http://www.9or.cc/data/media/105/www...%20%281%29.jpg
إنت راجل مش تمـــام
لما بنتك تبقى ماشيه بالهدوم من غير كمام
والرُكَب مكشوفه خالص واهى ماشيه والسلام
تبقى إنت بجد راجل؟؟
طب لو الموت جاى عاجل ولاّ آجل
قولّى يلا هتعمل ايه؟!
لما تتسأل خالفت الشرع ليه
هل هتخرس ولا تنطق ولا تهرب م الكلام؟
فاكر أما قولت موضه ومش حرام؟
اوعى تكذب أى كذب هناك محال
دا اللسان شاهد هينطق:أيوه قال
فين كتابنا وفين نبينا؟
فين كلام المولى لينا؟
فين ياناس الإلتزام؟!
لما تبقى ف عز نومك مش فى بالك
والجميله ف سهرة حلوة وان سألت يقولوا مالَك؟
ترضى بالوضع وكأنك
الرجولة مش لـ سِنك
إنت طفل وبس سامع للمدام
ديا موضه وحاجه حلوه....أيوه حلوه
غنّى للشياكه غنوه... هغنّى غنوه
انسى أهلك وانسى دمك...أيوه ماشى
يجرى إيه لو نطرد امك؟...لا مايجراشى
ياسلام ياسلام مات خلاص الالتزام
دا اللى زيك عيشته بس فى الحياه عِبأ وحرام
ماانت راجل مش تمام
