الي كل عروسه تعالي اساعدك وتساعديني
النيش
اولا احنا عندنا فى مصر العروسه بتجهز المطبخ
انا هبدا بالنيش عشان ده حاجه بتحتاج حاجات كتير اوى
1-اول حاجه فى طقم النيش ومن الضروريات طقم الصينى وده بقى لازم تنقيه بعنايه فائقه قوله ليه لانه طقم العمر يعنى مابيطلعش الا للغالين
وغير كده لازم يكون فخم وشكله حلو وكل ماكان رسمته ارق كان اشيك وعلى فكره مش لازم يكون غالى يعنى فى انواع حلوه اوى ومش غاليه زى عندنا هنا فى مصر الصينىالاستثمارى الالمانى وفى من كذا سعر ويناسب كل الازواق واسعاره متدرجه بس الاهم ان خامته نظيفه بس بامانه الصينى البولندى يجنن بس ايه غالى اوى
2-طقم الاركوبال وده تانى حاجه فى الاهميه وانا هقول لكم احسن نوعين وهما اولا الفرنساوى وده انضف نوع لانه بيعيش بس مشكلته ان رسماته محدوده وراح عليه الزمن لكن التايلندى احلى فى الشكل وعدد قطعه اكتر كتير وتقدرى تستفيدى منها وتقرينا سعرهم فى السوق واحد بس انا انصحكم بالتايلندى
3-طقم الجاتوه وده اختيارى يعنى فى ناس بتجيبه وناس لا كل واحد ومقدرته وده عشان تحافظى على الصينى بتاعك وعلى سبيل التغير ومش كل ماهيجيلك ضيف تجرى على النيش وتجيبى طقم الجاتوه بتاع الصينى يعنى ممكن للنيش او للمطبخ حسب فخامته
4-طقم البيركس هو للمطبخ بس انا هقوله دلوقتى قبل مانسى واحسن نوع الفرنساوى الفميه منه شكله يجنن
5-الكاسات هاتى 5 للنيش وواحد شيك للمطبخ وتكون اسعارهم متهاوده بس احرصى ان يكون فيه واحد غالى وشيك اوى
6-قطقم العصير تجيبى 2عدد بشفشقهم واحد كبياته بكاسات وواحد كبياته طويله زى العصير وتجيبى واحد للمطبخ مش غالى وفى نوع جديد فى المطبخ زجاج سعودى ضد الكسر تحفه
7-كبيات عصير شكلها حلى اوى هاتى 3 كويس اوى ويكونوا اشكال مختلفه
8-طقم الخشاف فى نوع رخيص وحلو اوى وهو الايطالى شيك جدا وماركته كويسه وفى الانواع الصينى الجديده شكلها حلى بس الايطالى احسن ودى ازواق
9-طقم الجيلى واهم حاجه فى الجهاز طقم الجيلى وده كلام احمد حلمى مش كلامى نصيحه بقى هاتيه بقاعده من تحت عشان يمشى جيلى وايس كريم خليكوا ناصحين
10-بونبونبره شيك اوى
11-تحف صغيره كده بتعطى شكل جميل اوى وماتنسوش حاجه مهمه مفارش النيش فى ناس بتاخد الى مع مفرش السفره وانا راى اشتريهم لواحدهم هما مش غالين
12-بصه ياجماعه فى فرق بين النيش والديفرسوار لو عندك لآ أن دى بنتختلف حطى فيه طقم صوانى تقديم استانلس شيك اوى وشنطة المعالق واطباق الصينى والاركوبال وخلى النيش للزجاج والتحف بس حسب حجمه يعنى تظبطى النيش والباقى عليه
انا اتمنى بجد اكون قدرت اجيب حاجه بسيطه والمره الجايه انا هجيب المطبخ من اول الحلل لحد فوارة اللبن وانا على قد ماقدر يارب ماكون نسيت حاجه وياريت نكمل بعض والى عند حاجه يكملهالى
والى فى بلدان تانيه قولوا برده بتجيبوا ايه عشان نستفيد كلنا
وربنا يهنيكم ويسعدكم
وتممهالى على خير يارب ودعواتكم
سلام
منقوووووووووووووووووووووو وووووووووووووووول
طرق لترتيب النيش
اول حاجة تجيبي مفارش النيش الستان وحاولي تظبطي العدد علي اد عددالرفوف بتاعتك يعني لو الرف عريض اللي هو بتاع النيش الضلفتين بياخد 3 مفارش وعلي حسب كمان حجم المفرش
