http://membres.lycos.fr/alsh/roba3ia...s/image001.jpg
من اجمل ماكتب صلاح جاهين
الفيلسوف قاعد يفكر سيبـــــوه....
لا تعملوه سلطــان ولا تصلبوه....
ماتعرفوش ان الفلاسفة يا هــوه...
اللى يقولوه بيرجعوا يكذبـــوه............................وعجبــــــــى!!!!
*****************
غمض عنيك وامشى بخفة ودلع.....
الدنيا هيا الشابة وانت الجدع....
تشوف رشاقة خطوتك تعبدك....
لكن انت لو بصيت لرجليك تقــــع..........................وعجبـــــــــى!!!!
******************
انسان يا انسان ما أجهلك.....
ما أتفهك فى الكون وما أضألك.....
شمس وقمر وسدوم وملايين نجووم.....
وفاكرها يا موهوم مخلوقة لك..............................وعجبــــــى!!!!
******************
نظرت فوق للنجوم وانا ساير....
رجليا عترت فى الحفر والحجاير....
بقيت اقول وانا ع التراب :ياسلام....
مش بس عبرة اخذت لكن عباير..........................وعجبـــــــى!!!!
*******************
اقلع غماك ياتور وارفض تلف....
اكسر تروس الساقية واشتم وتف....
قال:بس خطوة كمان ..وخطوة كمان....
يا أوصل نهاية السكة يا البير تجــف.......................وعجبــــى!!!!
*********************
الدنيا اوضه كبيرة للأنتظار....
فيها ابن ءادم زيه زى الحمار....
الهم واحد..والملل مشترك....
ومفيش حمار بيحاول الانتحار .................................وعجبـــــى!!!!
********************
ياولدى نصحتك لما صوتى اتنبح....
لا عمرك تخاف من جنى ولا من شبح....
وان هب فيك عفريت قتيل .اسأله....
مدافعش ليه عن نفسه يوم ما اندبح...........................وعجبى!!!!
**********************
علم اللوع اضخم كتـــــــــاب في الأرض
بس اللي يغلط فيه يجيـــــــــبــه الأرض
أما الصراحة فأمرها ســـــــــــــــــاهل
لكن لا تجلب المال و لا تصون العرض
وعجبي !!!!
*****************
أنا شاب لكن عمري ألف عام
وحيد لكن بين ضلوعي زحام
خايف و لكن خوفي مني أنا
أخرس و لكن قلبي مليان كلام
وعجبي !!!!
*****************
