ذهبت اليه هناك
على شاطئ البحيرة
فوجدته مازال جالسا معصوب العينين
ولكنه عندما سمع خطواتى وتحياتى
رد التحية باحسن منها ورحب بوجودى وفك عصابة عينه
ثم اخرج من جيبه عدسة محدبة
فظننت انه سيعد لنا كوبا من الشاى الاخضر بالنعاع كما عودنا
ولكنى فوجئت به يحفر حفرة بيديه ويستخرخ منها قصاصات من عناوين الصحف
كتبت من عشرات السنين
تحمل تلك العناوين وعودا واحلام بايام قادمة كلها خيرات ناتجة عن الانفتاح والاستثمار
ثم اشعل النار فى تلك القصاصات بواسطة العدسة بتجميع اشعة الشمس عليها
ثم
اعد لنا كوبا من الشاى
ثم كانت كلماته بعنوان
جحا وبيسألونى كمان
*********
مدينتى ومش مدينتهم وبيسألونى كمان
قلت لا ساكن فيها ولا لى فيها عنوان
بس خلوايا ناس للعدالة فيها وليها مكان
البشوات والبهوات القاب اتلغت زمان
ليه رجعتوها بلا وعى وبلا حسبان
وبتسألوني مدينتى ومش مدينتهم كمان
*********
وبيسألونى عن طعم التخصيص والشفافيه
قلت احلى منها يا ناس الارانب بالملوخية
دا الارانب بتخاف وكمان ما بتاخد اكرامية
والملوخية الداكنة اخف واشف من الشفافية
الشفافية اللى فيها حوافز وبالرشاوى محمية
والشريف هيكافح وما عاد كافيه الماهيه
وبيسألونى عن طعم التخصيص والشفافية
*********
وبيسألونى اد ايه وكام يكون المليار؟
قبل ما جاوب هرب منى وجرى الحمار
جرينا وراه لان حافره سايب عالارض آثار
لقيناه وعلى ضهره شوالين سمسم كبار
كأنه يقصد نعد معاه حبات السمسم الكتار
ومليار واحد ساكن امامه 9 اصفار
وبيقولوا ان راح علينا يطلع 300 مليار
وغير الغلا مالى استفادة من الاستثمار
لسه هتسألونى اد ايه وكام يكون المليار؟
*********
وبيسألونى ليه فى عيونى فرحة ودمعة
قلت عايز فخرانى يرفع قضية كل جمعة
ويكون مع القانون منار والف شمعة
وكفاية تصريحات ماركة ابو لمعة
ولسه هتسألونى ليه فى عيونى فرحة ودمعة
********
كلمات م/عماد الدين محمد
دمتم جميعا فى حفظ الله