خلي دايما عندك قاعدة تحطي السادة مع المدهب او الملون وتحطي حاجة قصيرة مع حاجة طويلة
اول رف دا دايما بيكون لطقم الشربات
تاني رف بيكون لطقم الجاتوه
تالت رف بيكون بيكون لطقم الشاي بتاع الطقم الصيني
الرف الاخير اللي بيكون خشب دا بيكون علشان الحاجات التقيلة يعني لو هاتحطي حاجة من طقم الصيني
لو عندك بوفية مع النيش يبقي تحطي فيه بقية طقم الصيني
وطلعي منة اطباق الرز المسطحة والسطانية الكبيرة وحطيهم في اخر رف في النيش علي الجنب وما بينهم
لو جايبة طقم خشاف ممكن تحطية
بيبقي في درجين في النيش الاول علشان الشوك والمعالق
البوفية ممكن تقسيمة بين الصيني والاركوبال وصواني التقديم اللي عندك
الموضة دلوقتي انك لما تيجي ترصي الكاسات متكونش كلها واقفي يعني ممكن تعملي وردة بخمس كاسات وتخلس السادس قلب الوردة دي
لما تحطي طقم الشاي حاولي يكون معاه شوبات مش كاسات فاهمة قصدي
متحطيش ابدا اطقم قهوه مع شاي
دايما القهوة خليها مع كاسات او شوبات
اوعي تنسي بقي
التحف الصغيرة اللي بتتنتور في النيش وحاولي تكون صغيرة علشان متغطيش علي حاجاتك
والتحف دي بتكون بتاعة السبوع او تشتريها من درب البرابرة في الازهر
او لو مفيش متحيريش نفسك
ممكن تجيبي الشمع الاشكال اللي طالع جديد دا بيبقي شكلة اشيك بكتير
مكونات النيش
6 اطقم كاسات 4 للنيش و2 للمطبخ
للنيش 1طقم الشاي +الجاتوة
2طقم خشاف شيك للنيش
للنيش 2طقم القهوة
للنيش 1طقم الشربات اللى هو بشفشق و6 كوبايات طوال
للنيش 2كاسات الفروت سلاط
1طقم الكاكاوللنيش
للنيش وللمطبخ طقم الصيني
للنيش صوانى تقديم
للنيش 2طقم ايس كريم
وتحف النيش زى
الشموع اللي بتكون علي اشكال زي ورود وحاجات كدة_-تحف الصيني اللي هي بتاعة السبوع_
كريستالات النيش_
ورد مجفف
2 للمطبخ طقم كوبايات مية 12 كوباية و1للنيش
2 طقم كوبايات شاى 12 كوباية للمطبخ و1 للنيش
شنطة المعالق
يتبـــــــــع
» العاب زهرة سامح المفضلة
» وصفات الطبخ في مفضلة زهرة سامح
من مواضيعي ...
تجاعيد الوجه متى تبدأ بالظهور في العناية بالبشرة
اعمال رائعة من عجينة الورق ما يفو تكووووووووش في قسم المواضيع المكررة
نصائح للعناية بجمالك في قسم المواضيع المكررة
مكسوفة من نفسك ايه اللى لبسك كدة اتقى الله في صور
عااااجل اللى تعرف تساعدنى فى تفاصيل بناء شقتى في عقارات ومصايف
صورة توقيع زهرة سامح في منتديات فتكاتhttp://files.fatakat.com/2009/12/1261136749.jpg
التعديل الأخير تم بواسطة : ايــمــي بتاريخ 8-8-2010 الساعة 04:02 م. السبب: حذف روابط الصور
رد مع اقتباس
زهرة سامح
مشاهدة ملفها الشخصي
البحث عن جميع مشاركات زهرة سامح
#3
قديم 23-3-2010
الصورة الرمزية زهرة سامح
زهرة سامح وسام ألكسا لاستخدامها شريط ادوات ألكسا أثناء وجودها بالمنتدى
فتكات رائعة
ربة منزل - مصرية
زهرة سامح غير متواجدة حالياً
تاريخ التسجيل: 10/2009
المشاركات: 1,567
المواضيع: 98
رد: للعروسة طرق ترتيب النيش والمطبخ
شموع وقلوب حمرا بردوا بتتعلق في المفاتيح بتاعه النيش يعنى كل مفتاح بيربطوا فيه قلب احمر صغير
كاسات للايس كريم وطقم اطباق للبيتزا وطقم جاتوه بس كلاسيك شوية زي روميو وجولييت .
