لكم .. ولى ملاحظه بسيطه على شئ بيخلى مفيش زوار بإستمرار لاى منتدى بيطلب التسجيل .
الاول كان لما يبقى فى روابط او لينكات فى موضوع ما كنا نلاقى الرابط مخفى وبيجبرك المنتدى على التسجيل لرؤيه الرابط .. بدون تفاهم الى بيبقى داخل يدور على حاجه فى السريع فى لحظه هيقفل صفحه المنتدى ويدور على غيره وجوجل يما بيجيب وده الى بيحصل حاليا وهيفضل يحصل .. اما كمان عشان ادخل موضوع بس اقراه لازم اسجل .. ده فعلا الى هيبقى وحش جدا فى حق المنتدى وبصرحه كده انتوا بتقولوا للزائر قبل ما يدخل بالبلدى كده " سجل احسنلك لو عايز تشوف حاجتنا " طبعا هيرفض الإسلوب ده ويتجه لمنتدى آخر ودول على قفا مين يشيل آسف بعض الفاظى وجملى بالعاميه شويه لكن دى افضل طريقه للتعبير .. لكن ادينى عملت الى عليا وقلت نقطه سلبيه شوفتها بالمنتدى فقط اول ما دخلت على رابطه ومش عارف هكتشف ايه تانى وانا بكمل تصفح فيه .
آسف لو كلامى مضايق حد ولكن اتمنى تغيير الوضع الحالى .
