السلام عليكم ورحمة الله وبركاته...
عاملين ايه يا احله اخوات فى الدنيا
انا النهاردة عندي موضوع محيرني جدا وعايزة اخد رأيكم فيه ...
هوا ينفع ان البنت هيا الي تخطب الشاب ؟
يعني ينفع ان البنت هيا الي تتقدملو وتطلب منو الجواز ؟
اصل مرة كنت بتابع برنامج في التلفزيون عن الموضوع ده ...كان بيتكلم عن فكرة ان البنت هيا الي تبتدي بالخطوة الاولى وتروح تقول للشاب انها معجبة بيه وعايزة ترتبط بيه ...بصراحة في الاول قولت ايه الجنان ده يعني مهما كان عيب ومينفعش ومفيش بنت محترمة ممكن تعمل كدة مهما كانت معجبة بالشاب او بتحبو ...
برضو فيه اصول احنا تربينا عليها وتعودنا عليها ...
بس انا اتصدمت من موقف شيخ الدين الي كانو مستضيفينو في البرنامج ...
لمة سالتو المذيعة عن رأيو قال انو ده امر طبيعي وحلال شرعا ومفيهاش اي مشكلة ودي مش حاجة فيها انتقاص من قيمة البنت خالص..
بس لاننا تعودنا من زمان ان الراجل هوا الي يطلب ايد البنت عشان كدة بئت الفكرة دي او الصورة دي راكزة في دماغنا ان مينفعش غير الراجل هوا الي ياخد الخطوة الاولى ...
ولقيت بنت برضو في البرنامج متمسكة بفكرة ان مفيهاش حاجة لو انها هيا الي راحت للشاب وقالتلو انا عايزة اتجوزك حتى لو كانت خطوة جريئة بس مش عيب ولا حرام ...
والدليل ان السيدة خديجة رضى الله عنها شافت في النبي الكريم مكارم الأخلاق...وطلبت منو الجواز وحبت انها تكون زوجه ليه...حتى لو بعثت ليه مرسال...
يعني مش معقوله نقول انه فقط الحقيقة دي تطبق على الرسول والأنبياء فقط....والا نزلت ايه بالمعنى ده وكانت سيرة الأنبياء وقف عليهم فقط...
سؤالي دلوقتي انا عايزة رأيكو في الموضوع ده و انتو شايفين ايه ؟ وهل يجوز شرعا ان البنت تعمل كدة يعني من حقها ولا لأ؟