وبصراحة غير الحاجات المتعارف عليها اي حاجة شكلها بيعجبنى وبلاقيها جديدة ممكن اخدها مش هتخسر المهم تكوم مميزة لانى مش بحب ان الناس اللي بتكرر نفس الحاجات يعنى مش معقول كل العرايس يبقى عندهم نفس الاطقم هى هي
يلا يا بنات اللي عندها افكار جديدة لفرش النيش تقولنا وياريت لو واحدة مصورة طريقة ترتيب الكاسات والجلاسات جوا النيش توريهالنا
ياقمر
الارفف اللى على جنب هتحطى فيها اطقم الكاسات والخوشاف واطقم الشربات
يعنى كل طقم في رف
ولما تيجى ترصي الكاسات ترطى من الكبير للصغير يعنى درجي وعلى حسب ما هتحبي
انك تقلبي الكاسات او تخليها معدوله ولو عدلتيهم يبقا كلهم يتحطو معدولين
وزوقيهم باللعب الطينى بقا
اما بقا في الدرف اللى في النص الكبيره دى هترصي فيها الاطقم الصينى وخلى بالك ان بيبقا في رف زجاج تخلى بالك جدا ما تتقليش عليه يا اما تحمليه على مواسير بتبقا مخصصه لكدا عشان لا قدر الله مافيش حاجه تقع
وترصى الاطقم ازاى بصي يا ستى في عند محلات ابو 2.5 او اللى بيبيعو الحجات البلستك
حمالات للاطباق دى بقا جميله جدا وبتخلى شكل الطبق يبان بترصي فيها الاطباق
هاتجيبي كذا واحد وهترطى بقا حسب العدد اللى عندك يعنى مثلا سته على الشمال وسته على اليمين والسلطانه وطبق الفطير في النص كدا يعنى
وبردك تذينى بالعب الصينى وبالشمدنات والحجات دى بتبقا جميله وبتدى شياكه للنيش انا شيله في جهازى حجات كتير اوى منهم
الموضة دلوقتي انك لما تيجي ترصي الكاسات متكونش كلها واقفي يعني ممكن تعملي وردة بخمس كاسات وتخلس السادس قلب الوردة دي
لما تحطي طقم الشاي حاولي يكون معاه شوبات يعنى كوبايات المية مش كاسات فاهمة قصدي
متحطيش ابدا اطقم قهوه مع شاي دايما القهوة خليها مع كاسات او شوبات
وطبعا متنسيش الكريستالات والتحف لتزيين النيش
دى صور عندى يارب تفيدك
البوهيمى ده نوع زجاج كريستال بس نظيف جدا الاصلى تشيكى والتقليد منه احذرى اماراتى وماركة لو منيارك فرنسيه وطبعا الماركه rcr ايطالى كرستال رائعه حلوة اوى هاتى منها
اطقم الشربات طقمين واحد نيش وواحد للمطبخ وهتجيبى طقم ذهبى واخر فضى وهناك الساده والملون الوان خفيفه ومتناسقه .
العرايس القمرات اللي بيسالو ايه يتحط في النيش وايه يتحط في المطبخ
1- اولا تحدديالنيش بتاعك حجمة اد ايه وعلي الاساس دا تبداي تجيبي حاجاتك دا لو لسه هاتبداي تجهزي لو انتي مجهزة من زمان خلاص بقي حاولي تختاري اشيك حاجة عندك للنيش
2- كاسات( كاسات النيش وكاسات المطبخ هاتيهم في نفس المستوي)
ليييييييييييييييييييييييي ييييه؟لانك بعد شويه هاتزهقي وتبقي عايزة اي حاجة جديدة في النيش فتقدري تبدلي بي كاسات النيش وكاسات المطبخ
3- متحطيش في النيش اي طقم 12يعني لو عندك طقم 12كاس حطي منهم ستة والباقي في المطبخ او حطيه كلة في المطبخ علشان تدي مساحة انك تحطي شكل تاني او حاجة تانية
4- طقم الشاي +الجاتوةدابيتباع طقم كامل علي بعضةومش ضروري لانك هتلاقي نفس مقاسات الاطباق دي في طقم الصيني بس في ناس بتجيبةكاطقم اضافي وفي منه اشكال حلوة جدا والطقم الشيك بيبتدي من 250او300
5- طقم خشاف و دا ينفع للفروت سلاط حاولي تختاري اللي هو علي كريستال او يكون نوع زجاج نضيف وبلاش يكون ملون.
6- طقم القهوة لاحظي انه هايكون عندك فنجاين في طقم الصيني وطقم الاركوبال انا من راي ان كفايه اوي تجيبي واحد عليهم او تكتفي بيهم دا علي حسب راحتك.
7- طقم الشربات
8- كاسات الفروت سلاط الكاسات دي اللي هي الواسعة اوي من فوق
9- طقم الكاكاو دا زينة يعتبر ديكور في النيش
10- طقم الصيني انا من راي انه المفروض تبيني اقل حاجات من طقم الصيني وانا شايفة انه كفايه اوي تحطي طقم الشاي والجاتوةفي رف وفنجاين القهوة في رف والباقي في البوفيه كدة الناس شافتة وعرفت ان دا طقم الصيني بتاعك واستغلي باقي النيش في حاجات تانيةوالاركوبال برضة نفس الكلام
11- تحف النيش تحف النيش دي اللي بتتوزع بين الحاجة اللي علي النيش ودي انوع
1- ورد مجفف 2- كريستالات النيش 3- تحف الصيني اللي هي بتاعة السبوع
4 - الشموع اللي بتكون علي اشكال زي ورود وحاجات كدة ودي هتلاقيمنها كتير اوي في3.5.
