زكريات في حب امرأه بلا قلب من تأليفي تهمني أراؤكم
طلبت مني الأخت أميرة بلا وطن كتابة قصيدة كنوع من الهجاء في حب امرأه فكانت تلك الكلمات التي كتبتها ارتجاليه رداً مني على طلبهاوهي تحكي زكريات قلب أحب حتى النخاع لأمرأه بلا قلب وأترككم مع القصيدة
يا حبيبتي
ياللي كنتي
أحلى حب مر بيا
إنتي ذكرى ف قلبي هنتي
م اللي شافته معاك عنيا
كنتي ليا وكنت ليكي
حب عايش فيك حنانه
كنتي أجمل حاجه فيا
كنتي جوا الخوف أمانه
وعلمتك معاني الحب
ورسمتك في أحلى كتاب
دوا للطب
وفهرست الحياه انهار حواليكي
وخليتها بحور من شهد
عشان ترويكي
لما القلب يوم يعطش
عشان حالف لاصون العهد
وماتخيلتش إنك تبقى يوم خاينه
عشان راحتك رميت نفسي
في وسط هلاك ليالي السهد
وطبطبتك وعيشتك سنين المهد
ودلعتك ومن جوايا شارب الصهد
أتاريني باعلّم في أسد ضاري
بيسرق مني أفكاري
عشان يهدم قلوب حبت
ويكويني بعذاب ناري
اتاري ... ياااه
كتير جدا بيحصل منها ومش داري
خلاص منها بقيت باري
دي حبتني أنا واخواتي ويايا
وواد خالتي وواد عمي
دا غير جاري
وجار جاري
وجار جار جار جاري
وغير إبن جيران أمي
وغيره كتير
كتير جداً مانيش فاكر
ولسه يا عيني
قلبي فيها بيذاكر
ومش قادر افوق من صدمتي فيها
دا لو دبابه كات داست على ضهري
لقُمت اجري وكان ضهري يكفيها
لكن من صدمتي فيها
حنت ضهري
وحبي فيها مش خافي وكان جهري
خدودي م البكا كلّت
وبات مجرى الدموع مهري
وكل دا ومش قادر أنا انساها
لأني كنت دايم اعيش في جوايا وجواها
وكانت للحياه جنه فيها كنت باحياها
فلو ميّت باموت واحيا ف ذكراها
وكانت للأماني كتاب
وكانت للأمل بكره
ورغم الذل والحرمان
ولا عرفتش في يوم أكره
كأني كنت فيها عبد
وعايش فيها بالسخره
وبعد عزي وجاهي فيها
خلاص فيها بقيت نكره
وهي دي كات الفكره
خلاص فيها بقيت نكره
