http://www.w6w.net/album/35/w6w_w6w_...04d842874d.jpg
انا عارف ان الناس كلها مدايقه من الي بيحصل ف البلد وخصوصا احداث ماتش الاهلي والي حصل ولو ان كل ده بيحصل كل يوم بس بكذا شكل
فقولنا نخرج شويه بيكم من جو التوتر
وزي ما قال عمي احمد فؤاد نجم
دلي الشكارة
دلي الشكارة جنب الشكارة
و اقعد يا حفني ولعلك سيجارة
فكّـر شوية .. بالعيشة دية
إيه القضية إيه العبارة
اليومين دول القنوات بتاعه الاعلانات انتشرت بشكل مستفز وبالذات القناه دي طبعا هتقول انت سايب مشاكل البلد والدنيا مقلوبه وبتتكلم ف الحجات دي اقوله معلهش فكها شويه لحسن تموت من الحسره ومحدش يسمعلك حسواهو يا اخي القنوات دي بقي عندها حل لجميع امراض الدنيا
http://www.w6w.net/album/35/w6w20050...15362906da.gif
الآن فى ( مصر ) عسل الورك الجبلى الساحلى الصحراوى الزراعى الأصلى
وهذا العسل تم تجربته فى معامل الفنكوش فى دولة مزاريكا فى قارة أطلانطس الغارقة وثبت بالدليل القاطع أنه يشفى 9000 مرض من أول الكوليرا والإيدز وأنفلونزا الطيور
ويتم تحضيره عن طريق تكتيف النحلة و تدليك بطنها بخلة سنان بحركة دائرية مما يؤدى إلى إنفجار النحلة بالضحك فى هستيريا إلى أن يتدلى لعابها فى إسترخاء فيتم تجميعه وخلطه بـ.....كفاية كدا بقى هنقولكم السر ولا إيه
وهذا العرض فى مصر فقط عشان منتمسكش
وكما ترون فهذا الشاب الرياضى صاحب أيدى الماعز الجبلى الأصلى يمارس كمال الأجسام بشراسة بإستخدام دنابلز نصف كيلو فى كل يد لأنه يحرص على دهان يده بالعسل قبل اللعب كى لا تسقط منه
وهذا العرض فقط ب 199,9999.999 وحد الله بينا وبين الحرام
http://www.w6w.net/album/35/w6w20050...15362906da.gif
لمنتج الأصلى المستخرج من الأعشاب الطبيعية الأصلية الحيوية العضوية
صابرجابوه
لعلاج العقم وعدم الإنجاب وقلة الخلفة وتأخر الولادة ومرارة الطلق وألم الوحدة وعقوق الوالدين
وقد تم تجربته على أبو صابر قبل ما يخلف صابر وأثبت نتائج مذهلة
http://www.w6w.net/album/35/w6w20050...15362906da.gif
اللاصقة السحرية للتخسيس وإنقاص الوزن
حيث تقوم هذه اللاصقة بإنقاص وزن أى شىء تلصق عليه فوراً كما تشاهدون الآن على الشاشة
فهى تمتص الدهون وتخرجها على هيئة قماش من الناحية الأخرى
فقط ضعها على حذائك وسوف يصلح لأخيك الأصغر وإنزعها لترتديه أنت
رائعة
وقد قام بالتعزيم على تلك اللاصقة خمسمائة ساحر من كهنة أمون ورهبان التبت ودافيد كوبرفيلد وسوسو وميمى والمراجيح
إن هذه اللاصقة تخرج أشعة كهرومغناطيسية أنوية نادرة تسبب تحلل الدهون بدون لمون وفتفتة الفتافيت بدون ديناميت وتزلزل الزلازيل
إتصل الآن وسوف تصلك اللاصقة السحرية دوبل فيس مع نصف كيلو غراء بلاستيكى مط
فقط ضعها على المكان المطلوب إنقاص وزنه وسوف تبدأ الحفر وحدها إلى أن تصل للجانب الآخر
مذهلة
لاصقة تتائل بالدهب جربها هتعمل العجب
http://www.w6w.net/album/35/w6w20050...15362906da.gif
التليفون العجيب
إن هذا التليفون له القدرة على رد المكالمات وحده حيث يقوم بسب المعاكسين بألفاظ نابية وبصوت أجش
ويمكنك إعادة برمجته لتسجيل السباب بصوتك حتى يرد غيبتك إذا لم تكن متواجد بالمنزل
أحدث صيحة من الذكاء الصناعى
فهذا التليفون يتعرف على صوت كل الحريم اللى تعرفهم ويفرقهم عن صوت مراتك
يقوم بتقليد صوت الكلب هول فى غيابك إذا حاول أحدهم سرقة منزلك
يمشى وحده ويزحف على البلاط والسجاد ويتسلق الملاية ليمكنك الرد بدون مغادرة السرير
يعمل بدون بطارية وبدون حرارة فقط إندهلوا هيجيلك
إتصل الآن وسيصلك بنفسه حيثما كنت
http://www.w6w.net/album/35/w6w20050...15362906da.gif
اقعدو بالعافيه
http://up.masrawycafe.com/upload/up7...231e7cd974.gif