صور لكاسات العروسين وكاسات النيش
ترتيب المطبخ
أولا وقبل أي حاجة تشتري مفارش بلاستيك علشان تفرشيها علي الأرفف والأدراج ودي اسمها مفارش بلاستيك دانتيل وبتبقي بالمتر أو لفة علي بعضها
لما تيجي تشتري المفارش دي هتلاقي منها شكل مقسم مربعات صغيرة بلاش منه لأنه عند الغسيل بيتقطع بسرعه جدا هاتي اللي هي حتة واحدة وكمان هاتيه بيج أو ابيض لان الذهبي ألوانه مع مرور الوقت بيروح
نبتدي بقي
1-تقصي المفارش دي علي قد مقاس الرف والأدراج بالضبط وتفرشيها كلها مرة واحده علشان متتلخبطيش وتنسي حاجة
2-تجيبي اكياس بلاستيك من بتاع البدل اللي بيجي فيه البدل من المغسله وتقصيه من الجناب دا علشان تحطيه علي المطبخ من فوق وعلي التلاجة كمان وبالشكل دا لما تيجي تنضفي كل اللي هاتعمليه انك تشيلي الكيس دا وتنضفي مكانة وتحطي واحد جديد هايحمي المطبخ والتلاجة من التراب وصدقيني هاينفعك اوي
3-اول حاجة ابتدي بالادراج لانها هاتشيلك حاجات كتيره جدا قسميها كده:-
1-الملاعق والشوك للأستعمال وبيبقي فيه حاجة للدرج بلاستيك او خشب متقسمه علشان الملاعق والشوك
2-ادوات المطبخ اللي هي مثلا قشارة او فتاحة او قطاعة الحجات دي يعني
3-فوط المطبخ
4- لو معندكيش حامل السكاكين اللي بيتحط علي الرخامة يبقي خلي تاني درج للسكاكين
5- رتبي صواني الفرن مع بعض يعني حطي الصواني الصغير جوا الكبير وحطيهم جنب بعض في رف واحد التيفال جنب الالمونيوم كده يعني ودا علشان لما تيجي تختاري صينيه تلاقي كل الانواع والمقاسات قدامك وتقرري هاتعملي في ايه
6- والحلل نفس الموضوع المقاس الاصغر حطيه جوة الاكبر وكده يعني
7- حطي كل الحلل والصواني والحجات التقيله اللي عندك في المطبخ من تحت علشان متكونش تقيله علي علقات المطبخ
8- حطي كل نوع عندك مع بعض يعني حطي علب التلاجة مع بعض حاجات التوابل مع بعض حاجات الخزين مع بعض
9- حطي حاجات الخزين التقيلة تحت يعني لوعندك اكياس مكرونة حطي كل نوع علي بعضة وحطي اكياس السكر بع بعضها العدس الدقيق كدة يعني
10- حطي حاجة التنضيف المسحوق والكلور والصابون السائل مع بعض في ضلفه واحدة ياتحت الحوض او اقرب ضلفة للحوض ولو فوق الضلفه فيه درج ممكن تحطي فيه الليفه والسلك والجوانتي البلاستيك بتاع التظيف
11- لو حاجتك التقيلة ملت رفوف المطبخ اللي تحت ومش لاقيه مكان للخزين ممكن تجيبي التربو اللي هي بتاعة الهلال والنجمة وترص فيه الرز والمكرونة والحجات دي
12- الرفوف اللي فوق
خلي رف للكاسات ورف لكوبيات الشاي ورف لفناجين القهوة
خلي حاجة التوابل في رف لوحدها علشان الريحة ومتحطيش معاها لا شاي ولا سكر
حاجة المشروبات في رف لوحدها
السمن والزيت مع بعض
المعلبات زي الكيكه والجلي مع بعض
حاولي تحطي فوق اخف الحاجات في مطبخ
13- حطي علي الرخامة الحجات اللي بتستعمليها دايمازي طقم التوزيع وحامل السكاكين حامل للمجات
لو هتحطي الخلاط علي الرخامة يكون دايما قريب من الفيشة
حاولي تجيبي أي علبه كبيرة مفتوحة من فوق وحطي فيها المعلاق الخشب والحاجات اللي بتسخدميها في الطبيخ وحطيها في اقرب مكان من البوتجاز
14اي حاجة عندك ممكن تتعلق ماتتردديش وعلقيها فورا لان دا هيوفرلك مساحات في المطبخ ممكن تستغليها في حاجات تانيه.
