السلام عليكم ورحمه الله وبركاته
اولا:ارجو عدم حذف الموضوع
ثانيا: سوف اتكلم عن الحفله المقامة لعيد نصر اكتوبر وذلك طبعا كل سنه والنفاق للرئيس والغناء له
وانا صغيره كنت بحب الرئيس وكنت بقول عليه قال بابا لانى كنت طفله ولا اعلم شئ ولكن عندما كبرت وعرفت حقائق الامور الاول انصدمت فيه وقلت يااما عارف اللى بيدور فى البلد ومطنش ودى مصيبه ياما لا بس ازاى ميعرفش انا مش بكرهه وكمان مش بحبه ولما بشوف ملايين المصريين الغلابه مش عارفين يرتاحو ببلدهم
وعايزين بالبلدى كده يهجو منها مش كره فيها محدش بيكره بلده بالعكس احنا بنحبها بس هى مش بتحبنا باين
احنا بنكره نظامها والذل والظلم مثلا انا فى غربة وسمعت ان الاسعار مولعه نار وحتى الخضار سعره فى السماء
وسمعت المذيعه بتقول يعنى السلطه دلوقت بقت رفاهيه طيب خلينى معاكم واحده واحده والناس الغلابه محدودين
الدخل دول ياكلو توب ولا يسرقو ولا ايه بالظبط لو فى تفكير فى الشعب الغلبان ده بدل الحفله كانو عملو بفلوسها حاجه للناس حفله ايه بس الناس مطحونيين بالله عليكم الناس دول لو قلتلهم هنعملكم حفله ولا نجيب لكم مثلا كسوه الشتاء ولا مصاريف المدارس ولا ايجار البيت والنور والميه والغاز هيقولو لا الحفله الحفله دى معموله للناس اللى بيلعبو بالفلوس لعب يعنى زمان كنت بسمع ان فلان معاه مليون او 2او3 اقول ماشاء الله مليونير دلوقت اللى معاه كده منهم بيكون فقير بالنسبة لل المليون عندهم زى الربع جنيه كده عندنا مثلا فى المسلسلات
بسمع كلام بيتردد كتير مجموعه شركات واسفه على اللفظ شنطة بكذا وجزمه بكذا يعنى الناس دى ممكن يجيبو جزمه تاكل حى بحاله الله المستعان لو فكرو وطبعا رجال الاعمال الكبار انهم يساعدو الناس دول حتى بالزكاة اللى المفروض بيدفعوها كل سنة يعملو جمعيه لزواج الشباب او يكفلو اسر فقيره كان مشاكل الشعب اتحلت لكن الطمع والجشع عامى عيونهم وقلوبهم نفسهم وبس زمان لما قامت الثورة قلنا علشان ميبقاش فى سيد وعبيد باين دلوقت رجع النظام الملكى تانى بس على افزع واسواء الكبير بياكل الصغير وكاننا فى غابه كان نفسى ارجع بلدى بس ازاى مع كل ده خلينى فى غربتى احسن الله المستعان ارجو من الله ان يزول الغمه ويفرج همنا وكربنا
وكل مسلم فى ضيق وينتقم من اللى ظلمونا وحسبى الله ونعم الوكيل
