اقتباس:
المشاركة الأصلية كتبت بواسطة thesniper_12007
عذراً أخواني هذه شخابيط تحتاج إلى تعديلات كثيرة ولكن مجرد تعبير عن رأي
علموني الشعر يمكن
القى كلمة تداوي جرحي
او عباره حب حلوه من حروفها تبان ملامحي
أو لسان يقدر يبادر
أو يقول ايه اللي فاضل
أو يقول ارحم قلوبنا
م الوهن ومن العذاب
عرقنا ما بقاش يثور
جوا منا عشان نناضل
ضعنا خلاص
واحنا في وسط البحر راكبين سفينه
موج جبال كما البركان والموت حادينا
وهوج شديد والعمر غالي وكتير نادينا
ف عز الموج بقيت باضحك
فيه ناس بتموت وتتشاهد
وناس نازله في بعض خناق وانا مشاهد
كفايه يا ربي ذله وقهر
انا شهدتك ومين غيرك يكون شاهد
سفينة الموت ثلاث ارباعها غرقانه
وربانها بيتخانقوا في تقسيمها
واحد يقول ليا الربع من قدام
وتاني يقول دا تلتها ليا م الأول
خلاص يا اخوانا مركبنا دمار وحطام
يا ريت ننجى وبكرة نبقى نتسول
ثواني شافوها تتحول
كبير ربانها من خوفو
عملها وكلو اتبول
كله دا وانا مشاهد
وغيري كتف الايدي وكبر راسو واتشاهد
وهو دا حال اللمة
تجمعنا قوام كلمه
تفرقنا عصا ولقمه
فأحسن حاجة نتكفى
ونتحفى ونتخفي
وايه في الدنيا أحلى لنا
من اني اكون زاهد
اقول طبعا وارفع ايدي واوافق
واطاطي الراس وانا منافق
واقول وياكو يا اخوانا انا معاهد
فقول الشعر مش هيبه
ومش عيبه
دي خيبه كبيرة في السلوفانه مرميه
شويت شخابيط وفيها احساسي متلخبط
ياريتني عرفت افك الخط
واقوم واقف واشد حزامي واتواجه واعدي الخط
الاقي احلامي تتواجه
وف مرايتي الاقي كل شيئ بالظبط
في كل الحال سواسيه
عاندت الموج وكان تعدادي في الاموات
صاحبت الهوج وخدت نصيبي منها سكات
فمش فارقه
اقول الشعر واتعلم وافك الخط
أو اسكت سكته بالموته وانام في الخط
يعنى اخترت السكوت
لما كان هو وكلامنا حاجه واحده
نار نطفيها بدموعنا ولسه قايده
صبر ومرار السنين حوالين قلوبنا
ومن المرار من غير قرار دوقنا وشربنا
ولما كان كل الكلام زى السكوت
والمصير بعد الكلام دمار وموت
يبقى نسكت ايوه نسكت يبقى أحسن
اوعى تفرح يازمن عايشينه إحزن
انتصر الموت علينا
والسكوت نار قايده فينا
ماعلينا
انتهينا