اتفضلى اتفرجى يا عروسه
- شنطة سكاكين
- شنطة ملاعق غير الملاعق الفردانى لاستخدامات المطبخ
- 2 طقم توزيع واحد للسفرة والاخر بلاستيك معالج للتيفال او خشب
- الحلل افضل التيفال والاستانلس والبيركس جميل جدا فى الاستعمال
- 2 صوانى بيتزا
- 2 صوانى للحلويات
- 2 صوانى للخضار
- منخل استانلس
- ماكينة بيتى فور
- رفايع الومنيوم
( غلاية لبن -3 طاسه ب÷حجام مختلفة - طقم كنك للقهوة - 2 براد شاى واحد صاج والاخر بايركس -كسارولة )
- طقم صوانى تقديم
- طبق فاكهة كريستال
- شيالة كعك
- طقم بهارات
- طقم اطباق اركوبال استعمال المطبخ
- طقم اطباق صينى معتبر وفخم للعزايم و المناسبات
- 3 طقم كاسات للعصير شيك
- 3 طقم اكواب للشربات
- 2 طقم فناجين شاى
- 2 طقم اكواب ماء مدهبين او شكل شيك على زوقك
- ومتنسوش رفايع المطبخ
( فوط مطبخ - مريلة مطبخ - بلاستيكات لغسيل الخضار
- مصفاه للخضار - مصفاه للشاى - مبشرة - 2مأورة - مقلاة بطاطس - فرش دهان الصوانى - ليف مواعين - ولاعة - قطاعة خشب للخضروات ـ شياطة علشان الرز والبيركس ع النار من فوق)
بلاش تجيبو مانعة فوران اللبن لانها بتخلى ريحة اللبن شايطة
-طقم ثلاجه (بيكون مكون من 3 او 5 قطع) صاج للبواقي الخاصة بالاكل غطاءه بلاستيك
3طاسه لقليه البطاطس والفراخ ( غويطة )احجام مختلفة
-اطباق للجلي والرز بللبن
-شفشق للمطبخ بلاستيك واخرلتنظيف للحمام
و2 او3 زجاج للسفرة والعصاير للتلاجة
-اطباق جاتوة لو الطقم الاساسي مفهوش
-برطمانات بلاستيك للدقيق - البهارات الزياده
-علب جبنه (5 كفايه بمقسات مختلفه) ويفضل المستطيل منه
-قطاعه بطاطس شيبسي
-قطاعه بيتزا (او سكينه الجلاش) شبه سكينه المعجون انا عن نفسى طقم الملاعق كان فيه قطاعة للبيتزا
- 2 مصفه بحجمين وجيبي واحده ضيقه عشان المكرونه واالرز
- مسن وده لو مش موجود مع طقم السكاكين
-هون
غطا غسالة
-كيس غساله عشان الشرابات
-عصارة برتقال
- هراسه ثوم
هراسة بطاطس
-صفايه معالق للحوض
-مقص سمك
- ادوات نضافه(جردل مساحه مكنسه خشنه ومقشه ناعمه وفرشه وجروف وفرشه شيش ناعمه وفرشة لغسل السجاد وجردل زبالة وسبت غسيل ومشابك غسيل خشب وبلاستيك لللانجيري عشان ماتعلمش فيها )
-شوايه للحمه فوق البوتاجاز هي 45 حنيه لو بتحبي الشواء
- مخرطة ملوخية
كاسات ايس كريم طبعا
طقم اطباق الشوربة
مطبقية فوق الحوض
ونشابه لفرد العجين
طقم ميلامين للاستخدام فى المطبخ
طقم صينى
طقم اركوبال ابيض
طقم اركوبال مشمشى
طقم بيركس
1 طقم توابل كبير
2 طقم توابل متوسط وصغير
طقم توزيع استانلس
طقم توزيع خشب للتيفال
طقم كاكاو
طقم قهوة او 2
5 اطقم كاسات للنيش وللمطبخ
2 طقم خشاف
1 طقم شربات
1 طقم سكاكين
طقم ملاعق ده بجانب شنطة الملاعق للاستخدام
حاجات اضافية للى عايزة تجيبها وممكن الاستغناء عنها
- حله بخار لعمل الكسكسى
ماكينة بتيفور
- حلل حفظ الطعام لمدة 24 ساعة سخن او بارد
جوانتى بلاستيك ( لزوم الدلع فى غسل الأطباق
ساعة المطبخ
ميزان للمطبخ
مغرفة ايس كريم
[color="Blue"]
لأدوات المطبخ المهمة
اولا ادوات الطهي
المقلى: احجام من الستينلس ستيل
القدور
إبريق الشاي
الملاعق والمضارب وأدوات التقطيع
معدنية للغرف
خشبية للطهي
سكين فرد الكريم
ملعقة مخرمة لغرف الخضار
ملعقة الكيك
المضارب من حديد لضرب البيض و..
الأسياخ
أعواد رفيعة حادة من الحديد أو الخشب لشوي الكباب والكفتة وغيرها.
ويستخدم الخشبي منها أيضا في معرفة مدى نضج الكعك والمخبوزات.
السكاكين واستخدماتها
سكين التزيين
نصل قصير بحدبة على هيئة حرف U، ويستخدم في تقطيع قشور الموالح وتقشير الخضروات بطريقة جذابة للتزيين.
سكاكين وشوك وملاعق الشاي الصغيرة
مقصات المطبخ
المبشرة
قطاعة لعمل شرائح الخضار والبطاطس الشيبس.
المقوار او المحفرة لتفريغ محتويات ثمار الخضار (التقوير) بغرض حشوه
قطاعة البيض
قشارة للبطاطس
مكعبات التشكيل وهي شفرات ذات أشكال هندسية لتقطيع الخضروات والفواكه وأي مواد أخرى بطريقة جمالية جذابة.
المصفاة والمناخل
الهاون
الوسيلة التقليدية لطحن الأعشاب والتوابل والثوم والبسكوت ، وأفضلها المصنوع من الرخام،
أدوات العجين
النشاب او المحور
الحامل السلكي
أشبه بالشواية السلك، ويستخدم في تهوية وتبريد المخبوزات بعد خروجها من الفرن. ويجب أن يكون له أرجل تسمح بمرور الهواء من أسفل
فرشاة العجين
عجلة العجين للبيتزا
أواني الفرن
قوالب الكيك ( دائري – مستطيل..)
حلة الكيك
بقاعدة وفراغ متحرك لتسهيل تحرير الكيكة بعد نضجها، خاصة الأصناف الهشة مثل كيك الموس أو الفواكه.
قالب الباتيه
قالب البريوش
مسطح القاع ومحزز الجوانب، ويستخدم في عمل البريوش والكاسترد وحلوى الجيلي
قواطع وقوالب للبسكوت والمعمول
لوح للتقطيع
حافظات الطعام كالبسكوت
دلات للشاي و القهوة
فرن كهربائي
ماكينة لفرم الخضار مثل الملوخية و البقدونس و..
عصارة للفواكة
طحانة البصل
فتاحات علب
خلاط مولينكس
أدوات للترتيب
سطل الرز
علب للسكر و الملح و الشاي والبهارات
ملاحات
سلات الفواكه
سلات للبصل و البطاطس
صندوق او سلة الخبز
علب السكاكين و الملاعق و….. للادراج
للملاعق اثناء الطهي
مساكات وفوط
قوالب ثلج
عصارة الكريمة والبسكوت
لوح التقطيع
ادوات الاكل و الشرب
ملاعق وشوك
كؤوس
اكواب
صحون :
صغيرة وكبيرة زجاج وميلانين ..
صحون عميقة : بوادي
صحون للمكسرات
الحلويات و الشوكولاته
الصينيات
للتنظيف:
علب الصابون للجلي
سلة لتجفيف الصحون
فوط التنظيف
ليفة \ ليفة سلك \ او اسفنجة
منظف الفرن والموقد
حامل للمناديل الورقية الاسطوانية
ادوات اخرى
قصدير
قفازات
سفر بلاستيك
اكياس بلاستيك صغيرة
دفتر وقلم لقائمة الطعام و احتياجات المطبخ و المنزل
مفارش للمائدة والصواني عند التقديم : كروشيه \ دانتيل...الخ
مفرش مشمع لاسفل علب الزيت
اجهزة كهربائية ..
خلاطات .. طواحين .. مكائن قهوة .. عصارات
صحون .. حلل عادية .. طناجر ضغط .. قلايات ..بوادي .. سلطانيات
سكاكين .. ملاعق .. مغارف .. فتاحات علب ..الواح تقطيع
زجاجيات .. كأسات .. صحون ...طناجر زجاجية .. ملاعق زجاجية ...
اباريق .. .. فنجانين .. .. ..غلايات ماء
أطقم طبخ .. أواني كيك .. أدوات شواء ..أواني سفرة .. والسلاطات ..
ادوات مساعدة ... فوط .. مرايل ... سلات .. معاليق .. أحواض .. سوائل
نصيحة:لاتكثري من الأشياء غير الأساسية فقد تأتيك كهدايا وتندمين على التسرع
فأنت لن تستخدمي الا اشياء بسيطة في البداية بإعتبار ان العرائس مدللات وبعد اسبوع او شهر او..(حسب الحظ و العادة) تبدأين بالطبخ
فهناك أشياء
مهمة لايمكن الاستغناء عنها (الكاسات و.. وأدوات الضيافة مثل صحون الحلويات و المكسرات)
وأشياء يمكن تأجيلها قليلاً
وأشياء يمكن الاستغناء عنها[
و أكيد مش ضروري يبقي عندك كل الحاجات دي طبعا بتختاري الي حتستخدميه فقط لا غير حتي لا يزدحم مطبخك و يكتظ بأشياء دون جدوي منها./COLOR]
الأساسيات التي يجب مراعاتها عند تصميم المطبخ
هناك نقاط هامة يجب الاهتمام بها عند تصميم المطبخ
- مراعاة أماكن الفتحات ( الأبواب و الشبابيك) مع توزيع وحدات المطبخ .
- معرفة الأجهزة الموجودة بالمطبخ قبل التصميم لتحديد أماكنها وهى :
الثلاجة , غسالة أطباق , بوتاجاز , غسالة ملابس , مراوح شفط
- الحفاظ على وجود مثلث العمل مترابط بشكل جيد , هذا المثلث هو العلاقة بين الأجهزة الثلاثة (الحوض ، الموقد ، الثلاجة) حيث تتركز فيه غالبية الأعمال في المطبخ و مراعاة أن يكون مثلث العمل خالي من قطع الأثاث.
- أنواع الخشب : يفضل استخدام أنواع الأخشاب التي تتميز بالصلابة وتتحمل الأبخرة والرطوبة وكذلك درجات الحرارة العالية ومن أنواع الخشب التي يفضل العمل بها في المطبخ (القرو ، الزان) وتعتبر أكثر الأخشاب ملائمة نظراً لصلابتهم وقلة نسبة الرطوبة فيهم ويكون معامل الانكماش والتمدد فيهم أقل ما يكون ويمكن أن يكون بلونهم الطبيعي الفاتح أو صبغها بأي لون مطلوب .
كذلك يمكن استخدام حشوة خشب M.D.F الجيد جداً في أعمال الدهانات أو القشرة.
- أسطح الوحدات:
الجرانيت والرخام :
يعتبر أكثر المواد ملائمة لأسطح الأعداد في المطبخ ويرجع ذلك لأنهم أكثر المواد صلابة وأقلها تأثير بالرطوبة والحرارة ويفضل استخدام الجرانيت لقلة قابليته للتآكل وصلابته وبقاء اللمعة مدة أطول بكثير بعد الجلاء وتعدد ألوانه وعدم تأثره بالمواد الحمضية ولا ينصح باستخدام الرخام الفاتح لتغيير ألوانه وهناك مواد صناعية بديلة للرخام والجرانيت مثل الكوريان وهو متوفر بألوان متعددة ولكنه يتأثر بدرجات الحرارة العالية ويفقد بريقه مع الاستخدام ولكن يمكن إعادة تلميعه وإصلاح أي شروخ أو كسر به بصورة أسهل من الجرانيت والرخام.
الفورميكا :
يمكن استخدام الفورميكا في كسوة وحدات المطبخ من الداخل باللصق ومن مميزاتها أنها تعطي سطح لامع سهل التنظيف خالي من العيوب التقليدية الموجودة في الخشب ومن عيوبها انفصالها في حالة ضعف أو سوء مادة اللصق وفي حالة وجود رطوبة
الألمونيوم :
يتميز بأنه غير مسامي وبالتالي فهو أقل ملائمة لبقاء الحشرات وكذلك مقاوم للحريق خلاف قوة تحمله ومقاومته للمياه بصورة عامة وسهولة استبدال أي جزء معيب وقت الصيانة
إذا كان مطبخك ضيق لا تقلقي فهناك حلول كثيرة لتشعري باتساع أكبر
· استغلال المساحة العمودية بدلاً من الأفقية .
· يمكنك الاقتصاد في حجم وحدات التخزين بجعلها نصف الحجم المعتاد مثلا ، وذلك سيوفر مساحة على الحوائط وفى الأرضية .
· لا تتمسكي بفكرة أن البوتاجاز يجب أن يكون كبير الحجم أو له أربعة مواقد .
· حاولي اختيار أرضية المطبخ والدواليب والسقف بألوان متقاربة مما يعطي شعورا بالسعة.
· ارتفاع السقف و اختيار اللون الفاتح لها يساعد على إعطاء شعور الأتساع.
· زيادة مصادر الإضاءة الصناعية داخل المطبخ سواء كانت تحت الخزائن أو فوقها و أنواع الإضاءة المركزة أو العامة .
· استخدام الألوان الفاتحة في تأثيث المطبخ قدر الإمكان و تجنب الألوان القاتمة لأنها تزيد من الإحساس بالضيق.
· استخدام طاولة جانبية قابلة للطي عند عدم الاستخدام .
· إحداث منفذ بالجدار لعمل شباك لتمتد مساحة النظر إلى الحديقة أو الصالة مثلاً .
· عمل شباك و همي على الجدار ويرسم بداخله منظر خارجي يعطي حيوية أكثر للمطبخ و كأنه شباك حقيقي .
· استغلال الأركان و الزوايا في المطبخ لأنها غالباً مساحات ضائعة .
وعموماً لكل مطبخ طبيعته الخاصة التي من خلالها يمكن تحديد أفضل الحلول بالنسبة له
منقول
كيف أوزع الأدوات و الأواني في المطبخ ؟؟
لا بد من وضع ضروريات كل منطقة على مقربة منها و المقصود بذلك تخصيص مراكز للعمل فمثلاً:
- التوابل و الزيوت و ملاعق التحريك و القدور و أدوات حمل الأواني الساخنة تكون بالقرب من الموقد .
- تخصيص المسافة بين الفرن و الثلاجة لعمل المعجنات بحيث تحتفظين فيها بصواني الخبز و أدوات الخلط و الدقيق و السكر و ....
- مواد التنظيف و المناشف و الإسفنج تكون بقرب حوض الغسيل و كذلك غسالة الأطباق الكهربائية.
- الأكواب و الأطباق تكون قرب الثلاجة أو في المسافة بين الثلاجة و حوض الغسيل .
- أدوات السفرة و تقديم الطعام تُبعد عن مراكز العمل داخل المطبخ و يفضل جعلها بقرب المائدة إن كانت داخل المطبخ أو بقرب الباب إن كانت المائدة بالخارج.
- لا تستخدمي المطبخ لتخزين أمور أخرى لا علاقة لها بالمطبخ و الطبخ و احتياجاته .
- ا حفظي الأدوات الثقيلة في الدواليب السفلية و الأدوات الخفيفة في الدواليب العلوية .
- جزيرة المطبخ و هي الطاولة الموجودة في وسط المطبخ فهي أيضا تحقق مرونة و سهولة في العمل خصوصاً إذا كانت أحد رؤوس مثلث الحركة أي كان عليها الموقد أو حوض الغسيل أو حتى لو تم استخدامها كسطح للعمل فقط .
و هكذا يرتب المطبخ بحسب ما ترى ربة المنزل أنه يسهل عملها أكثر و يقلص من حركتها و يحقق لها راحة أكبر وسرعة و مرونة وبالتالي أمان أكثر أثناء العمل.
المطبخ هو المكان الذي تتردد عليه ربة المنزل بشكل كبير كل اليوم وإذا كان مظهره يبعث الرضى في نفسك سيكون لذلك اثر على نشاطك داخله والعكس صحيح لكي تجددي مطبخك عليك في البداية ا بوضع خطة لكل ما يلزم تغييره أو تبديله..
[color="Blue"]- بدل من تغيير لون دواليب المطبخ بالكامل يمكن فقط تغيير مقابض الدواليب بأخرى ذات شكل جذاب وجديد.
- إن إضافة ستارة مناسبة عند شباك المطبخ ستغير من مظهره كثيراً .
- نباتات الزينة واختيار الأماكن المناسبة لها في مطبخك سيضفي حياة جديدة له كالزوايا أو أسطح الدواليب العلوية أو تحت النافدة مثلا ويحدد ذلك حسب شكل المطبخ وتصميمه.
- اختيار إكسسوارات المطبخ الصغيرة مثل صحن الصابون وعلاقات المناشف والرفـــوف و غيرها ...ولأفضل اختيار ينصح بزيارة الأسواق المتخصصة و تصفح مجلات العرض أولاً لتكوين فكرة وتحديد الميزانية التي سيغير بها الإكسسوار في مطبخك و ربما وجدت أفكار يسهل عليك تنفيذها بنفسك أو تجديد قطع قديمة عندك .
[
- البرطمانات الزجاجية تعتبر إكسسوارا جذاباً في المطبخ خصوصاً إذا ملئت بالمكسرات أو الحبوب أو المكرونة .
- الإضاءة المتدلية من السقف، و الفازات الملونة، واللوحات البسيطة على الجدار, كل هذه عوامل تجعل المطبخ يتغير تماماً.
- يمكن عمل رسومات بسيطة مناسبة للمطبخ ( كرسوم الفواكه و أواني المطبخ ) بالاستنسل على خزائن المطبخ و الحائط و الباب .
- استخدمي خامات من المطبخ كصناديق الفاكهة الخشبية بعد الصنفرة و تلوينها بألوان مختلفة أو بالورنيش فقط ثم استخدامها كسلة للفاكهة أو للبصل , أو كخيش الأرز يعمل منه أكياس ذات أحجام صغيره وحشوها بالإسفنج ثم يمكن ترتيبها وملئها بتشكيلة من المكسرات أو البن أو الحبوب .
- الملاعق و ألواح التقطيع الخشبية يمكن الرسم عليها و تلوينها ثم تزينها بشرائط الدانتيل أو الساتان ثم ترتب في أكواب عريضة أو على باب المطبخ أو على الحائط.
